1 Petero 3:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.

Nouveau Testament et Psaumes en Ndandi Version 1962

²¹ Nago ni kisosekanio kyeribatisya, eribalamya lino, butsira erilusya eriku ryoko mubiri nikwa ni lagana busana nomulenge owene womutima, oko Mungu busana nerilubuka ryaYesu Kristo,

1 Petero 3:21 Iomraidhean Croise

Zekarĩa 13:1

Omo kiro ekyo hasyabya eyĩsoko yasyalĩbũlwa busana nʼekĩtũnga kya Dawĩdĩ nʼoko syondũlanĩ syʼeYerũsalema, busana nʼebibi nʼebĩtĩsĩrĩre.

Matayo 28:19

Neryo mugende, muyire abiga oko bihanda byosĩ; mũbatĩsayebo omo lĩna lyʼĨse, nʼeryʼOmugala, nʼeryʼOmũlĩmũ Abũyĩrĩre.

Mariko 16:16

Oyũkĩkĩrĩraya kandi iniabiribatĩsĩbwa asyalamĩbwa; nĩkwa oyũtĩkĩrĩraya asyasĩngwa.

Yoane 13:9

Sĩmonĩ Petero mwamubwira ati, Mukama, sũnabaye ebisando byage, ĩbyobyene! Nĩkwa ũnabaye ebyala byage nʼomutwe wage nibya!

Emibiri 16:33

Neryo oko saa eyo yʼekiro, omũteya oyo mwĩmya Paũlo na Sila, mwerya ebironda byabo, neryoneryo mwabatĩsĩbwa, iye nʼekĩtũnga kiwe kyosĩ.

Emibiri 2:38

Petero mwabwirabo ati, Mubindule emitima yenyũ, muleke ebibi, kandi obuli mundu abatĩsĩbawe omo lĩna lya Yesu Kristo busana nʼeribuyirwa lyʼebibi byenyũ, neryo mwasyabana olũsũnzo lwa Nyamuhanga yo Mũlĩmũ Abũyĩrĩre.

Emibiri 22:16

Na lino, ukalinda busana nakĩ kwehĩ? Hangana, ũbatĩsĩbawe, kandi Ulakire erĩna liwe, ebibi byawe byerĩbawe.

Emibiri 8:36

Neryo babere bakagenda omo nzira eyo, mobahĩka ahabya magetsi, neryo omukulu oyo mwabũga ati, Lebaya, hano hali amagetsi! Ekyanganyĩkakĩrya erĩbatĩsĩbwa ni kyahi kwehĩ? [

Emibiri 8:37

Neryo Fĩlĩpo mwabũga naye ati, Wangahatĩsĩbwa Wamĩkĩrĩrya nʼomutima wawe gosĩ. Naye mwasũbirya ati, Namĩkĩrĩrya ko Yesu Kristo ni Mugala wa Nyamuhanga.]

AbanyaRoma 5:14

Nĩkwa oluholo molwatabala oko bandu erĩtsũka uku Adamu nʼerĩhĩka uku Musa; nibya molwatabala oko batakola ekibi ekiringene ngʼerĩlolo lya Adamu.

1 AbanyaKorinto 12:13

Kusangwa omo Mũlĩmũ muguma ĩtwe bosĩ twabĩrĩbatĩsĩbwa, nʼomo mubiri muguma, ĩtwe Bayũda kutse abʼEbihanda, kutse abakobe, kutse abʼobwĩranda; ĩtwe bosĩ twabirihabwa erĩpũlya oko Mũlĩmũ muguma.

1 AbanyaKorinto 4:6

Balĩkyetu, nabĩrĩbũga emyatsi eyĩ mo mũsyo busana nage na busana na Apolo, imwatoka eriiga eritendisoha nabi. Sihabye mundu oyukayiheka, ati akimira omukwenda muguma, nʼeripona ogundi.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaGalatia 3:27

Kusangwa ĩnywe bosĩ mwabatĩsĩbawa erimatikana na Kristo mwabiriambala emibere ya Kristo.

AbanyaEfeso 5:26

iniatoka erihigulayo nʼerĩeryayo ĩnĩamabĩlabyayo omo magetsi, kye kĩnywa kiwe.

AbanyaKolosai 2:12

Kusangwa omwʼĩbatĩsĩbwa lyenyũ momwatabwa haguma na Kristo. Kandi omwʼĩbatĩsĩbwa lyenyũ, mwalũbũkĩbawa haguma na Kristo busana nʼerĩkĩrĩrya lyenyũ omo bũtokĩ bwa Nyamuhanga, obwalũbũkaya Kristo oko luholo.

1 Timoteo 1:5

Nĩkwa enzumwa yʼerihana lyetu ni lwanzo olũkalũa omo mutima owerĩre, nʼobunya-mutima bubuya, nʼerĩkĩrĩrya lyʼekwenene.

1 Timoteo 6:12

Uyitsinge omo malwa owene wʼerĩkĩrĩrya, kandi uhambe ndeke engebe yʼerikota eyo Nyamuhanga akubirikirira. Kandi mowakangya ndeke erĩkĩrĩrya lyawe embere syʼabalangĩrĩ bangi.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

AbaEbrania 11:19

Abrahamũ mwaganza ngoko Nyamuhanga angatoka erĩlũbũkya Ĩsaka oko baholĩ, kandi liri ngʼeriswamubana ngʼoyũkalũbũka oko baholĩ.

AbaEbrania 13:18

Mubye mukatusabira, kusangwa tũnasĩ tuwite obunya-mutima bowene, ĩtwanzĩre erikola ebibuya omo myatsi yosĩ.

AbaEbrania 9:14

kumbe kwilaba aho, omusasi wa Kristo akeraya. Kristo omo Mũlĩmũ Wʼerikota mwayiha uku Nyamuhanga ngʼobuhere obute ko kĩtĩngũ. Omusasi wuwe oyo, akeraya obunyamutima bwetu oko mĩbĩrĩ eyĩkatwĩta, itwatoka erikolera Nyamuhanga oyuliho.

AbaEbrania 9:24

Kusangwa Yesu mwatingira Ahabũyĩrĩre ahakokotĩbawa nʼebyala byʼabandu, ahabya ekĩsosekanĩo kyʼAhabũyĩrĩre hʼekwenene, nĩkwa mwingira elubula aho akabanika embere sya Nyamuhanga busana netu.

1 Petero 1:3

Tupipe Nyamuhanga ye Tata wʼOmukama wetu Yesu Kristo! Busana nʼeriganyira liwe lĩnene, abiriswatubuta kandi nʼerituha engebe eyiri nʼamaha busana nʼerĩlũbũka lya Yesu Kristo oko baholĩ.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.