1 Petero 4:13 - AMASAKO ABOYTRTRE WA NYAMUHANGA AWAKAHULAWA MO BIBLIA

¹³ Nĩkwa mutseme kusangwa mukasangira amalĩge wa Kristo. Neryo omugulu olukengerwa luwe lwasyabĩsũlwa, imwatoka eritsema nʼeritsanga.

Nouveau Testament et Psaumes en Ndandi Version 1962

¹³ Nikwa mutseme aho mukasangira amagali wa Kristo, imwa toka eritsema neritsanga omugulu olukengerwa luwe lwasyabi sulwa.

1 Petero 4:13 Iomraidhean Croise

Ĩsaya 25:9

Nʼoko kiro ekyo kyasyabũgwa, kiti, Lebaya, Oyũ yo na Nyamuhanga wetu Oyo twalinda, naye atoke erĩtũlamya. Oyũ yo na Mwami Mukulu; oyo twabiririnda, Tutsange tutseme omo mulamo wuwe.

Ĩsaya 35:10

Abatongolĩbawa bʼOmwami Mukulu basyasubula, nʼerihĩka eSĩonĩ ĩbakũta obogo bʼobutseme, nʼobutseme bwa kera na kera bwasyabya oko mitwe yabo. Basyabana eritsangamuka nʼeritsema, nʼobũlĩge nʼerihumulikana byasyatibita.

Ĩsaya 51:11

Litya abatongolĩbawa bʼOmwami Mukulu basyasubula, Nʼerĩhĩka eSĩonĩ ĩbakũta obogo nʼobutseme. Obũlĩge nʼerihumulikana byasyatibita.

Matayo 16:27

Kusangwa Omugala wʼomundu asyasa nʼabamalaĩka buwe omo lukengerwa lwa Tata wuwe; nʼoko mugulu oyo asyahemba obuli mundu ngʼemĩbĩrĩ yiwe kwʼiri.

Matayo 25:21

Neryo omukama wuwe mwamubwira ati, Wamakola ndeke, uwe mugombe mubuya oyuteregula! Sulitalegula omo bindu bike, nasyakũhĩra erĩteya ebindu bingi. Wingire omo butseme bwʼomukama wawe!

Matayo 25:23

Neryo omukama wuwe mwamubwira ati, Wamakola ndeke uwe mugombe mubuya oyuteregula! Sulitalegula omo bindu bike, nasyakũhĩra erĩteya bindu bingi. Wingire omo butseme bwʼomukama wawe!

Matayo 25:31

Nĩkwa omugulu Omugala wʼomundu asyasa omo lukengerwa luwe, nʼabamalaĩka bosĩ haguma naye, asyĩkala oko kĩtũmbĩ kiwe kyʼobwami kyʼolukengerwa.

Matayo 25:34

Neryo Omwami asyabwira abandu abali oko byala biwe byʼamali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okwʼihangika lyʼekihugo.

Matayo 5:12

Mutseme, mutsange kutsibu, kusangwa oluhembo lwenyũ ni lungi elubula. Ko banendereraya batya abamĩnyererĩ ababya embere syenyũ.

Mariko 8:38

Kusangwa omundu amakwa esĩsonĩ busana nage, kandi busana nʼebĩnywa byage omo lulengo lubi olũ lʼoluteto olutekenga Nyamuhanga, Omugala wʼomundu asyamũkwa esĩsonĩ omugulu asyasa omo lukengerwa lwa Tata wuwe haguma nʼabamalaĩka buwe babũyĩrĩre.

Luka 17:30

Ko bikandisyabya bitya oko kiro Mugala wʼOmundu asyabĩsũlwa.

Emibiri 16:25

Nĩkwa omo katĩ kanene, Paũlo na Sila babya bakasaba nʼeriimba esyonyimbo syʼeripipa Nyamuhanga, nʼabandu bʼomũlĩkĩ mobahulikirirabo.

Emibiri 5:41

Neryo abakwenda mobalũa omwʼĩbũgĩro ibanemutsema bati Nyamuhanga akaganzabo ngʼabatolere erihemulwa busana nʼerĩna lya Yesu.

AbanyaRoma 5:3

Nĩkwa tukatsema omo malĩge wetu, kusangwa tũnasĩ obũlĩge bukaleta erĩyĩyĩnĩa.

AbanyaRoma 8:17

Twamabya tuli bana, tuli balĩ bʼomwandu nʼebindu ebyo Nyamuhanga akatubikira omo bwami buwe. Kandi twasyasangira omwandu haguma na Kristo; kusangwa twamagalwa haguma na Kristo, twasyasangira olukengerwa luwe.

AbanyaRoma 8:18

Ngaganza amalĩge wa sesene nga si kindu busana nʼolukengerwa olo tũkandĩsyabĩsũlĩrwa.

2 AbanyaKorinto 1:5

Kusangwa ngoko tukasangira amalĩge mangi wa Kristo, litya tukasangira omwisi wa Kristo erĩkĩranĩa liwe lĩnene.

2 AbanyaKorinto 1:7

Neryo amaha wetu busana nenyũ asĩkĩre, ĩtũnasĩ ngoko mukasangira amalĩge wetu, ko mukasangira mutya erĩkĩranĩa lyetu.

2 AbanyaKorinto 4:10

Ebiro byosĩ tuli ngʼabandu abakaheka omo mibiri yabo oluholo lwa Kristo, neryo engebe ya Yesu iyatoka eriminyikala omo mibiri yetu.

2 AbanyaKorinto 4:17

Kusangwa obũlĩge obũ bwangũhĩre, nĩ bwʼakatambĩ kake, bwasyatuletera olukengerwa lwʼerikota, olũlabĩre olulengo.

AbanyaFilipi 3:10

Ekiguma nyanzĩre nyiti, nyiminye Kristo kwenene, nʼobũtokĩ bwʼerĩlũbũka liwe, kandi nyĩsangĩre omo magalĩ wuwe, nʼeribya haguma naye omo luholo luwe.

AbanyaKolosai 1:24

Neryo lino ngatsema omo malĩge wage busana nenyũ. Kusangwa omo mubiri wage ngasangira amalĩge wa Kristo busana nʼomubiri wuwe ye kanĩsa. Ngawatĩkaya erĩberererya amalĩge wuwe.

2 Timoteo 2:12

Twamayĩyĩnĩa, twasyatabala nibya ha­guma naye; Twamamugana, naye asyatugana;

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.

1 Petero 2:21

Kusangwa Nyamuhanga ababirikira busana nʼomwatsi oyũ. Kusangwa Kristo nibya mwagalwa busana nenyũ, neryo mwabasĩgĩra olugobe olo mwangakwama.

1 Petero 5:1

Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

Yuda 1:24

Neryo ukwʼoyukatoka erĩbateya okwʼitoga, kandi akatoka eribaleta omo lukengerwa lwʼembere siwe omo butseme bunene, isimuwite ekyʼerĩhandĩkĩrĩrĩbwa.

Eribisurirwa 1:7

Mũlebaye! Akasa omo bĩtũ! Nʼobuli rĩso nʼasyamulangira, nʼabamutsimita nibya. Nʼebihanda byosĩ bya muna-kihugo byasyamulirira. Inga, bibye bitya! Amina.

Eribisurirwa 1:9

Ĩngye indi Yoane, omũlĩkyenyũ, kandi indi mũsangĩrĩ wenyũ omo malĩge, nʼomo bwami, nʼerĩyĩyĩnĩa, ebikawatana na Yesu, nabya omo kitsira ekikahulawa mo Patemo. Nabyaho kusangwa nakangaya ekĩnywa kya Nyamuhanga, ĩnĩngatũla omwatsi wa Yesu.