1 Petero 2:24 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁴ Kristo ĩyowene-wene mwaheka ebibi byetu omo mubiri wuwe oko musalaba, itwatoka erihola oko bibi, nʼeribyaho busana nʼekitunganene; kusangwa mwalamĩbawa omo mĩbĩbũ yiwe.

Nouveau Testament et Psaumes en Ndandi Version 1962

²⁴ Iye mwaheka ebibi byetu omo mubiri wuwe oko muti, neryo itwe itwatoka erihola oko bibi neribyaho omo ritunganene. Busana nemibibu yiwe yo yabalamaya.

1 Petero 2:24 Iomraidhean Croise

Enzũko 22:6

Neryo Abrahamũ mwĩmya esyongwĩ esyʼobuhere bwʼerĩhĩsĩrĩrya mwahekyasyo Ĩsaka mugala wuwe, neryo mwĩmya omuliro nʼomuhamba omo byala biwe. Ababiri mobagenda batya haguma.

Esyonyimbo 147:3

Akalamaya ababũnĩkĩre omo mutima, Akasenga-senga ebironda byabo.

Esyonyimbo 38:4

Erĩhalya lyage lĩkanyĩta, Lyamanyĩrĩtohera ngʼomuheke alĩtohĩre.

Erĩlũayo 28:38

Kakandisyabya oko bũsũ bwa Harũnĩ, na Harũnĩ asyaheka obubi bwʼebindu bĩbũyĩrĩre, ebyo abana ba Ĩsraelĩ basyahigula omo lũsũnzo lwabo losĩ lũbũyĩrĩre; nako kasyabya ebiro byosĩ oko bũsũ buwe, ibatoka erĩrĩgwa embere syʼOmwami Mukulu.

Emĩsyo 20:30

Erĩswĩrya erĩkahũtalaya lĩkeraya ebibi; Nʼerĩswĩrya lĩkahĩka omo bihande byʼomwisi mo hali.

Ĩsaya 53:11

Busana nʼeriagalwa lyʼomutima wuwe, asyalangira ekyakakala nʼerĩsĩma. Busana nʼamenge wuwe, Oyutunganene, omugombe wage, asyayira abangi mo batunganene, kandi asyaheka ebibi byabo.

Abalawĩ 16:22

Nʼembene yasyaheka ebibi byabo byosĩ omo kihugo ekite mo bandu; naye asyalekerayo omo mbwarara.

Abalawĩ 22:9

Neryo basyateya erihana lyage, bakasyaheka ebibi busana nabyo, ibahola mubyo kusangwa bamanyĩhalyako. Ĩngye indi Mwami Mukulu oyukahigulabo.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Emiganzo 18:22

Nʼerĩtsũka lino abana ba Ĩsraelĩ sĩbahĩke hakũhĩ nʼeHema yʼerĩhĩndanamo, bakasyaheka ebibi byabo nʼerihola.

Emiganzo 7:15

enume yʼende nguma, nʼembangale nguma, nʼakabangale kaguma kʼembũlĩ kʼomwaka muguma, eribya buhere bwʼerĩokererya;

Matayo 27:26

Neryo Pilato mwaboholerabo Baraba, nĩkwa mwaswĩrya Yesu omo mikoba, neryo Pilato mwahereryabo Kristo ati abambawe oko musalaba.

Matayo 5:20

Kusangwa ngababwira nyiti, Eritunganene lyenyũ lyamatendilaba eritunganene lyʼabakangĩrĩrya nʼeryʼAbafarĩsayo, simwendisyingira omo Bwami bwʼelubula.

Matayo 8:17

Mwakola ebĩ erĩberererya ebyabũgawa nʼomũmĩnyererĩ Ĩsaya, ati, Iye ĩyowene mwĩmya amagalĩ wetu, kandi mwaheka esyondwala syetu.

Mariko 15:15

Neryo Pilato iniakasonda erĩtsemesya endeko mwaboholerabo ye Baraba. Neryo mwahamula ati, Yesu aswĩrĩbawe emikoba, nĩkwa mwahereryabo Yesu ati abambawe oko musalaba.

Luka 4:18

Omũlĩmũ wʼOmukama ali kwĩngye, Kusangwa abĩrĩnyĩhakabya erĩtũla Engulu Yowene yʼoko bera, Abirinyituma erĩtũlĩra obwĩranda oko banyegawa, Nʼeriswaha erilangira oko syondĩmatĩme, Eribohola abakanũbĩbawa,

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 19:1

Neryo Pilato mwĩmya Yesu mwamũswĩrya omo mikoba.

Emibiri 10:35

Nĩkwa omo buli kihanda omundu oyukubaha Nyamuhanga, nʼerikola ebitunganene akalĩgawa naye.

Emibiri 10:39

Netu tuli balangĩrĩ bʼemyatsi yosĩ Yesu akola omo kihugo kyʼAbayũda nʼeYerũsalema. Kandi mobamwĩta nibya erimukongomerera oko musalaba.

Emibiri 13:29

Neryo babere babĩberererya ebyosĩ ebyasakawa busana naye, mobamubambula oko musalaba, mobamũhĩra omwʼisinda.

Emibiri 5:30

Nyamuhanga wʼabotata wetu mwalũbũkya Yesu, oyo mwĩta nʼerimubamba oko musalaba.

AbanyaRoma 6:11

Nenyũ nibya muyiganze ngʼabaholĩ oko bibi, nĩkwa ngʼabaliho uku Nyamuhanga busana nʼerimatikana na Kristo Yesu.

AbanyaRoma 6:13

Kandi simuhe ebĩtsũko byʼemibiri yenyũ busana nʼebibi, erikola ebitatunganene; nĩkwa muyihe uku Nyamuhanga ngʼabandu ababĩrĩlũbũka oko baholĩ, kandi muhe ebĩtsũko byenyũ uku Nyamuhanga, bikole ebitunganene.

AbanyaRoma 6:16

Sĩmwasĩ ngoko mugulu mukayiha oko mundu erĩmowa ngʼomukobe, kwenene muli bakobe bʼoyo mũkowa, amabya wʼebibi, akaleta oluholo, amabya wʼerĩowa, akabayira mo batunganene.

AbanyaRoma 6:2

Iyihi nʼahake. Ĩtwe twamahola oko bibi, twanganatoka eriswabya omo bibi kwehĩ?

AbanyaRoma 6:22

Nĩkwa lino mwabiriboholwa oko bibi, mwabiribya bakobe ba Nyamuhanga, mukabana endũndĩ yʼeribya nʼemigendere mĩbũyĩrĩre, nʼendũlĩ ni ngebe yʼerikota.

AbanyaRoma 6:7

Kusangwa oyo wabirihola, abiriboholwa oko maka wʼebibi.

AbanyaRoma 7:6

Nĩkwa lino twabiriboholwa oko Migambo, kusangwa twabirihola oko myatsi eyabya ikatuboha. Neryo tukakola omo nzira nyihya-nyihya yʼOmũlĩmũ, butsira eya kera yʼAmasako.

1 AbanyaKorinto 15:3

Kusangwa natsũka eribaha erĩmbere omwatsi munene ogo nangirira nibya, nyiti Kristo mwahola busana nʼebibi byetu ngoko kĩsakĩre omo Masako,

2 AbanyaKorinto 6:17

Kusangwa Omukama akabũga ati, Neryo mũlũe omo katĩkatĩ kabo, muyisolole. Kandi sĩmũtũle oko kindu ekĩtĩsĩrĩre. Nage nasyabakokya,

AbanyaGalatia 3:13

Kristo abĩrĩtũtongolya okwʼitakirwa lyʼEmigambo, iniabiritakirwa omo mwanya wetu, kusangwa kĩsakĩre kiti, Obuli mundu oyũhanĩkĩrwe oko muti abye mutakirwa.

AbanyaEfeso 5:9

(Kusangwa ekyakakala kikaleta emĩsĩndo yosĩ yʼebibuya, nʼebitunganene, nʼebyʼekwenene).

AbanyaFilipi 1:11

Kandi emitima yenyũ yasyũsũla omo myatsi itunganene eyĩkalũa uku Yesu Kristo. Emyatsi eyĩ yasyaleta olukengerwa nʼeripipa uku Nyamuhanga.

AbanyaKolosai 2:14

Kandi abirisangula emyatsi eyabya ĩsakĩre, eyikatuhandikirira. Nyamuhanga mwalũsya yoho, nʼerikongomererayo oko musalaba.

AbanyaKolosai 2:20

Mwamabya mwabirihola haguma na Kristo oko mitsye yʼabandu nʼeyʼabalĩmũ, abakatabala oko bihugo, busana nakĩ mukinakwama ebihano nʼamalengekanĩa wʼekihugo kwehĩ?

AbanyaKolosai 3:3

Kusangwa mwabirihola, na lino engebe yenyũ ĩbĩseme haguma na Kristo omwisi wa Nyamuhanga.

AbaEbrania 10:10

Nĩkwa Yesu Kristo mwakola erisonda lya Nyamuhanga. Neryo kusangwa Yesu Kristo mwakola erisonda lya Nyamuhanga, twabirihigulwa, kusangwa Yesu Kristo abiriha omubiri wuwe go ngendo nguma busana na kera na kera.

AbaEbrania 10:5

Neryo omugulu Kristo ahĩka omo kihugo mwabũga ati, Amahere nʼesyohongo, sĩwanzĩrebyo, Nĩkwa wabĩrĩnyĩkokoterya omubiri.

AbaEbrania 12:13

Mubye mukakwama enzira eyitunganene, ekirema sĩkĩkwe, nĩkwa kĩlamĩbawe.

AbaEbrania 7:26

Kusangwa Yesu yo Mũhererĩ Mukulu oko bahererĩ bosĩ, oyutolere. Kandi abũyĩrĩre, oyute ko mwatsi, oyute ko kibi, oyo wabirihigulwa oko bakola-nabi, nʼerĩhamĩbwa endata oko matũkũ.

AbaEbrania 9:28

Litya Kristo nibya mwahabwa ngendo nguma eriheka ebibi byʼabandu bangi. Kandi asyaminyikala engendo yʼakabiri butsira eriheka ebibi, nĩkwa busana nʼerĩlamya abakamulindirira.

Yakobo 5:16

Neryo mũkangananaye ebibi byenyũ, nʼerisabirana, imwatoka erĩlamĩbwa. Erisaba lyʼomundu mutunganene likatoka omwatsi munene.

1 Yoane 2:29

Mwamabya mũnasĩ Kristo kwʼatunganene, muminye kwʼabosĩ abakakola ebitunganene, babiribya bana ba Nyamuhanga.

1 Yoane 3:7

Bana bage balere, simuleke omundu akabateba. Omundu oyukakola ebitunganene, atunganene ngoko Kristo naye atunganene.

Eribisurirwa 22:2

kandi olũsĩ lukasenda omo katĩkatĩ kʼenzira yʼomũyĩ. Nʼoko mĩsĩke ĩbĩrĩ yʼolũsĩ olo habya omuti wʼengebe, Owakahetaya ebĩgũma mĩsĩndo ĩkũmĩ nʼĩbĩrĩ. Omuti oyo akahetaya ebĩgũma byago obuli mukera, nʼebikoma byʼomuti oyo nĩ byʼerĩlamya ebihanda.