1 Petero 3:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Ebĩrĩmũ ebĩ byabya ĩsĩbĩrĩowa Nyamuhanga, omugulu abya akalindabo omo butaluha oko biro ebyo Noa abya akahĩmba obwato. Nʼomo bwato obo abandu bake, Omunani musa, mobalamĩbwa omo magetsi ayo.

Nouveau Testament et Psaumes en Ndandi Version 1962

²⁰ abatowa erimbere, omugulu erilinda ryoMungu ryalinda oko biro byaNoa, omugulu obwato bukabatswa, mubo mohalama bake, banabandu munani, abalamibawa omo magetsi.

1 Petero 3:20 Iomraidhean Croise

Enzũko 6:13

Neryo Nyamuhanga mwabũga na Noa ati, Namayisoha eribuga abandu bosĩ; kusangwa ekihugo kyabĩrĩũsũla nʼomwaga busana nabo. Lebaya, ngandĩsyaheryabo haguma nʼekihugo.

Enzũko 6:3

Neryo Omwami Mukulu mwabũga ati, Omũlĩmũ wage siendisyabya akakuba buhaka nʼomundu kera na kera, kusangwa naye nibya ni mubiri: kikaleka ebiro biwe ibyasyabya emyaka erĩgana nʼamakũmĩ abiri.

Enzũko 6:5

Neryo Omwami Mukulu mwalangi­ra obubi bwʼabandu ibwamabya bungi omo kihugo, nʼakandi obuli bũlengekanĩa bwʼerĩganĩrya lyʼomutima wabo bwabya bubi busa-busa emigulu yosĩ.

Enzũko 6:8

Nĩkwa Noa mwabana erĩsĩmwa omo meso wʼOmwami Mukulu.

Enzũko 7:13

Oko kiro ekyo, Noa, Semũ, Hamũ, na Yafetĩ, bagala ba Noa, muka Noa, nʼabalĩana buwe basatu, mobingira omo bwato.

Enzũko 8:1

Neryo Nyamuhanga mwibuka Noa, nʼesyonyama syosĩ, nʼesyonde syosĩ esyabya haguma naye omo bwato. Neryo Nyamuhanga mwalabya erihunga lyʼoko kihugo, neryo amagesti mwatsũka erihwako.

Enzũko 8:18

Neryo Noa mwahuluka, abagala buwe, mũkalĩwe, nʼabalĩana buwe.

Ĩsaya 30:18

Na busana nʼekyo, Omwami Mukulu akasonda eribaganyira. Kandi busana nʼekyo akalinda endata ĩnĩabakwĩra olukogo. Kusangwa Omwami Mukulu ni Nyamuhanga wʼerĩbanza litunganene. Omũyĩsa ali oko bosĩ abakamũkwa olukando.

Matayo 7:14

Nĩkwa olũkyo ni luke, nʼenzira ni nge eyĩkalolaya oko ngebe, nʼabandu ni bake abakabanayo.

Luka 12:32

Ekĩhyo kike, simubahe kusangwa kikatsemesaya Tata wenyũ yo ndeke, eribaha Obwami.

Emibiri 2:41

Neryo abo, abĩkĩrĩraya ekĩnywa kiwe mobabatĩsĩbwa. Neryo oko kiro ekyo, abandu nga elfu ĩsatu (3,000), mobatomekerwa oko ndeko yabo.

AbanyaRoma 9:22

Nyamuhanga abya anzĩre erĩkangya erihitana liwe, nʼerĩmĩnyĩsya obũtokĩ buwe. Neryo mwayibombeka kutsibu mwayitsingirira busana nʼabo angahitanako, ababya bakandĩsyaherĩbwa.

AbanyaEfeso 5:26

iniatoka erihigulayo nʼerĩeryayo ĩnĩamabĩlabyayo omo magetsi, kye kĩnywa kiwe.

AbaEbrania 11:7

Kandi busana nʼerĩkĩrĩrya, Noa iniakahanawa na Nyamuhanga busana nʼemyatsi eyite yalolwako, mwakenga Nyamuhanga; neryo mwakokotya obwato busana nʼerĩlamya ekĩtũnga kiwe. Busana nʼekĩ mwahĩra olubanza oko kihugo, neryo mwabana eritunganene erĩkahĩka omo nzira yʼerĩkĩrĩrya.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 1:9

Kusangwa mukabana endũlĩ yʼerĩkĩrĩrya lyenyũ, omulamo wʼemitima yenyũ.

1 Petero 2:25

Kusangwa mwabya ngʼesyombũlĩ esyatala, nĩkwa lino mwabirisuba oko Mũlĩsya nʼomũteya wʼemitima yenyũ.

1 Petero 3:19

Kandi mwagenda omo mũlĩmũ, mwayatũlago oko bĩrĩmũ ebiri omo mũlĩkĩ.

1 Petero 4:19

Neryo abakagalawa busana nʼerisonda lya Nyamuhanga, bahĩre emitima yabo omo byala byʼOmũhangĩkĩ oyuteregula, babye bakakola ekitunganene.

2 Petero 2:5

Kandi Nyamuhanga mwatabalya ekihugo kya kera, nĩkwa mwateya Noa omũtũlĩ wʼeritunganene haguma nʼabandi balinda, mwabalyabo ekiro aleta erigunga lyʼamagetsi oko kihugo kyʼabandu abatakenga Nyamuhanga.

2 Petero 3:15

Kandi muganze eriyitsingirira lyʼomukama wetu nga ni mugulu wʼerilama. Mũlĩkyetu mwanze Paũlo, mwabasakira atya, omo menge ago Nyamuhanga amuha.