1 Petero 2:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo mwase oko Mukama oyuli erĩbwe eriwite engebe, eryaganawa nʼabandu, nĩkwa eryayisogawa na Nyamuhanga, ngʼerĩbwe eryʼobũgũlĩ bunene.

Nouveau Testament et Psaumes en Ndandi Version 1962

⁴ Muhike kwiye eribwe eryo eririho, eryaganawa nabandu nikwa embere syoMungu ryayisogawa neryenzwere nene;

1 Petero 2:4 Iomraidhean Croise

Ĩsaya 28:16

Busana nʼekyo Omukama Omwami Mukulu ati, Lebaya, ngahĩmba eSĩonĩ erĩbwe, erĩbwe eryabirirengwako, erĩbwe ryʼenũnga lyʼobũgũlĩ bunene busana nʼekibanza, eryabirihandwa ndeke. Nʼoyũkĩkĩrĩraya siendisyahemuka.

Ĩsaya 42:1

Mũlebaye, Omugombe wage, oyo ngahambirira, omusombolwa wage, oyo mutima wage akatsemera. Nabĩrĩhĩra Omũlĩmũ wage ukwʼiye. Asyahũlũkya erĩbanza litunganene oko bihanda.

Ĩsaya 55:3

Mutege amatwĩ wenyũ, mwase kwĩngye. Muhulikirire, mutoke eribyaho. Nage nasyayira endagano ya kera na kera haguma nenyũ, ngʼeriganyira literegula eryalagawa uku Dawĩdĩ.

Yeremĩa 3:22

Ĩnywe bana abakalegula, musubule, nasyalamya eriregula lyenyũ. Lebaya, twamasa ukʼuwe, kusangwa uli Mwami Mukulu Nyamuhanga wetu.

Danĩelĩ 2:34

Kandi wabya ukasamalira erĩhĩka aho erĩbwe eryabatsawa butsira byala, nalyo molyaswĩrya esanamu eyo oko bisando byayo ebyabya byʼekyuma nʼeribumba, molyatulangabyo mo bihande bihande.

Danĩelĩ 2:45

Ngoko walangira erĩbwe eryo eryabatsawa omo kitwa butsira ebyala, kandi ngoko lyatulanga ekyuma, nʼomulinga, nʼeribumba, nʼekĩtsĩpa nʼesyamagetsi; Nyamuhanga mukulu abĩrĩmĩnyĩsya omwami ebikandisyabya enyũma; nʼerilota ni ryʼekwenene, nʼeribikula lyalyo sĩrĩhabĩre ni ryʼeriyiketera.

Zekarĩa 3:9

Kusangwa, lebaya, erĩbwe eryo nahĩra embere wa Yosũa; endata okwʼĩbwe riguma hali ameso alinda; lebaya, nasyabatsa emibatsire yalyo, Omwami Mukulu Wʼemilondo akabũga, nage nasyalũsya amalolo wʼekihugo ekyo oko kiro kiguma.

Zekarĩa 4:7

Uwe kitwa kinene, uwendi kwehĩ? Embere sya Zerũbabelĩ wasyabya bwerere; naye asyahũlũkya erĩbwe lyʼendata haguma nʼobogo bwʼolukogo, olukogo, kulyo!

Matayo 11:28

Mwase ũkwʼĩngye, ĩnywe bosĩ ko mukanuba nʼeriheka ebĩrĩtohĩre, ngandibalũhũkya.

Matayo 12:18

Lebaya, Omugombe wage oyo nabiriyisoga; Omwanze wage, omutima wage amatsemesĩbwa busana naye. Nasyamũhĩra kʼOmũlĩmũ wage, Naye asyakanganĩa erĩbanza oko bandu bosĩ.

Matayo 21:42

Kandi Yesu mwabũlyabo ati, Simwetasoma Amasako aya ati, Erĩbwe eryo abahĩmbĩ babana nga buyira, Erĩ molyabya erĩbwe lyʼesondo. Omwatsi oyũ mwakolwa nʼomukama, Ni wʼeriswekera omo meso wetu!

Yoane 14:19

Enyũma wʼakatambĩ kake ekihugo sikyendisyaswanyilolako, nĩkwa ĩnywe mwasyanyilolako; kusangwa nyiriho, nenyũ mwasyabyaho nibya.

Yoane 14:6

Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.

Yoane 5:26

Kusangwa ngoko Tata ni mwenye engebe, litya abiriha Omugala eribya Omwenye engebe.

Yoane 5:40

Nĩkwa sĩmũlĩrĩga erĩmbĩkako imwatoka eribana engebe.

Yoane 6:37

Abosĩ abo Tata akamba basyasa ũkwʼĩngye; nʼoyukasa kwĩngye sindiendĩsyamũsũbya eyĩhya nʼahake.

Yoane 6:57

Ngoko Tata oyuliho anyituma, nage nyiriho busana na Tata; litya oyukanyirya, asyabyaho busana nage.

AbanyaRoma 5:10

Nĩkwa twabya nzĩgũ sya Nyamuhanga, neryo mwatũsanganĩa omo luholo lwa Mugala wuwe; nĩkwa kwilaba aho, kusangwa twabĩrĩsanganĩbwa, twasyalamĩbwa omo ngebe ya Kristo!

1 AbanyaKorinto 3:11

Kusangwa Nyamuhanga abĩrĩhĩra Yesu Kristo mo kibanza ĩkyokyene, neryo sihali ekindi kibanza ekyangahĩrwaho.

AbanyaKolosai 3:4

Kristo ni ngebe yenyũ, neryo omugulu asyamĩnyĩkalĩbwa nenyũ mwasyamĩnyĩkalĩbwa haguma naye omo lukengerwa.

1 Petero 1:19

Nĩkwa mwatongolĩbawa omo musasi wa Kristo, owʼobũgũlĩ bunene, naye abya ngʼekyana kyʼembũlĩ ekite kwʼekĩtĩngũ kutse bulema.

1 Petero 1:7

Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

1 Petero 2:7

Erĩbwe erĩ, nĩ ryʼobũgũlĩ bunene busana nenyũ abakĩkĩrĩraya. Nĩkwa busana nʼabatĩkĩrĩraya, ati, Erĩbwe eryo bahĩmbĩ babana nga ni buyira, Lyabiribya erĩbwe erĩkatũngananaya enũnga yʼenyũmba.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

2 Petero 1:4

Kandi abirituha esyondagane siwe nene, syʼesyonzwere nene, itwatoka erisangira omo bu Nyamuhanga buwe, imwamabibala eritsanda lyʼesyongumbu sya muna-kihugo.