1 Petero 2:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Mubye ngʼesyomekeke, imukasonda kutsibu amasabũ agowene busana nʼomutima, imwatoka eriusuka busana nʼerilama.

Nouveau Testament et Psaumes en Ndandi Version 1962

² Nge syomekeke, mwanze amasabu wekirimu awate nepono, imwatoka eritsuka erihika okwilama;

1 Petero 2:2 Iomraidhean Croise

2 Samwelĩ 23:5

Kwenene ekĩtũnga kyage sikiri kitya na Nyamuhanga kwehĩ? Nĩkwa abirilagana nage endagano yʼerikota, Eyĩtondekĩre omo myatsi yosĩ, kandi ĩsĩkĩre. Kusangwa omulamo wage gosĩ, nʼerisonda lyosĩ lyage, Kandi Nyamuhanga sĩendĩsyaberereryabo kwehi?

Yobũ 17:9

Nĩkwa omutunganene asyawatĩrĩrya oko nzira yiwe, Nʼoyuwite ebyala byerĩre asyakanyirira nʼamaka.

Emĩsyo 4:18

Nĩkwa enzira yʼabatunganene iri ngʼekyakakala kyʼomwĩtsange, Ekĩkakoleraya nʼerikanya erĩhĩka oko kiro kĩyĩma-yĩma.

Hosea 14:5

Nasyabya ngʼekimi uku Ĩsraelĩ; asyasoya ngʼerĩranga, nʼeribanda emĩrĩhĩ yiwe ngʼeLebanonĩ.

Hosea 14:7

Abĩkere oko kyũtsũtsũ kiwe; basyaswalya engano, nʼerĩsoya ngʼomũlĩkĩ wʼebĩnyũ; engulu yiwe yowene yasyabya ngʼebĩnyũ byʼeLebanonĩ.

Hosea 6:3

Neryo tuminye, tukwamirire eriminya Omwami Mukulu. Erihongoka liwe nĩ kũndũ ngʼomo ngyakya-ngyakya; naye asyatũhĩkako ngʼembũla, ngʼembũla yʼenyũma eyĩkaheheraya ekitaka.

Malakĩ 4:2

Nĩkwa ĩnywe mukubaha erĩna lyage, eryuba lyʼeritunganene lyasyabahulukako nʼomulamo omo bĩpũpa byalyo; nenyũ mwasyahuluka mukayitsangura ngʼebyana byʼesyonde omo kibungo.

Matayo 18:3

mwabũga ati, Kwenene ngabũga nenyũ, mwamatendibinduka nʼeribya ngʼabana balere, simwendisyingira omo Bwami bwʼelubula.

Matayo 19:14

Nĩkwa Yesu mwabũga ati, Muleke abana base kwĩngye. Sĩmũkakĩrayebo, kusangwa Obwami bwʼelubula ni bwʼabandu abali ngʼaba.

Mariko 10:15

Kwenene ngabũga nenyũ nyiti, Oyutiangirira Obwami bwa Nyamuhanga ngʼomwana mulere siendisyingira mubo nʼahake.

Luka 18:17

Kwenene ngababwira, oyutyangirira obwami bwa Nyamuhanga ngʼomwana mulere, siendisyingira mubo nʼahake.

AbanyaRoma 6:4

Neryo omo lũbatĩso lwetu twabiritabwa haguma na Kristo omo luholo luwe, neryo ngoko Kristo alũbũkĩbawa oko baholĩ omo lukengerwa lwa Tata, litya netu itwatoka erirendera omo mibere yʼengebe nyihyanyihya.

1 AbanyaKorinto 14:20

Balĩkyetu, omo malengekanĩa wenyũ, Simubye ngʼabana. Nĩkwa busana nʼebibi mubye ngʼabana, kandi mubye bakulu abahĩkene omo malengekanĩa wenyũ.

AbanyaEfeso 2:21

Iye Kristo akahĩndanaya enyũmba yosĩ eyo haguma, nʼerĩũsũlyayo, ibye hekalũ yĩbũyĩrĩre busana nʼOmukama.

AbanyaEfeso 4:15

Nĩkwa tũbũge ekwenene omo mutima wʼolwanzo, kandi tukule busana na Kristo omo myatsi yosĩ, kusangwa iye ni mutwe netu tuli mubiri wuwe.

2 AbanyaTesalonika 1:3

Balĩkyetu, litutolere eriha Nyamuhanga ewasĩngya busana nenyũ oko migulu yosĩ! Kandi lyowene itwakola tutya, kusangwa erĩkĩrĩrya lyenyũ linemukula kutsibu, kandi olwanzo lwʼobuli mundu omo katĩkatĩ kenyũ lunemukanyirira busana nʼabandi balĩkyetu bosĩ.

1 Petero 1:23

Kusangwa mwabiributwa buhya-buhya, butsira omo mbuto eyikahonda, nĩkwa omo mbuto eyitehonda, kye kĩnywa kya Nyamuhanga, ekiri mwʼengebe, kandi ekikakota.

2 Petero 3:18

Nĩkwa mubye mukakula omo lukogo nʼeriminya lyʼomukama nʼomũlamya wetu Yesu Kristo. Ukwʼiye habye olukengerwa, lino, nʼerĩhĩka na kera. Amina.