1 Petero 2:23 - AMASAKO ABOYTRTRE WA NYAMUHANGA AWAKAHULAWA MO BIBLIA

²³ Kandi omugulu atsumawa, mwataswatsumabo, omugulu agalawa mwatũbahya, nĩkwa mwayĩhĩra omo byala byʼoyukatswera ebitunganene, ye Nyamuhanga.

Nouveau Testament et Psaumes en Ndandi Version 1962

²³ Omugulu atsumawa mwataswatsuma; omugulu agalawa, mwatakangitsya; nikwa mwayiketera oyo katswera ekitunga nene.

1 Petero 2:23 Iomraidhean Croise

Enzũko 18:25

Ekyo kibye hali ukʼuwe erikola omuhanda oyũ, erĩĩta abatunganene haguma nʼababi, litya abatunganene ibabya ngʼababi, ekyo kibye hali ukʼuwe. Ko Mũtswerĩ wʼekihugo kyosĩ siendisyatswera omo litunganene kwehĩ?

Esyonyimbo 10:14

Nĩkwa ukanalangira; Kusangwa ukaminya obũlĩge nʼeriagalwa kandi ũsĩkĩre erĩwatĩkya. Omuhanya akayiketera we; Kandi uli mũwatĩkya wʼengũbĩ.

Esyonyimbo 31:5

Ngahĩra ekĩrĩmũ kyage omo byala byawe; Uwe Mwami Mukulu, wabĩrĩnyĩtongolya; Uwe Nyamuhanga wʼekwenene.

Esyonyimbo 37:5

Uyihe oko Mwami Mukulu, Uyiketerereye, naye asyakũwatĩkya.

Esyonyimbo 7:11

Nyamuhanga nĩ mũtswerĩ oyutunga­nene, Ega, Nyamuhanga akahĩra omusango oko babi.

Esyonyimbo 96:13

Kusangwa akahĩka eritabalira ekihugo Omo lĩbanza litunganene, kandi butsira erisombola.

Ĩsaya 53:7

Mwanũbĩbwa, nʼerĩagalĩranĩbwa, nĩkwa mwatakũmbũla obuno buwe. Ngʼekyana kyʼembũlĩ ekikatwalawa okwʼikerwa, kandi ngʼembũlĩ kwʼikabya bũkũtũ embere syʼabatwĩ bʼobweya bwayo, naye mwatabũga ekĩnywa nʼekiguma.

Luka 23:41

Omusango wetu atunganene, kusangwa ĩtwe tukabana oluhembo olutolere emĩbĩrĩ yetu; nĩkwa omundu oyũ sialitakola ekibi.

Luka 23:46

Neryo Yesu mwabirikira nʼomulenge munene ati, Tata, ngahĩra ekĩrĩmũ kyage omo byala byawe! Neryo abere abĩbũga ebĩ, mwalekula.

Luka 23:9

Neryo Herode mwabũlya Yesu emyatsi mingi, nĩkwa Yesu mwatamũsũbĩryakĩ.

Emibiri 17:31

Kusangwa Nyamuhanga abĩrĩhĩra ekiro ekyo asyatswera ekihugo omo litunganene omo Mundu oyo abiriyisoga, ĩnĩakamĩnyĩsayakyo oko bandu bosĩ ĩnĩakalũbũkaya Omundu oyo yʼoko baholĩ!

Emibiri 4:29

Na lino, Mukama, Ũlebaye erĩũbahĩrĩrya lyabo, kandi uleke abagombe bawe babũge ekĩnywa kyawe nʼeritendiubaha lyosĩ.

Emibiri 7:59

Kandi mobaswagusa uku Setefano kwʼamabwe, naye mwabirikira Omukama ati, Mukama Yesu, wangirire ekĩrĩmũ kyage!

Emibiri 9:1

Nĩkwa Saũlo iniakinahaya ati akĩta abiga bʼomukama, mwaya oko Mũhererĩ mukulu oko bahererĩ bosĩ!

AbanyaRoma 2:5

Nĩkwa busana nʼobutsibu bʼomutima wawe owatebinduka, ukayibikira erihitana oko kiro ekyo kyʼerihitana lya Nyamuhanga nʼeritswera litunganene riwe lyasyabĩsũlwa.

AbanyaEfeso 6:9

Nenyũ abakama, mukolere abakobe benyũ bo mutya, muleke erĩũbahyabo. Nĩkwa muminye ndeke ngoko hali Mukama muguma elubula. Nĩ wenyũ, kandi ni wabo, naye syali ko butaga.

2 AbanyaTesalonika 1:5

Ebĩ nĩ bĩmĩnyĩsyo byʼeritswera litunganene lya Nyamuhanga, imwatoka eriganzwa ngʼabatolere obwami bwa Nyamuhanga. Nenyũ mukagalawa kwenene busana nʼobwami obo.

2 Timoteo 1:12

Busana nʼomwatsi oyũ, ngagalawa omo myatsi eyo. Nĩkwa sĩnyĩkwĩre esĩsonĩ, kusangwa nyĩnasĩ oyo nabĩrĩkĩrĩrya, kandi nyĩnasĩ ndeke kwʼakatoka erĩteya ebyo abĩrĩhĩra omo byala byage erĩhĩka oko kiro ekyo.

2 Timoteo 4:8

Kandi nabiribikirwa embĩta yʼeritunganene eyo Mukama, Omũtswerĩ oyutunganene, asyamba oko Kiro ekyo. Kandi si busana nage ĩngyowene, nĩkwa asyahayo oko bosĩ abanzĩre eributuka liwe.

AbaEbrania 12:3

Neryo mũganĩraye Yesu oyo wayĩyĩnaya omo bũyĩgũ bwʼabakola-nabi, neryo simuluhe kutse erioloba omo mitima yenyũ.

1 Petero 3:9

Sĩmũtũhũlaye ekibi busana nʼekibi, kutse eritsuma busana nʼeritsuma, nĩkwa kumbe mutsumulebo. Kusangwa Nyamuhanga mwababirikira busana nʼomwatsi oyũ, imwabana eritsumula eryo alaga.

1 Petero 4:19

Neryo abakagalawa busana nʼerisonda lya Nyamuhanga, bahĩre emitima yabo omo byala byʼOmũhangĩkĩ oyuteregula, babye bakakola ekitunganene.

Eribisurirwa 19:11

Neryo monalangira olubula ilukingukere, neryo lebaya, habya esabayĩrĩ nyeru-nyeru. Oyukagenda kuyo akahulawa mo Oyuteregula nʼowʼekwenene. Kandi omo litunganene akatswera nʼerilwa amalwa.