1 Petero 4:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

Nouveau Testament et Psaumes en Ndandi Version 1962

¹¹ omundu amabuga, abuge ngakabwirawa noMungu; noyu kakola omubiri akolego ngoyu awite amaka Mungu akaha; ritya Mungu apipawe omo myatsi yosi busana na Yesu Kristo. Olukengerwa neritabala ni biwe na kera na kera. Bibye bitya.

1 Petero 4:11 Iomraidhean Croise

Esyonyimbo 145:13

Obwami bwawe ni bwʼerikota, Nawe uli Mwami kera na kera. Nyamuhanga sialiregula omo ndagane siwe, Kandi ni mubuya omo byosĩ akakola.

Ĩsaya 8:20

Okwʼĩkangĩrĩrya nʼokwʼĩtũlago! Bamatĩndabũga ngʼekĩnywa ekĩ, ni kusangwa sibawite eryibuka.

Yeremĩa 23:22

Nĩkwa kumbe balihangana omo mbĩta yage kumbe bangowĩsĩrye abandu bage ebĩnywa byage, nʼerĩbũnũkalyabo erĩlũa oko nzira yabo nyibi, nʼerĩlũa kwʼebibi byʼemĩbĩrĩ yabo.

Danĩelĩ 4:3

Ebĩmĩnyĩsyo biwe ko biri binene! Nʼebyʼeriswekera biwe ko biri byʼamaka! Obwami buwe ni bwami bwʼerikota, nʼeritabala liwe likabya oko ndengo ndengo.

Danĩelĩ 4:34

Neryo ebiro ebyo byabere byabihwa, ĩngye Nebũkadeneza, monasumbira ameso wage elubula, nʼobũlengekanĩa bwage mobwanyisubako, monapipa Owendata Kutsibu, monamupipa nʼerĩmũsĩkya, oyuliho kera na kera; kusangwa eritabala liwe ni ʼtabala lya kera na kera, nʼobwami buwe ni bʼoko ndengo ndengo.

Danĩelĩ 7:14

Naye mwahabwa eritabala, nʼolukengerwa, nʼobwami, abandu bosĩ nʼebihanda, nʼemĩbũge bamukolere; eritabala liwe ni ʼtabala lya kera na kera, eritendisyahwaho, nʼobwami buwe ni bwami obũtendĩsyaherĩbwa.

Matayo 6:13

Sĩgũtwĩngĩraye omwʼirengwako, nĩkwa ũtũlamaye oko mubi. Kusangwa obwami ni bwawe, Nʼobũtokĩ, nʼolukengerwa, kera na kera. Amina.

Yoane 13:31

Neryo omugulu Yũda ahuluka, Yesu mwabũga ati, Lino Omugala wʼOmundu amabana olukengerwa, kandi Nyamuhanga amabana olukengerwa omwisi wuwe.

Emibiri 7:38

Yoyo wabya haguma nʼabandu ba Ĩsraelĩ omo mbwarara. Abyayo haguma nʼabotata-kulu Wetu, kandi haguma nʼomũlaĩka oyo wabũga naye oko kitwa kyʼeSĩnaĩ. Iye mwangirira amahano wʼengebe nʼerituhago.

AbanyaRoma 11:36

Kusangwa iye mwahangika emyatsi yosĩ, kandi emyatsi yosĩ iye yo wabumbayo, kandi emyatsi yosĩ iri busana naye. Olukengerwa lubye uku Nyamuhanga kera na kera. Amina.

AbanyaRoma 12:3

Kusangwa Nyamuhanga abirimba olukogo olũ, ngabwira obuli mundu omo katĩkatĩ kenyũ nyiti, siayiganze eribya mukulu kwilaba aho atolere, nĩkwa aganĩraye ndeke nʼeriyitswera omo lulengo lwʼerĩkĩrirya olo Nyamuhanga abiriha oko buli mundu.

AbanyaRoma 16:27

Neryo uku Nyamuhanga oyuwite amenge ĩyowene, ukwʼiye habye olukengerwa busana na Yesu Kristo, kera na kera! Amina.

AbanyaRoma 3:2

Linawite endũndĩ omo myatsi yosĩ. Erĩtsũka Nyamuhanga mwahĩra erĩkangĩrĩrya liwe omo byala byʼAbayũda.

1 AbanyaKorinto 10:31

Neryo wamalya akalyo kutse ũkapũlya, kutse Wamakola ekĩndũkĩ, Ukole ebyosĩ busana nʼeriha olukengerwa uku Nyamuhanga.

1 AbanyaKorinto 12:4

Nĩkwa hali mĩsĩndo-mĩsĩndo yʼolũsũnzo, nĩkwa nĩ Mũlĩmũ muguma oyukahalo.

1 AbanyaKorinto 3:10

Neryo Nyamuhanga mwamba olũsũnzo luwe, lwʼomũbĩrĩ. Neryo ngʼomũhĩmbĩ munyima-nyima wʼamenge monahula ekibanza, nĩkwa ogundi akahĩmba kukyo. Neryo obuli mundu ayĩtegaye ngʼakahĩmba ati.

1 AbanyaKorinto 6:20

Abiribagula omo bũgũlĩ. Neryo omo mibiri yenyũ, muletere Nyamuhanga yʼolukengerwa.

2 AbanyaKorinto 2:17

Kusangwa Situli ngʼabandi bangi abakatũndaya ekĩnywa kya Nyamuhanga. Nĩkwa omo kwenene, tũkabũga embere sya Nyamuhanga ebĩnywa bĩkalũa uku Nyamuhanga; kandi, tũkabũga ngʼabagombe ba Kristo.

2 AbanyaKorinto 9:13

Kandi busana nʼekĩmĩnyĩsyo kyʼomũbĩrĩ wenyũ oyũ, abangi basyaha Nyamuhanga olukengerwa ĩbakalebaya ngoko mukakenga Engulu Yowene ya Kristo, eyo mukakwama. Kandi ĩbakalebaya ngoko mukakola ebibuya erisangira ebindu byenyũ haguma nabo nʼabandi bandu.

AbanyaEfeso 1:19

Muminye obunene bwʼobũtokĩ buwe obukakola omwisi wetu ĩtwe tũkĩkĩrĩraya. Obũtokĩ obũ omwisi wetu ni maka ayo manene wa Nyamuhanga,

AbanyaEfeso 4:29

Sĩmũbũge ebĩnywa ebĩtĩsĩrĩre, nĩkwa mũbũge ebĩnywa bibuya ebĩkawatĩkaya nʼerĩhĩmba bandu, ebikaha olukogo oko bandu abakowa.

AbanyaEfeso 5:20

Oko migulu yosĩ nʼomo myatsi yosĩ muhe ewasĩngya uku Nyamuhanga Tata, omo lĩna lyʼomukama wetu Yesu Kristo.

AbanyaEfeso 6:10

Neryo lino, mubane amaka erima­tikana nʼomukama. Mubane akagala omo bũtokĩ bunene buwe.

AbanyaFilipi 1:11

Kandi emitima yenyũ yasyũsũla omo myatsi itunganene eyĩkalũa uku Yesu Kristo. Emyatsi eyĩ yasyaleta olukengerwa nʼeripipa uku Nyamuhanga.

AbanyaFilipi 2:11

Obuli mundu asyatũlaganĩa ko Yesu Kristo ni Mukama, busana nʼeriha olukengerwa uku Nyamuhanga Tata.

AbanyaKolosai 4:6

Erĩkanĩa lyenyũ libye omo lukogo kandi ribye ryowene, imwatoka erĩsũbĩrya ndeke obuli mundu.

1 AbanyaTesalonika 2:4

Nĩkwa, tũkakangĩrĩraya ngoko Nyamuhanga anzĩre ĩtwabũga, ngʼabandu abakasĩmawa na Nyamuhanga erĩtũla Engulu Yowene. Sĩtwetsemesaya bandu, nĩkwa tũkatsemesaya Nyamuhanga Oyũkalebaya emitima yetu.

1 Timoteo 1:17

Neryo erĩsĩkya nʼolukengerwa bya kera na kera bibye oko Mwami Wʼerikota, oyutehola, kandi oyutelolawako, ye Nyamuhanga ĩyowene-wene. Amina.

1 Timoteo 6:16

Iye ĩyowene yukakota; kandi ĩkere omo kyakakala ekite kyangahĩkwamo. Sihali mundu oyo wabirimulolako, kandi sihali mundu wangatoka erimulolako. Erĩsĩkya nʼobũtokĩ bwa kera na kera bibye ukwʼiye, Amina.

Tito 2:1

Nĩkwa uwe, ũbũge emyatsi eyitolere erĩkangĩrĩrya eritunganene.

Tito 2:15

Ũbũge emyatsi eyĩ, kandi Ũsĩkaye nʼerikunga abandu nʼehamũlĩ yosĩ. Suleke mundu akakupona.

AbaEbrania 13:7

Mwibuke abasondolĩ benyũ, ababaletera ekĩnywa kya Nyamuhanga. Kandi mwibuke emigendere yabo nʼebyo bakola, mũgerereraye erĩkĩrĩrya lyabo.

AbaEbrania 5:12

Kusangwa manga-hano ĩnywe mwangabere abakangĩrĩrya, kwesĩ mwangaswakangĩrĩrĩbwa emyatsi yʼerĩmbere yʼebĩnywa bya Nyamuhanga. Mukinatolere amabere butsira akalyo.

Yakobo 1:19

Balĩkyetu banze, muminye ekĩ. Obuli mundu abye akowa lũba, nĩkwa sĩabũge lũba, kutse siahitane lũba.

Yakobo 1:26

Omundu amaganĩrya ati akakwama ekisomo kyo ndeke, nĩkwa isialikunga olulimi luwe, akayiteba, nʼekisomo kiwe ni kya busa.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

1 Petero 4:10

Obuli mundu abirihabwa olũsũnzo lwʼomũsĩndo olũkalũa uku Nyamuhanga. Mukolerane omo lũsũnzo olo, ngʼabateya bʼolũsũnzo mĩsĩndomĩsĩndo Nyamuhanga akatuha.

1 Petero 4:16

Nĩkwa omundu amagalwa kusangwa ni Mukristo, sĩakwe esĩsonĩ, nĩkwa apipe Nyamuhanga busana nʼeribya Mukristo.

1 Petero 5:11

Obũtokĩ bubye buwe kera na kera. Amina.

Yuda 1:25

Uku Nyamuhanga muguma musa, Omũlamya wetu, omwisi wa Yesu Kristo Omukama wetu, ukwʼiye habye olukengerwa, nʼobukulu, nʼobũtokĩ bosĩ, nʼehamũlĩ, erĩtsũka oko migulu yosĩ ya kera, na lino-lino, na kera na kera. Amina.