1 Petero 3:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Nĩkwa obubuya bwenyũ bubye bwʼomutima owali omwisi wʼomundu. Bubye obubuya bwʼekĩrĩmũ ekihehere nʼekyʼobũkũtũ, ekitetsanda. Obubuya obo ni bwʼobũgũlĩ bunene embere sya Nyamuhanga.

Nouveau Testament et Psaumes en Ndandi Version 1962

⁴ nikwa ribye omundu oyu bisamire womutima, kyekirimu kitehonda kihehere kyobuholo, ni kyo buguri bunene embere syoMungu.

1 Petero 3:4 Iomraidhean Croise

Esyonyimbo 131:2

Nĩkwa nabiriyibombeka nʼeribya nʼobuholo; Ngʼomwana oyukayirato uku nyĩnya wuwe, Omutima wage abiribondera omwisi wage.

Esyonyimbo 147:6

Akasumba abakayĩkehaya, Kandi akahĩnolera ababi ahisi oko kitaka.

Esyonyimbo 149:4

Omwami Mukulu akatsemera abandu buwe; Akakenga abakayĩkehaya erihabo erĩsĩngana.

Esyonyimbo 25:9

Akasondola abandu bolo omo lĩbanza litunganene, Akakangĩrĩraya abandu bolo omo nzira yiwe.

Esyonyimbo 45:13

Omwali wʼOmwami ali omo kikali, kandi ni mubuya ndeke! Esyongimba siwe sĩlũkĩre omo ngohe yʼesyamagetsi.

Esyonyimbo 51:6

Ukasonda omutima owateregula; Ũsũlaye obũlengekanĩa bwage omo menge wawe.

Ĩsaya 11:4

nĩkwa omo litunganene asyatswera abera, nʼerisoha ekwenene busana nʼabandu abakagalawa bʼekihugo. Kandi asyĩta ekihugo omo kĩnywa kiwe ngʼengonĩ. Kandi asyĩta ababi omo muka wʼemĩnywa yiwe.

Ĩsaya 29:19

Nʼabandu bʼobũlĩge basyakanyĩrĩrya obutseme bwabo omo Mwami Mukulu, nʼabandu bʼobwaga basyatsema ũmwʼOyũbũyĩrĩre wa Ĩsraelĩ.

Ĩsaya 57:15

Kusangwa Oyuli wʼendata nʼoyũyĩsũmbĩre, oyukakota kera na kera, erĩna liwe lĩbũyĩrĩre, yũkabũga ati, Nyĩkere ahʼendata nʼahabũyĩrĩre, kandi nyĩkere haguma nʼoyuli nʼekĩrĩmũ kyolo-kyolo nʼerĩyĩkehya, nyitoke erĩsũbya ekĩrĩmũ kyʼerĩyĩkehya nʼerĩsũbya omutima wʼoyũkwĩre obũlĩge.

Ĩsaya 61:1

Omũlĩmũ wʼomukama Omwami Mukulu anyiriko, kusangwa Omwami Mukulu abĩrĩnyĩhakabya amagũta, nyirete engulu yowene oko bandu abakagalawa. Abirinyituma erilunga ababũnĩkĩre omo mutima, erĩtũlĩra ababohĩre obwĩranda nʼerikingulira abandu bʼomũlĩkĩ,

Yeremĩa 51:59

Ekĩnywa ekyo mũmĩnyererĩ Yeremĩa ahana Seraya, mugala wa Nerĩa, mwitsikulu wa Masea, omugulu agenda haguma na Zedekĩa omwami wʼeYũda eBabelĩ oko mwaka wʼakani wʼeritabala liwe. Nĩkwa Seraya abya omugombe mukulu.

Matayo 11:29

Mwĩmaye engomo yage, muhekeyo, mwigire ũkwʼĩngye, kusangwa indi molo-molo nʼowʼomutima ahehere; nenyũ mwasyabana eriluhuka omo mitima yenyũ.

Matayo 21:5

Mubwire mwali wʼeSĩonĩ, muti; Lebaya omwami wawe amasa ukʼuwe, Iye ni wʼomutima molo, kandi akahekawa nʼepunda, Kye kyana kyʼepunda kikamuheka.

Matayo 23:26

Uwe Mũfarĩsayo ndĩmatĩme, Ũtsũke erĩerya olũtehĩ nʼekibindi byʼomwisi neryo eyĩhya wabyo iyatoka eriera nibya.

Matayo 5:5

Obutseme buli oko bʼomutima molo, Nyamuhanga asyahabo ebyo alaga!

Luka 11:40

Ĩnywe bakĩrũ! Nyamuhanga oyo wahangika endambi, mwatahangika nʼomwisi nibya kwehĩ?

Luka 16:15

Nĩkwa Yesu mwabwirabo ati, Ĩnywe muli abakayĩtũngananaya omo meso wʼabandu, nĩkwa Nyamuhanga anasĩ emitima yenyũ. Kusangwa ebyo abandu bakaganĩraya nga ni binene, Sibiri na mugaso omo meso wa Nyamuhanga.

AbanyaRoma 1:23

Mobahĩnganĩa olukengerwa lwa Nyamuhanga olutetsanda, omo bĩsosekanĩo byʼabandu abakatsanda, nʼebyʼesyonyonyũ, nʼebyʼesyonyama, nʼesikakululuka.

AbanyaRoma 2:29

Nĩkwa omundu nĩ Mũyũda oyuli Mũyũda omo mutima wuwe, ĩnĩabĩrĩbanĩbwa omo mutima busana nʼomũbĩrĩ wʼOmũlĩmũ Abũyĩrĩre, butsira nʼebĩnywa byʼEmigambo. Omundu oyo akapipawa na Nyamuhanga, butsira bandu.

AbanyaRoma 6:6

kusangwa tũnasĩ ngoko mundu wetu wa kera abiribambwa oko musalaba haguma na Kristo, neryo amalengekanĩa wʼebibi atoke erĩherĩbwa, situbye kandi abakobe bʼebibi.

AbanyaRoma 7:22

Ngalĩga nʼobutseme, omugambo wa Nyamuhanga omwisi wʼomutima wage.

2 AbanyaKorinto 10:1

Neryo ĩngye Paũlo, oyuli molo embere syenyũ, nĩkwa oyũkalĩre omugulu nde haguma nenyũ, ngabalemba-lemba busana nʼobolo nʼobubuya bwa Kristo,

2 AbanyaKorinto 4:16

Neryo busana nʼemyatsi eyĩ sitweremerawa. Nĩkwa nomo mibiri yetu ikakula, nĩkwa ebĩrĩmũ byetu bikayirawa mo bihya-bihya obuli kiro.

AbanyaGalatia 5:23

omutima molo, nʼerĩyĩteya. Sihali omugambo owakalwa nʼemyatsi eyĩ.

AbanyaEfeso 4:2

Mũyĩkehaye, mubye nʼomutima molo, muyibombeke. Muganyirane omo lwanzo.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

AbanyaKolosai 3:3

Kusangwa mwabirihola, na lino engebe yenyũ ĩbĩseme haguma na Kristo omwisi wa Nyamuhanga.

1 AbanyaTesalonika 4:11

Kandi musonde erĩyĩkalira bolo, nʼerĩyĩhĩra oko mũbĩrĩ wenyũ wowene, nʼeriyikolera omo byala byenyũ, ngoko twabahana.

2 AbanyaTesalonika 3:12

Neryo omo lĩna lyʼomukama Yesu Kristo, tukahana nʼerisaba bandu ngʼabo, tuti, Litolere ibakola omũbĩrĩ gʼobuholo nʼeriyikumbirira.

1 Timoteo 2:2

Kandi busana nʼabami, nʼabandi bosĩ abakatabala, tutoke erisiba buholo butsira mwaga, itukakenga Nyamuhanga, nʼeriyitondeka ndeke.

2 Timoteo 2:25

Kandi ahehere omugulu akakunga abakalwa naye. Mbino Nyamuhanga asyahabo eribindula emitima yabo erireka ebibi, nʼeriminya omwatsi wʼekwenene.

Tito 3:2

Kandi sibatsume mundu, sibalwe, bakangaye obwĩra, nʼerĩkanganĩa omutima molo oko bandu bosĩ.

Yakobo 1:21

Neryo muguse obuli mwatsi atĩsĩrĩre, nʼemibere yosĩ yʼebibi. Neryo mwangirire nʼomutima molo ekĩnywa ekyo Nyamuhanga akahĩra omo mitima yenyũ, ekikatoka erĩbalamya.

1 Petero 1:23

Kusangwa mwabiributwa buhya-buhya, butsira omo mbuto eyikahonda, nĩkwa omo mbuto eyitehonda, kye kĩnywa kya Nyamuhanga, ekiri mwʼengebe, kandi ekikakota.

1 Petero 3:15

Nĩkwa omo mitima yenyũ mukenge Kristo ngʼomukama wenyũ. Ĩmũnasĩkĩre endambĩ yosĩ erĩsũbĩrya obuli mundu oyũkababũlaya busana nʼamaha ago muli nago.

1 Samwelĩ 16:7

Nĩkwa Omwami Mukulu mwabwira Samwelĩ ati, Susamalire obubuya buwe, kutse obuli bwʼolubu alirimo kusangwa nabirimugana; kusangwa Omwami Mukulu sialisamalira ngʼomundu kwʼakasamalira; kusangwa omundu akalangira erisosa lyʼeyĩhya, nĩkwa Omwami Mukulu akasamalira omo mutima.