1 Petero 2:5 - AMASAKO ABOYTRTRE WA NYAMUHANGA AWAKAHULAWA MO BIBLIA

⁵ Mwase ngʼamabwe awawite engebe, mũhĩmbawe mo hekalũ yʼekĩrĩmũ, mubye abahererĩ babũyĩrĩre, abakaherera esyohongo syʼekĩrĩmũ busana na Yesu Kristo, esĩkatsemesaya Nyamuhanga.

Nouveau Testament et Psaumes en Ndandi Version 1962

⁵ nenyu ngamabwe awariho muhimbirwe omo nyumba yekirimu, eribya ekihanda kyabahereri ababuyirire, eriherera amahere wekirimu awakasi mawa noMungu busana na Yesu Kristo.

1 Petero 2:5 Iomraidhean Croise

1 Abami 7:11

Nʼendata habya amabwe wʼobũgũlĩ bunene amabwe awabatsĩre, awali oko lulengo, nʼebisayi byʼomũerezĩ.

Esyonyimbo 141:2

Wangirire erisaba lyage ngʼobukwa obukakumba ndeke, Ũlĩge ebyala byage omugulu ngasumbabyo ngʼobuhere bwʼerĩgologolo.

Esyonyimbo 50:14

Eriha ewasĩngya uku Nyamuhanga libye obuhere bwawe, Kandi ulihe Owendata Kutsibu erĩlahĩrya lyawe.

Esyonyimbo 50:23

Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.

Erĩlũayo 19:6

nenyũ mwasyabya ũkwʼĩngye obwami bwʼabahererĩ, nʼekihanda kĩbũyĩrĩre. Ebĩ bye bĩnywa ebyo wasyabwira abana ba Ĩsraelĩ.

Emĩsyo 9:1

Amenge abĩrĩhĩmba enyũmba yago; Abiribatsa esyondũyĩ syago sirinda

Ĩsaya 61:6

Nĩkwa ĩnywe mwasyahulwa mo bahererĩ bʼOmwami Mukulu. Basvabahula mo bagombe ba Nyamuhanga wetu. Mwasyalya obukamahe bwʼebihanda, kandi omo bindu byabo mwasyayihalamba.

Ĩsaya 66:21

Omwami Mukulu ati, Nasyahamba abandi ba kubo eribya bahererĩ nʼAbalawĩ.

Hosea 14:2

Hambana nʼebĩnywa, usube oko Mwami Mukulu; umubwire uti, Ũlũsaye ebibi byosĩ, ũtũkokaye nʼolukogo, litya tutoke erireta ebĩnywa byʼemĩnywa yetu.

Malakĩ 1:11

Kusangwa erĩlũa aho eryuba likahuluka nʼerĩhĩka aho likalengera, erĩna lyage lyasyabya ĩnene omo katĩkatĩ kʼebihanda, nʼehosĩ basyahonga obukwa oko lĩna lyage, nʼobuhere bwʼengano bubuya; kusangwa erĩna lyage nʼĩnene omo katĩkatĩ kʼebihanda, Omwami Mukulu Wʼemilondo atya.

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

AbanyaRoma 15:16

eribya mugombe wa Yesu Kristo oko Bihanda. Ngakola ngʼomũhererĩ busana nʼerĩtũla Engulu Yowene eyĩkalũa uku Nyamuhanga, Ebihanda bibye buhere obũkasĩmawa na Nyamuhanga, obo Mũlĩmũ Abũyĩrĩre abirihigula.

1 AbanyaKorinto 3:16

Sĩmwasĩ ko muli hekalũ ya Nyamuhanga kwehĩ, kandi kʼOmũlĩmũ wa Nyamuhanga ĩkere omwisi wenyũ kwehĩ?

1 AbanyaKorinto 3:9

Kusangwa Nyamuhanga yo tukakola haguma naye, kandi ĩnywe muli irima lya Nyamuhanga. Kandi muli nyũmba ya Nyamuhanga.

1 AbanyaKorinto 6:19

Sĩmwasĩ kʼomubiri wenyũ nĩ hekalũ yʼOmũlĩmũ Abũyĩrĩre, oyuli omwisi wenyũ nʼoyo Nyamuhanga abaha kwehĩ? Ĩnywe Simuli benyũ, muli ba Nyamuhanga.

2 AbanyaKorinto 6:16

Ehekalũ ya Nyamuhanga yanganasakana nʼesyosanamu kwehĩ? Kusangwa ĩtwe tuli ehekalũ ya Nyamuhanga oyuliho. Ngoko Nyamuhanga abĩrĩbũga ati, Nasyĩkala omwisi wabo, nasyalendera omo katĩkatĩ kabo; Nasyabya Nyamuhanga wabo, nabo basyabya bandu bage.

AbanyaGalatia 6:10

Neryo oko migulu yosĩ tukabana akatambĩ, tokole ebibuya oko bandu bosĩ, kandi kwilaba aho tukole ebibuya ukwʼabo abali omo kĩtũnga kyʼabĩkĩrĩrye.

Eryibuka Ebihano 18:2

Kandi sibendisyabya nʼomwandu omo katĩkatĩ kʼabagala babo; Omwami Mukulu ni mwandu wabo, ngoko alagabo.

AbanyaFilipi 1:11

Kandi emitima yenyũ yasyũsũla omo myatsi itunganene eyĩkalũa uku Yesu Kristo. Emyatsi eyĩ yasyaleta olukengerwa nʼeripipa uku Nyamuhanga.

AbanyaFilipi 2:17

Nomo musasi wage angũtũlĩrwa ngʼobuhere busana nenyũ kusangwa mwabĩrĩkĩrĩrya Nyamuhanga nʼeriyiherera ukwʼiye, ngandisyatsema nʼerisangira obutseme bwage haguma nʼĩnywe bosĩ.

AbanyaFilipi 4:18

Nĩkwa nabiribana ebyosĩ, ngwite bingi; sindibula nʼekindu busana nʼolũsũnzo lwenyũ, olo Epafrodito aleta. Nĩ ʼhĩtya erikakumba ndeke, embere wa Nyamuhanga obuhere obutolere, obũkatsemesaya Nyamuhanga yo ndeke.

AbanyaKolosai 3:17

Nʼebyosĩ mukakola, omo kĩnywa, kutse omo mũbĩrĩ, mukole ebyosĩ omo lĩna lyʼomukama Yesu, imunemuha ewasĩngya uku Tata Nyamuhanga busana na Yesu.

1 Timoteo 3:15

Nĩkwa namamala ndambĩ, ngakusakira iwatoka eriminya ngoko abandu bangayĩtondekanĩa omo kĩtũnga kya Nyamuhanga, ekiri ekanĩsa ya Nyamuhanga oyuliho. Ekanĩsa eyo nĩ ndũyĩ nʼeyĩkasĩkaya omwatsi wʼekwenene.

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

1 Petero 4:17

Kusangwa omugulu wʼeritswera abandu ba Nyamuhanga abĩrĩhĩka. Neryo eritswera eryo lyamatsũka ũkwʼĩtwe, endũlĩ yʼabandu abatetsomana Engulu Yowene ya Nyamuhanga yasyabya yiti kwehĩ?

Eribisurirwa 1:6

kandi oyo watuyira eribya bwami bwʼabahererĩ erikolera Nyamuhanga wuwe na Tata. Uku Yesu Kristo kubye olukengerwa, nʼobũtokĩ, kera na kera! Amina.

Eribisurirwa 20:6

Omundu Oyukasangira omwʼĩlũbũka lyʼerĩmbere ni wʼobutseme kandi abiritsumulwa kutsibu. Oluholo lwʼakabiri silukiri nʼobũtokĩ kubo, nĩkwa basyabya bahererĩ ba Nyamuhanga na Kristo, kandi basyatabala haguma naye emyaka elfu nguma (1,000).

Eribisurirwa 3:12

Oyukakinda, nasyamuyira mo ndũyĩ yʼomo Hekalũ ya Nyamuhanga wage, kandi isiendĩsyalũamo kera na kera. Kandi nasyamusaka kwʼerĩna lya Nyamuhanga wage, nʼerĩna lyʼomũyĩ wa Nyamuhanga wage, go mũyĩ wʼeYerũsalema muhya-muhya, owakandisyandagala akalũa elubula uku Nyamuhanga wage. Kandi nasyamusakako erĩna lyage lihya-lihya.

Eribisurirwa 5:10

Wabiriyirabo eribya bwami, nʼabahererĩ, erikolera Nyamuhanga wetu. Kandi, basyatabala muna-kihugo.