1 Petero 3:8 - AMASAKO ABOYTRTRE WA NYAMUHANGA AWAKAHULAWA MO BIBLIA

⁸ Omo myatsi yosĩ eyĩ tuti, Ĩnywe bosĩ mubye nʼobũlengekanĩa buguma, nʼomutima muguma, mwanzane ngʼabasubeneko, mubye nʼomutima mubuya, kandi mũyĩkehaye.

Nouveau Testament et Psaumes en Ndandi Version 1962

⁸ Eribuga, inywe bosi, mubye nekirimu kiguma, neriganyira, neribya nolwanzo lwabagala babo, nomutima ahehere, nobu ringikania bweriyikehya.

1 Petero 3:8 Iomraidhean Croise

Esyonyimbo 103:13

Ngoko ĩse wʼabana akaganyirabo, Litya Omwami Mukulu akaganyira abandu abakamubaha.

Emĩsyo 28:8

Oyukatomeka oko bũsokĩ buwe busana nʼendũndĩ nʼerikanyirira Akahĩndanayabyo busana nʼoyukaganyira abera.

Zekarĩa 7:9

Omwami Mukulu Wʼemilondo akabũga ati, Mutswere erĩbanza lyʼekwenene, mũkangaye obubuya nʼeriganyira obuli mundu uku mũlĩkyabo;

Matayo 18:33

Nawe sĩwangaganyĩre omugombe mũlĩkyenyũ, ngoko nyiriakuganyira kwehĩ?

Luka 10:33

Nĩkwa Omũsamarĩa, oyo wabya oko lugendo, mwahĩka ahali omundu oyo, neryo abere amulolako, mwamuganyira.

Emibiri 2:1

Neryo ekiro kyʼePentekote kyabere kyahĩka, abosĩ mobabya hagumaguma.

Emibiri 27:3

Engyakya motwahĩka eSĩdona. Yũlĩo mwakola Paũlo yo ndeke, mwamuha ehamũlĩ eriyabana abĩra buwe nʼerĩwatĩkĩbwa.

Emibiri 28:7

Nĩkwa hakũhĩ nʼaho habya ebitaka bya Pũblĩo omukulu wʼekitsira ekyo. Naye mwatũkokya ndeke biro bisatu.

Emibiri 4:32

Nʼendeko yʼabandu abĩkĩrĩraya moyabya nʼomutima nʼobũlengekanĩa buguma. Sihali oyo wabũga ati ebindu biwe ni biwe ĩyowene. Nĩkwa mobasangira ebyosĩ.

AbanyaRoma 12:10

Mwanzane kutsibu ngʼabasubeneko. Mukengane nʼeribya nʼomutima wʼerĩsĩkya abandi.

AbanyaRoma 15:5

Nĩkwa Nyamuhanga oyukaha erĩyĩyĩnĩa nʼerihanda omutima, abahe obũlengekanĩa bwa Kristo Yesu.

1 AbanyaKorinto 1:10

Neryo balĩkyetu, ngabalemba-lemba omo lĩna lyʼomukama wetu Yesu Kristo, nyiti ĩnywe bosĩ mũbũge kiguma. Nyiti Sihabye erigabana omo katĩkatĩ kenyũ, nĩkwa mubohane omo bũlengekanĩa buguma nʼomutima muguma.

1 AbanyaKorinto 12:26

Neryo ekĩtsũko kiguma kyamagalwa, ebĩtsũko byosĩ bikagalawa haguma nakyo; kandi ekĩtsũko kiguma kyamasĩkĩbwa, ebĩtsũko byosĩ bikatsema haguma nakyo.

AbanyaEfeso 4:2

Mũyĩkehaye, mubye nʼomutima molo, muyibombeke. Muganyirane omo lwanzo.

AbanyaEfeso 4:31

Muguse hali erikaliha lyosĩ, nʼeryagalirwa lyosĩ, muleke olukanda, nʼebĩtsũmĩ byosĩ, haguma nʼerĩkĩsya lyosĩ.

AbanyaEfeso 4:32

Mwanzane, mubye nʼemitima eyihehere, mubuyirane, ngoko Nyamuhanga abiribabuyira busana na Kristo.

AbanyaFilipi 2:3

Simukole mwatsi omo mwaga wʼobutimane, kutse busana nʼeriyipipa, nĩkwa mũyĩkehaye, imukaganza obuli mundu mo mubuya kwilaba ĩnywe.

AbanyaFilipi 3:16

Nĩkwa aho twabĩrĩhĩka, tũsĩke erikwamirirabo tutya.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

AbaEbrania 13:1

Mwanzane ebiro byosĩ ngʼabalĩkyetu.

Yakobo 2:13

Kusangwa Nyamuhanga siendisyaganyira omundu oyukagana eriganyira ogundi. Nĩkwa eriganyira lĩkakĩnda eritswera.

Yakobo 3:17

Nĩkwa amenge awakalũa endata, embere ni mabuya; kandi ni wʼobuholo, kandi ahehere, kandi akowa lũba, oswĩre mwʼeriganyira, nʼemĩbĩrĩ mibuya; kandi sialisombola ndi nandi, kandi sĩalĩyĩtendereraya.

Yakobo 5:11

Mũlebaye, tukaganza abayĩyĩnaya mo bandu bʼobutseme. Mwabĩrĩowa engulu yʼerĩyĩyĩnĩa lya Yobũ, kandi mwabirilangira ebyo Mukama asala amukolera. Kusangwa Omukama ni wʼeriganyira kutsibu, kandi akaganyira abandu.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 2:17

Mũsĩkaye abandu bosĩ. Mwanze abalĩkyetu Abakristo, mukenge Nyamuhanga, kandi mũsĩkaye omwami.

1 Petero 5:5

Nenyũ nibya ĩnywe balwana, mukenge abakulu benyũ. Kandi ĩnywe bosĩ mũyĩkehaye embere syʼabalĩkyenyũ, kusangwa kĩsakĩre kiti, Nyamuhanga akalwa nʼabakayiheka, Nĩkwa akakanyaya olukogo oko bakayĩkehaya.

2 Petero 1:7

nʼokwʼĩyĩyĩnĩa lyenyũ mutomeke erikenga Nyamuhanga; nʼokwʼikenga Nyamuhanga mutomeke Obugenge, nʼoko bugenge bwenyũ mutomeke olwanzo.

1 Yoane 3:14

Ĩtwe tũnasĩ ko twabĩrĩlũa oko luholo, nʼeribana engebe, twasĩ tutya kusangwa tukanza abalĩkyetu. Oyutianza ĩkere omo luholo.