1 Petero 3:22 - AMASAKO ABOYTRTRE WA NYAMUHANGA AWAKAHULAWA MO BIBLIA

²² Yesu Kristo abiriya elubula, kandi ali oko byala byʼamali bya Nyamuhanga; iniabiritabala oko bamalaĩka, nʼabʼehamũlĩ bʼelubula nʼabʼamaka.

Nouveau Testament et Psaumes en Ndandi Version 1962

²² Oyuri oko byala byamali byoMungu iniabiriya elubula, nabalaika nabehamuli nabamaka ibakamowa.

1 Petero 3:22 Iomraidhean Croise

Esyonyimbo 110:1

Omwami Mukulu mwabwira omukama wage ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe omo kĩtũmbĩ kyʼebisando byawe.

Matayo 22:44

Omukama mwabwira Omukama wage ati, Wĩkale oko byala byage byʼamali, Erĩhĩka aho nasyahĩrĩra esyonzĩgũ syawe omwisi wʼebisando byawe.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Mariko 12:36

Omũlĩmũ Abũyĩrĩre asondola Dawĩdĩ abũge ati, Omukama mwabwira Omukama wage ati, Wĩkale oko byala byage byʼamali, Erĩhĩka aho nasyahĩrĩra esyonzĩgũ syawe eyĩkwa oko bisando byawe.

Mariko 16:19

Neryo Omukama Yesu abere abĩbũga nabo, mwatwalwa elubula, mwĩkala oko byala byʼamali bya Nyamuhanga.

Luka 20:42

Kusangwa Dawĩdĩ akabũga omo kitabu kyʼesyonyimbo ati, Omukama akabwira Omukama wage ati, Wĩkale oko byala byage byʼamali,

Yoane 13:32

Neryo Nyamuhanga amabana olukengerwa omwisi wuwe, Nyamuhanga ĩyowene asyabanira Omugala wʼOmundu yʼolukengerwa. Kandi asyamubanira olukengerwa neryo-neryo.

Emibiri 1:11

bati, Ĩnywe balume bʼeGalĩlaya, busana nakĩ mukahangana aho mukasamalira omo kyanya kwehĩ? Yesu oyukabitwalwa elubula akalũa ũkwʼĩnywe, asyaswasa atya ngoko mukabimusamalira akaya elubula.

Emibiri 3:21

Naye atolere erĩkokĩbwa elubula erĩhĩka oko mugulu wʼerisuba lyʼemyatsi yosĩ eyo Nyamuhanga ahula kera omo buno bwʼabamĩnyererĩ buwe ababũyĩrĩre.

AbanyaRoma 8:34

Nindi yo Wasyahĩra kubo kwʼomusango kwehĩ? Kristo Yesu yoyo wahola, kandi mwalũbũka, na lino ĩkere oko luhande lwʼamali lwa Nyamuhanga, kandi yo yukatwimira embere sya Nyamuhanga.

AbanyaRoma 8:38

Kusangwa nyĩnasĩ ndeke ngoko hate kindu ekyangatoka eritugabula oko lwanzo lwa Nyamuhanga oluli omwisi wa Kristo Omukama wetu. Sihali kindu, sihali oluholo, kutse engebe, sihali abamalaĩka, kutse abatabalĩ bʼomo kyanya, sihali emyatsi ya sesene, kutse emyatsi eyikandisyasa, sihali ebyʼamaka, kutse ekyʼendata, kutse ekyʼeyĩkwa, sihali nʼekindi ekyahangikawa, ekyangatoka eritugabula oko lwanzo olo lwa Nyamuhanga, oluli omwisi wa Kristo Yesu Omukama wetu.

1 AbanyaKorinto 15:24

Neryo endũlĩ ĩyahĩka; Kristo amabĩhwerekererya eritabala lyosĩ, nʼehamũlĩ yosĩ, nʼobũtokĩ bosĩ, asyaha obwami uku Nyamuhanga Tata.

AbanyaKolosai 3:1

Neryo kusangwa mwabĩrĩlũbũkĩbwa haguma na Kristo, mũhĩre emitima yenyũ oko myatsi yʼendata aho Kristo ĩkere oko luhande lwʼamali lwa Nyamuhanga.

AbaEbrania 1:13

Nĩkwa Nyamuhanga mwabwira omũlaĩka wahi na kera ati, Wĩkale oko luhande lwage lwʼamali, Erĩhĩka aho nasyahĩrĩra esyonzĩgũ syawe Omo kĩtũmbĩ kyʼebisando byawe.

AbaEbrania 1:3

Omugala akakangabasanaya nʼolukengerwa lwa Nyamuhanga. Kandi iye ni kiminyikalo kwenene kyʼeribyaho lya Nyamuhanga. Kandi akahanganaya emyatsi yosĩ yʼekihugo nʼeyʼekyanya omo kĩnywa kyʼobũtokĩ buwe. Neryo abere abĩerya ebibi busana nʼabandu, mwĩkala oko luhande lwʼamali lwa Nyamuhanga Omwenye Obukulu Owendata kutsibu.

AbaEbrania 1:6

Kandi omugulu Nyamuhanga abya akaleta akambere kuwe omo kihugo, mwabũga ati, Abamalaĩka bosĩ ba Nyamuhanga bamũramaye.

AbaEbrania 10:12

Nĩkwa Kristo mwahera obuhere buguma bwa kera na kera busana nʼebibi, neryo mwĩkala oko luhande lwʼamali lwa Nyamuhanga.

AbaEbrania 12:2

Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

AbaEbrania 4:14

Tuhambe ndeke emyatsi eyo twabĩrĩkĩrĩrya, kusangwa tuwite omũhererĩ mukulu oko bahererĩ bosĩ, oyo wabirilaba omo lubula, Ye Yesu Mugala wa Nyamuhanga.

AbaEbrania 6:20

aho Kristo abiriingira busana netu, iniabiribya mũhererĩ mukulu oko bahererĩ bosĩ, wa kera na kera omo muhanda wa Melkĩsedekĩ.

AbaEbrania 8:1

Neryo enzumwa yʼomwatsi tũkabũga yeyĩ: tuwite omũhererĩ mukulu oko bahererĩ bosĩ wʼomũsĩndo oyũ. Ĩkere oko luhande lwʼamali lwʼekĩtũmbĩ kyʼOmwenye Obukulu omo lubula.

AbaEbrania 9:24

Kusangwa Yesu mwatingira Ahabũyĩrĩre ahakokotĩbawa nʼebyala byʼabandu, ahabya ekĩsosekanĩo kyʼAhabũyĩrĩre hʼekwenene, nĩkwa mwingira elubula aho akabanika embere sya Nyamuhanga busana netu.