1 Petero 3:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Nĩkwa omo mitima yenyũ mukenge Kristo ngʼomukama wenyũ. Ĩmũnasĩkĩre endambĩ yosĩ erĩsũbĩrya obuli mundu oyũkababũlaya busana nʼamaha ago muli nago.

Nouveau Testament et Psaumes en Ndandi Version 1962

¹⁵ nikwa omo mitima yenyu mukenge Kristo ngoMukama. Imunasikire endambi yosi erisubirya oburi mundu oyu kababulaya busana namaha awari omwisi wenyu, nikwa mukolekyo nobolo nerikenga;

1 Petero 3:15 Iomraidhean Croise

Esyonyimbo 119:46

Nasyambagulira abami bʼebihano byawe, Sĩndĩendĩsyakwa esĩsonĩ.

Emĩsyo 15:28

Omutima wʼabatunganene akategekanaya embere wʼerĩsũbĩrya; Nĩkwa obuno bwʼababi bũkũtũla emyatsi mibi.

Emĩsyo 22:21

Erĩkũmĩnyĩsya ekwenene yʼebĩnywa byʼekwenene Iwatoka erĩsũbũlya ebĩnywa byʼekwenene ukwʼabo bakutuma.

Ĩsaya 1:18

Omwami Mukulu ati, Mwase lino, tũkanaye haguma. Nomo ebibi byenyũ byangabya ngʼengula, byasyabya byeru ngʼenzururu. Nomo byangabya ngʼomunyama, byasyabya ngʼobweya bwʼesyombũlĩ.

Ĩsaya 29:23

Nĩkwa omugulu akalangira abana buwe, emĩbĩrĩ yʼebyala byage, omo katĩkatĩ kuwe, basyahigula erĩna lyage. Ega, basyakenga Oyũbũyĩrĩre wa Yakobo, kandi basyahangana nʼeriswekera Nyamuhanga wa Ĩsraelĩ.

Ĩsaya 41:21

Omwami Mukulu ati, Mũtũle omwatsi wenyũ. Omwami wa Yakobo ati, Mũhũlũkaye obuhaka bwenyũ bũkalĩre.

Ĩsaya 5:16

Nĩkwa Omwami Mukulu wʼemilondo asyahamĩbwa omwʼitswera, na Nyamuhanga oyũbũyĩrĩre asyayĩkangya mo mũbũyĩrĩre omo litunganene.

Ĩsaya 8:12

Sũbũge uti, Nĩ mbĩta! Omo byosĩ ebyo abandu aba bakahula mo mbĩta. Kutse simubahe ebyo bakubaha, kutse eribya nʼobuba bwakyo.

Emiganzo 20:12

Neryo Omwami Mukulu mwabũga na Musa na Harũnĩ ati, Kusangwa simwetanyĩkĩrĩrya nʼerinyihigula ngoko nyĩbũyĩrĩre omo meso wʼabana ba Ĩsraelĩ, neryo simwendĩsyalyatya endeko eyĩ omo kihugo ekyo nahabo.

Emiganzo 27:14

kusangwa momwapona ekihano kyage omo mbwarara yʼeSĩnĩ, omo mwaga wʼendeko, momutanyiganza mo mũbũyĩrĩre oko magetsi embere syʼameso wabo. [Ayo wa magetsi wʼeMerĩba wʼeKadesĩ omo mbwarara yʼeSĩnĩ.]

Emibiri 21:39

Nĩkwa Paũlo mwabũga ati, Ĩngye indi Mũyũda wʼeTarso, omũyĩ wʼeKĩlĩkĩa, indi ndũlanĩ yʼomũyĩ mukulu, neryo ngakusaba nyiti, Umba ehamũlĩ yʼerĩbũga nʼabandu.

Emibiri 24:25

Kandi omugulu Paũlo abya akakanĩa omwatsi wʼeritunganene nʼowʼerĩyĩteya, nʼomwatsi wʼeritswera erikandisyasa, Felĩkĩ mubaha ati, Lino ukatagenda, neryo nasyabya nabibana omugulu nasyaswakubirikira.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 1:27

Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga.

AbanyaKolosai 1:5

Omugulu ebĩnywa byʼekwenene byʼEngulu Yowene byabahĩkako erĩmbere, mobyabaletera amaha. Neryo erĩkĩrĩrya lyenyũ nʼolwanzo lwenyũ bikahangana oko maha wʼerilama awabĩkĩre busana nenyũ elubula.

AbanyaKolosai 4:6

Erĩkanĩa lyenyũ libye omo lukogo kandi ribye ryowene, imwatoka erĩsũbĩrya ndeke obuli mundu.

Tito 1:2

Kihangane omo maha wʼengebe yʼerikota eyo Nyamuhanga oyutebiha atulaga oko migulu ya kera-kera.

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

AbaEbrania 6:1

Neryo tugende embere omo myatsi eyĩhĩkene, tũsĩganaye erĩkangĩrĩrya lyʼerĩtsũka lyʼengulu ya Kristo. Situsibe omo myatsi eyĩ yʼekibanza: eribinduka nʼerireka ebibi byʼemĩbĩrĩ yʼobusa, nʼerĩkĩrĩrya uku Nyamuhanga,

1 Petero 1:17

Omugulu mukasaba Nyamuhanga, mukamwahula mo Tata, oyukatswera obuli mundu, butsira obutaga, ngʼemĩbĩrĩ yiwe kwʼiri; mulendere nʼerikenga Nyamuhanga omugulu mukine omo kihugo kino.

1 Petero 3:2

Kusangwa bakalebaya emigendere yenyũ mibuya eyikakenga.

1 Petero 3:4

Nĩkwa obubuya bwenyũ bubye bwʼomutima owali omwisi wʼomundu. Bubye obubuya bwʼekĩrĩmũ ekihehere nʼekyʼobũkũtũ, ekitetsanda. Obubuya obo ni bwʼobũgũlĩ bunene embere sya Nyamuhanga.

1 Samwelĩ 12:7

Na lino muhangane aho, inatoka erilakira Omwami Mukulu haguma nenyũ busana nʼemĩbĩrĩ itunganene yosĩ eyo Mwami Mukulu abakolera nʼabotata-kulu wenyũ.