1 Petero 2:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Kusangwa erisonda lya Nyamuhanga liti omwʼikola ndeke mũsĩnge ebĩnywa bitya-bitya byʼabandu bakĩrũ.

Nouveau Testament et Psaumes en Ndandi Version 1962

¹⁵ Kusangwa ni sonda ryoMungu erisinga eritinda minya ryabandu bikiru omwikola ndeke ryenyu.

1 Petero 2:15 Iomraidhean Croise

Yobũ 2:10

Nĩkwa Yobũ mwamubwira ati, Ũkabũga ngʼomuguma gʼoko bakalĩ bakĩrũ. Nĩkĩ kwehĩ? Twasyangirira ebibuya omo byala bya Nyamuhanga, isitwendisyabana nʼobũlĩge kwehĩ? Omo byosĩ ebĩ Yobũ mwatabũga bibi omo mĩnywa yiwe.

Yobũ 5:16

Litya akaha abera bʼamaha, Kandi akahũnaya ababi.

Esyonyimbo 107:42

Abatunganene bakalangira ekĩ, ibatsema, Nĩkwa ababi bosĩ basyahũnerĩbwa.

Esyonyimbo 5:5

Abakayiheka sibalihangana omo meso wawe; Ũkakwa abandu abakakola nabi bʼobusu.

Emĩsyo 9:6

Ĩnywe bakĩrũ, muleke obũkĩrũ, mubyeho; Mulendere omo nzira yʼobowĩka.

Yeremĩa 4:22

Kusangwa abandu bage nĩ bakĩrũ, sĩbanyasĩ. Ni bana batyabatya, kandi sibawite amenge. Bawite amenge wʼerikola ebibi, nĩkwa sĩbasĩ erikola ndeke.

Matayo 25:2

Abatanu ba kubo babya bakĩrũ, nʼabatanu babya bʼamenge.

Matayo 7:26

Kandi obuli mundu oyũkowa ebĩnywa byage ebĩ atekolabyo, asyasosekanĩbwa ngʼomundu mũkĩrũ, oyo wahĩmba enyũmba yiwe yʼoko musege.

AbanyaRoma 1:21

Kusangwa nomo banabya basĩ Nyamuhanga, mobatamũsĩkya nga Nyamuhanga, kutse erimuha ewasĩngya. Amalengekanĩa wabo abiribya buyira, kandi omwĩrĩmya abiringira omo mitima mĩkĩrũ yabo.

AbanyaGalatia 3:1

Ĩnywe Banya Galatĩa bakĩrũ, obusaki obukabateba ni bwahi kwehĩ? Nenyũ mwakangĩrĩrĩbawa ndeke-ndeke ngoko Kristo abambawa oko musalaba embere syʼabandu bosĩ.

Eryibuka Ebihano 32:6

Mũkatũha Omwami Mukulu mutya, Ĩnywe bandu bakĩrũ abate na menge kwehĩ? Iye si tata wenyũ oyo wabagula kwehĩ? Abiribahangika, nʼerĩbahanganĩa.

1 AbanyaTesalonika 4:3

Erĩ ni ʼsonda lya Nyamuhanga, ati anzĩre mubye bandu babũyĩrĩre, nʼeriyihigula oko luteto.

1 AbanyaTesalonika 5:18

Muhe ewasĩngya omo myatsi yosĩ; kusangwa ni ʼsonda lya Nyamuhanga busana nenyũ, ĩnywe mumatikene na Kristo Yesu.

1 Timoteo 1:13

Kera nabya nga mũtsũmĩ, nʼoyũkamwendereraya, nʼerimuletera omwaga. Nĩkwa Nyamuhanga mwanyiganyira kusangwa nakola omo butaminya, ĩsĩndĩnĩkĩrĩrya.

Tito 2:8

Ũbũge ebĩnywa bitunganene, ebite kwʼekyangakungwa. Neryo enzĩgũ yawe iyahemuka, isiawite omwatsi mubi wʼerĩbũga busana netu.

Tito 3:3

Kusangwa netu twabya bakĩrũ erĩmbere, isitulikenga, ĩtũkatebĩbawa. Twabya bakobe bʼesyongumbu nʼebyʼerĩyĩtsemesya, ebyʼemĩsĩndo yosĩ, itukasiba omo myatsi mibi, nʼeritsura, ĩtũkakwa abandi bʼekĩnĩga, nʼerikwama obusu.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.

1 Petero 3:17

Kusangwa lyowene ndeke imwagalwa busana nʼerikola ebibuya omwʼisonda lya Nyamuhanga, kwilaba erikola nabi.

1 Petero 4:2

Nĩkwa lino omugulu mukineho omo mubiri, mukwame erisonda lya Nyamuhanga butsira esyongumbu syʼabandu.

2 Petero 2:12

Nĩkwa abandu aba balingene ngʼesyonyama esitawite menge, esĩterengekanaya, esikabutawa busana nʼerihambwa nʼerikerwa. Bakatsuma ebyo batasĩ, kandi basyaherĩbwa haguma nʼesyonyama esyo.

Yuda 1:10

Nĩkwa kandi abandu aba bakatsuma emyatsi eyo batasĩ. Kandi emyatsi yosĩ eyo basĩ omo mĩbĩrĩ yabo, ngʼesyonyama esitawite obũlengekanĩa, emyatsi eyo yo yĩkaherayabo.