1 Petero 2:9 - AMASAKO ABOYTRTRE WA NYAMUHANGA AWAKAHULAWA MO BIBLIA

⁹ Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

Nouveau Testament et Psaumes en Ndandi Version 1962

⁹ Nikwa inywe muri kihanda kyayiso gawa, abahereri bobwami, ekihanda kibuyirire, abandu bo Mungu, imwatoka erikangania emibiri yeriswekera yoyo wababirikira erilwa omo mwirimya erihika omo kyakakala kiwe kyeriswekera.

1 Petero 2:9 Iomraidhean Croise

Esyonyimbo 106:5

Uleke nyilangire omugaso wʼabandu bawe, Nyisangire omo butseme bwʼekihanda kyawe, Omwʼipipa lyʼobutseme bwʼabandu bawe.

Esyonyimbo 118:27

Omwami Mukulu ni Nyamuhanga; abiritukola ndeke. Haguma nʼemitahi omo byala byenyũ mũtsũke olugendo lwʼerĩtĩmba oko kiherero.

Esyonyimbo 135:4

Kusangwa Omwami Mukulu mwayisoga Yakobo busana naye, Nʼabandu ba Ĩsraelĩ busana naye ĩyowene.

Esyonyimbo 22:30

Esyondengo esikandisyasa syasyamukolera; Kandi abandu basyakanĩa omwatsi wʼomukama oko lulengo olukasa.

Esyonyimbo 33:12

Obutseme buli oko kihanda ekiwite Nyamuhanga mo Mwami Mukulu; Obutseme buli oko bandu abiriyisoga mo bandu buwe.

Esyonyimbo 73:15

Kumbe nabũga emyatsi ngʼeyĩ, Nga nabiriteba abandu bawe.

Ĩsaya 26:2

Mukingule esyongyo, Ekihanda ekitunganene kitoke eriingira, ekihanda ekitalegula.

Ĩsaya 41:8

Nĩkwa uwe Ĩsraelĩ, omugombe wage, Yakobo oyo nayisoga, omwana wa Abrahamũ omwĩra wage,

Ĩsaya 42:16

Kandi nasyasondola esyondĩmatĩme omo nzira esyo batasĩ. Nʼomo syonzira batasĩ nasyasondolabo. Nasyayira omwĩrĩmya mo kyakakala embere syabo, nʼahatakomĩre mo bwerere. Nasyakola emyatsi eyĩ. Sĩndĩendĩsyasĩgayo ĩtakolĩre.

Ĩsaya 44:1

Nĩkwa lino uwe Yakobo, omugombe wage uhulikirire lino, na Ĩsraelĩ, oyo nayisoga.

Ĩsaya 61:6

Nĩkwa ĩnywe mwasyahulwa mo bahererĩ bʼOmwami Mukulu. Basvabahula mo bagombe ba Nyamuhanga wetu. Mwasyalya obukamahe bwʼebihanda, kandi omo bindu byabo mwasyayihalamba.

Ĩsaya 62:12

Nabo basyahulabo mo kihanda kĩbũyĩrĩre, Abatongolĩbawa bʼOmwami Mukulu. Nawe wasyahulwa mo, Oyo Wasonda-sondĩbawa, Omũyĩ owatesĩganĩbawa.

Ĩsaya 66:21

Omwami Mukulu ati, Nasyahamba abandi ba kubo eribya bahererĩ nʼAbalawĩ.

Ĩsaya 9:2

Abandu abakalendera omo mwĩrĩmya basyalangira ekyakakala kinene. Ababya bĩkere omo kihugo kyʼekyũtsũtsũ kyʼoluholo, ekyakakala kyasyakolerya kubo.

Malakĩ 3:17

Omwami Mukulu Wʼemilondo ati, Basyabya bage, oko kiro ekyo nategeka, obũsokĩ bwage; kandi nasyaganyirabo, ngʼomundu kwʼakaganyira mugala wuwe oyukamukolera.

Matayo 4:16

Abandu abĩkere omo mwĩrĩmya, Mobalangira ekyakakala kinene! Kandi busana nʼabĩkere omo kihugo nʼomo kyũtsũtsũ kyʼoluholo, Ekyakakala kyamakoleryabo!

Matayo 5:16

Muleke ekyakakala kyenyũ kĩkoleraye kitya embere syʼabandu, balangire emĩbĩrĩ yenyũ mibuya, bapipe Tata wenyũ oyuli elubula.

Luka 1:79

Erĩkolerya oko bandu abĩkere omo mwĩrĩmya nʼomo kyũtũtũ kyʼoluholo, Erisondola ebisando byetu omo nzira yʼobuholo.

Yoane 17:19

Kandi ngayiha ukʼuwe busana nabo, ibatoka eribya bawe kwenene.

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

Emibiri 26:28

Neryo Agrĩpa mwabũga na Paũlo ati, Oko katambĩ kake kano uti wasyanyibindula eribya Mukristo!

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

1 AbanyaKorinto 3:17

Neryo omundu amaherya ehekalũ ya Nyamuhanga, Nyamuhanga asyamũherya. Kusangwa ehekalũ ya Nyamuhanga ĩbũyĩrĩre, nenyũ muli ehekalũ eyo.

AbanyaEfeso 1:14

Omũlĩmũ Abũyĩrĩre ni mutsimbo wʼebyo Nyamuhanga abirilaga abandu buwe, erĩhĩka aho Nyamuhanga asyatongolerya ebyosĩ biwe. Tupipe olukengerwa luwe!

AbanyaEfeso 1:6

Tupipe Nyamuhanga busana nʼolukogo lubuya luwe olo atuha busana na Mugala wuwe mwanze!

AbanyaEfeso 3:21

Olukengerwa lubye ukwʼiye omo kanĩsa nʼomwisi wa Kristo Yesu oko migulu yosĩ, kera na kera. Amina.

Eryibuka Ebihano 10:15

Nĩkwa Omwami Mukulu mwatsemera abotata-kulu wawe erianzabo, kandi mwayisoga ĩnywe bana babo enyũma kubo, kwilaba ebihanda byosĩ, ko kine kitya mũnabwĩre.

Eryibuka Ebihano 14:2

Kusangwa muli kihanda kĩbũyĩrĩre busana nʼOmwami Mukulu Nyamuhanga wenyũ, kandi Omwami Mukulu abiriyisoga nywe eribya kihanda busana naye ĩyowene-wene, omo bihanda byosĩ ebiri muna-kihugo.

Eryibuka Ebihano 18:2

Kandi sibendisyabya nʼomwandu omo katĩkatĩ kʼabagala babo; Omwami Mukulu ni mwandu wabo, ngoko alagabo.

Eryibuka Ebihano 4:20

Nĩkwa Omwami Mukulu abĩribĩmya, nʼerĩbalũsya omwʼĩsĩngo ĩnene lyʼebyuma, erĩlũa eMĩsĩrĩ, eribayira mo bandu bʼenzĩgalya yiwe, ngoko kiri mũnabwĩre.

Eryibuka Ebihano 7:6

Kusangwa uli kihanda kĩbũyĩrĩre oko Mwami Mukulu Nyamuhanga wawe; Omwami Mukulu Nyamuhanga wawe abiriyisoga we eribya kihanda kiwe-kiwe kwilaba ebihanda byosĩ ebiri omo kihugo.

AbanyaFilipi 3:14

Ngayitsinga eritibita erĩhĩka oko ndũlĩ, eribana oluhembo, lye ribirikirwa lyʼendata na Nyamuhanga erimatikana na Kristo Yesu.

AbanyaKolosai 1:13

Kusangwa mwatusabula oko hamũlĩ yʼobwami bwʼomwĩrĩmya nʼerĩtũhũmĩrya omo bwami bwʼomugala wuwe mwanze.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

Tito 2:14

Kristo mwayiha busana netu erĩtũtongolya oko bibi byosĩ, nʼerĩerya abandu busana naye ĩyowene-wene, abali nʼomũhwa wʼerikola emĩbĩrĩ yowene.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Petero 2:5

Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

Eribisurirwa 1:6

kandi oyo watuyira eribya bwami bwʼabahererĩ erikolera Nyamuhanga wuwe na Tata. Uku Yesu Kristo kubye olukengerwa, nʼobũtokĩ, kera na kera! Amina.

Eribisurirwa 20:6

Omundu Oyukasangira omwʼĩlũbũka lyʼerĩmbere ni wʼobutseme kandi abiritsumulwa kutsibu. Oluholo lwʼakabiri silukiri nʼobũtokĩ kubo, nĩkwa basyabya bahererĩ ba Nyamuhanga na Kristo, kandi basyatabala haguma naye emyaka elfu nguma (1,000).

Eribisurirwa 5:10

Wabiriyirabo eribya bwami, nʼabahererĩ, erikolera Nyamuhanga wetu. Kandi, basyatabala muna-kihugo.

1 Samwelĩ 12:22

Kusangwa Omwami Mukulu sĩendĩsyasĩganĩa bandu buwe, busana nʼerĩna liwe lĩnene, kusangwa kyabĩrĩtsemesya Omwami Mukulu eribayira mo bandu buwe busana naye.