1 Petero 2:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Mũsĩkaye abandu bosĩ. Mwanze abalĩkyetu Abakristo, mukenge Nyamuhanga, kandi mũsĩkaye omwami.

Nouveau Testament et Psaumes en Ndandi Version 1962

¹⁷ Musikaye abandu bosi. Mwanze abagala benyu. Mubahe oMungu. Musikaye omwami.

1 Petero 2:17 Iomraidhean Croise

Enzũko 20:11

Neryo Abrahamũ mwabũga ati, Kusangwa naganĩraya nyiti, Kwenene eriubaha lya Nyamuhanga siriri hano, ĩbanyĩta busana nʼomũkalĩ wage.

Enzũko 22:12

Neryo mwamubwira ati, Sũhĩre ebyala byawe oko mũlwana, kutse sumukole kindu, kusangwa lino nyasĩ ngoko ukubaha Nyamuhanga, kusangwa sulitanyikaga mugala wawe, ekyusa kyawe.

Enzũko 42:18

Ekiro kyʼebisatu Yosefũ mwabũga nabo ati, Mukole ekĩ imomwabyaho, kusangwa ngubaha Nyamuhanga;

1 Emyatsi yʼEmigulu 29:20

Neryo Dawĩdĩ mwabwira endeko yosĩ ati, Lino mupipe Omwami Mukulu Nyamuhanga wenyũ. Nʼendeko yosĩ moyapipa Omwami Mukulu, Nyamuhanga wʼabotata wabo, mobũnamya emitwe yabo, mobasĩkya Omwami Mukulu, nʼomwami.

Esyonyimbo 111:10

Eriubaha Omwami Mukulu nĩ nzũko yʼamenge; Akaha amenge oko bosĩ abakowa amahano wuwe. Angapipwa kera na kera!

Erĩlũayo 20:12

Ukenge tata wawe na koyo wawe, ebiro byawe bitoke eribya bingi omo kihugo ekyo Mwami Mukulu Nyamuhanga wawe akakuha.

Emĩsyo 1:7

Eryubaha Omwami Mukulu nĩ nzũko yʼeriminya; Nĩkwa abakĩrũ bakapona amenge nʼerĩkangĩrĩrĩbwa.

Emĩsyo 23:17

Suleke omutima wawe akatsura abakola-nabi; Nĩkwa ubye nʼeriubaha Omwami Mukulu ebiro byosĩ.

Emĩsyo 24:21

Mugala wage, gubahe Omwami Mukulu nʼomwami; Sutambe haguma nʼabakabindukabinduka.

Omũgambũlĩ 8:2

Nyiti, Ũtegaye erihana lyʼOmwami busana nʼerĩlahĩrya lya Nyamuhanga.

Abalawĩ 19:32

Uhanganire owʼomutwe wʼesyombwĩ, nʼerikenga obũsũ bʼomũsyakulu, wasyubaha Nyamuhanga wawe. Ĩngye indi Mwamĩ Mukulu.

Zekarĩa 11:14

Neryo monatwa ogundi muti wage oyo wʼEbĩbohĩ mwʼĩbĩrĩ, inatoka erĩtwa obũtũnga omo katĩkatĩ kʼeYũda nʼeĨsraelĩ.

Matayo 22:21

Nabo mobamũsũbĩrya bati, Ni bya Kaĩsarĩ. Neryo Yesu mwabwirabo ati, Mulihe Kaĩsarĩ ebindu bya Kaĩsarĩ, kandi mulihe Nyamuhanga ebindu bya Nyamuhanga.

Yoane 13:35

Neryo mwamabya nʼolwanzo, omuguma busana nʼogundi, abandu bosĩ basyaminya ko muli biga bage,

AbanyaRoma 12:10

Mwanzane kutsibu ngʼabasubeneko. Mukengane nʼeribya nʼomutima wʼerĩsĩkya abandi.

AbanyaRoma 13:7

Mulihe abosĩ bʼemĩnda yabo, omusolo oko yutolere omusolo, engemu oko mwenye ngemu, erikenga ukwʼoyo wangakengwa, erĩsĩkya ukwʼoyo wangasĩkĩbwa.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaEfeso 5:21

Kusangwa mukakenga Kristo, obuli mundu owe mũlĩkyabo.

AbanyaFilipi 2:3

Simukole mwatsi omo mwaga wʼobutimane, kutse busana nʼeriyipipa, nĩkwa mũyĩkehaye, imukaganza obuli mundu mo mubuya kwilaba ĩnywe.

1 Timoteo 6:1

Abakobe bosĩ baganze abakama babo ngʼabandu batolere erĩsĩkya lyosĩ, neryo erĩna lya Nyamuhanga nʼerĩkangĩrĩrya lyetu sibitsumawe.

AbaEbrania 13:1

Mwanzane ebiro byosĩ ngʼabalĩkyetu.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 2:13

Mowe abatabalĩ ba muna-kihugo busana nʼOmukama, kutse ni mwami oyuwite ehamũlĩ yosĩ,

1 Petero 5:5

Nenyũ nibya ĩnywe balwana, mukenge abakulu benyũ. Kandi ĩnywe bosĩ mũyĩkehaye embere syʼabalĩkyenyũ, kusangwa kĩsakĩre kiti, Nyamuhanga akalwa nʼabakayiheka, Nĩkwa akakanyaya olukogo oko bakayĩkehaya.

1 Samwelĩ 15:30

Neryo Saũlo mwabũga ati, Namabĩhalya, nĩkwa kĩsĩ-kĩsĩ lino, ũnyĩsĩkaye embere syʼabakulu bʼomo bandu bage, nʼembere syʼAbaĩsraelĩ, uswesuba haguma nage, inatoka erĩramya Omwami Mukulu ye Nyamuhanga wawe.