1 Petero 2:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

Nouveau Testament et Psaumes en Ndandi Version 1962

¹² Muyire emibere yowene omukati-kati keBihanda, nomo bangabahula nga bakolanabi, balangire emibiri yenyu mibuya ibapipa Mungu oko kiro kyeribalamirwa.

1 Petero 2:12 Iomraidhean Croise

Esyonyimbo 37:14

Ababi bakakula emĩyalĩ yabo, bakakangika amata wabo, Busana nʼerĩĩta abera bʼobwaga, Nʼerĩholya abatunganene.

Esyonyimbo 50:23

Oyukahera obuhere bwʼewasĩngya, akanyĩsĩkaya; Kandi nasyalamya kwenene Abosĩ abakanyikenga.

Ĩsaya 10:3

Neryo mwasyakolakĩ omo kiro kyʼerisuyira, nʼomwʼĩkĩndwa erĩkandĩsyalũa ehali kwehĩ? Mwasyasagira ukundi eribana erĩwatĩkya kwehĩ? Kandi mwasyasĩganĩa obuteke bwenyũ bo hahi kwehĩ?

Danĩelĩ 6:4

Neryo abakulu nʼabatabalĩ mobasondya omwatsi ogo bangatsongera ko Danĩelĩ busana nʼobwami; nĩkwa mobatabana mwatsi kutse erĩlolo, kusangwa abya oyuteregula, kandi mwatabanika kwʼekibi, kutse oluhabo.

Matayo 10:25

Omwiga angatsema eribya ngʼomũkangĩrĩrya wuwe, nʼomugombe angatsema eribya ngʼomukama wuwe. Bamahula omukulu wʼenyũmba mo Belzebũlĩ, basyahula abandu bʼenyũmba yiwe bʼomo mena mabi kwʼaho!

Matayo 5:11

Obutseme buli nenyũ omugulu abandu bakabatsuma nʼerĩbendererya, nʼeribalega omo mĩsĩndo yosĩ yʼebibi nʼamabehĩ busana nʼomwatsi wage.

Matayo 5:16

Muleke ekyakakala kyenyũ kĩkoleraye kitya embere syʼabandu, balangire emĩbĩrĩ yenyũ mibuya, bapipe Tata wenyũ oyuli elubula.

Matayo 9:8

Nĩkwa omugulu abandu balangira ekyo mobubaha, mobapipa Nyamuhanga oyo waha ehamũlĩ iri ngʼeyĩ yʼoko bandu.

Luka 1:68

Tupipe Omukama Nyamuhanga wa Ĩsraelĩ! Kusangwa abĩrĩhĩka erĩwatĩkya abandu buwe, nʼerihabo obwĩranda

Luka 19:44

Basyabagusa ahisi haguma nʼabandu abali omwisi wawe; isibendĩsyasĩga erĩbwe nʼeriguma endata oko lindi, kusangwa Sulitaminya omugulu Nyamuhanga ahĩka erĩkũlamya.

Luka 6:22

Obutseme buli nenyũ omugulu abandu bakabakwa obusu, nʼeribagana, nʼeribatsuma, nʼeribahula bati, Muli babi, busana nʼomugala wʼOmundu!

Yoane 13:31

Neryo omugulu Yũda ahuluka, Yesu mwabũga ati, Lino Omugala wʼOmundu amabana olukengerwa, kandi Nyamuhanga amabana olukengerwa omwisi wuwe.

Emibiri 15:14

Sĩmeonĩ abĩrĩbakanĩrya ngoko Nyamuhanga atsũka erĩkangya olwanzo luwe busana nʼEbihanda, eriyisoga omo katĩkatĩ kabo abandu busana nʼerĩna liwe.

Emibiri 24:13

Kandi sibangatoka erĩkũkangya kwenene emyatsi eyo bakanyihandikirira lino.

Emibiri 25:7

Neryo Paũlo abere ahĩka, Abayũda abalũa eYerũsalema mobamũtĩmbako, ĩbakamũhandĩkĩrĩraya emyatsi mingi eyo batetoka erĩsĩsya.

Emibiri 28:22

Nĩkwa twanzĩre erĩowa amalengekanĩa wawe, kusangwa tũnasĩ abandu bakahula ekisomo ekĩ kyo nabi ehosĩ.

AbanyaRoma 12:17

Omundu amakukolera ekibi, sumulihe ekibi. Mũganĩraye ekitunganene omo meso wʼabandu bosĩ.

AbanyaRoma 13:13

Tulendere ngoko litolere omugulu bukere, situtamire nʼerĩkũnda, situbye nʼoburagane nʼesyongumbu nyibi, situlwe, situbye nʼobũha.

AbanyaRoma 14:18

Kusangwa oyukakolera Kristo atya akatsemesaya Nyamuhanga, kandi abandu bakamũsĩma.

AbanyaRoma 15:9

Kandi Kristo atokesaye ebihanda ibyapipa Nyamuhanga busana nʼeriganyira liwe. Ngoko kĩsakĩre kiti, Neryo busana nʼekyo, nasyakupipa omo katĩkati kʼebihanda, Nasyimba ebikapipa erĩna lyawe.

1 AbanyaKorinto 14:25

Kandi emyatsi eyĩbĩsamĩre yʼomutima wuwe ĩkamĩnyĩkalĩbawa, neryo asyawa ahisi nʼerĩramya Nyamuhanga, ĩnĩakabũga ati, Kwenene Nyamuhanga ali omo katĩkatĩ kenyũ.

2 AbanyaKorinto 1:12

Kusangwa tukayihalamba omo mwatsi oyũ: tuti Obunya-mutima bwetu bũkatũlago buti, tukayitwala omo kihugo, kandi omo katĩkatĩ kenyũ, omo myatsi mibuya nʼeyʼekwenene embere sya Nyamuhanga, kandi tukayitwala omo lukogo lwa Nyamuhanga butsira omo menge wʼabandu.

2 AbanyaKorinto 13:7

Neryo tukasaba Nyamuhanga tuti Simukole ekibi, sĩʼbũga ambu tuminyikale nga twamataluka.

2 AbanyaKorinto 8:21

Kusangwa twanzĩre erikola ekitolere embere syʼOmukama, nʼakandi embere syʼabandu.

AbanyaEfeso 2:3

Netu twabya ngʼabo, itukakwama esyongumbu syʼemibiri yetu, itukakola erisonda lyʼemibiri yetu nʼobũlengekanĩa bwetu. Netu nibya ngʼabandu bosĩ, twabya tutolere erihitana nʼeritswera lya Nyamuhanga.

AbanyaEfeso 4:22

Neryo muleke emibere ya kera eyabya ĩkabatsandya omo syongumbu esikabateba.

AbanyaFilipi 1:27

Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

AbanyaFilipi 4:8

Ego, balĩkyetu, mũsũlaye amalengekanĩa wenyũ omo myatsi mibuya nʼeyangapipwa. Emyatsi eyo yeyĩ: ebyʼekwenene, ebyʼerĩsĩkĩbwa, ebitunganene, ebĩbũyĩrĩre, ebyanganzwa, ebyʼerĩsĩmwa.

1 AbanyaTesalonika 4:12

Neryo imwatoka erĩsĩmwa nʼabatĩkĩrĩrye, kandi simwendisyabya nʼobwaga bwʼekindu.

1 Timoteo 2:2

Kandi busana nʼabami, nʼabandi bosĩ abakatabala, tutoke erisiba buholo butsira mwaga, itukakenga Nyamuhanga, nʼeriyitondeka ndeke.

1 Timoteo 4:12

Suleke mundu akakupona busana nʼobũlwana bwawe, nĩkwa ũyĩkangaye embere syʼabĩkĩrĩrye ngʼolulengo lubuya lwʼebĩnywa, nʼemikolere, nʼomo lwanzo, nʼomwʼĩkĩrĩrya, nʼomo mutima ate kwʼebibi.

1 Timoteo 5:10

Kandi abye ĩnĩakũmayĩre busana nʼemĩbĩrĩ yowene; landi amabya oyo wabĩrĩkũlya abana bo ndeke, kandi amabya ĩnĩabĩrĩkokya abagenĩ bʼehali, kutse ĩnĩabĩrĩnabya ebisando byʼabandu ba Nyamuhanga, kandi amabya abĩrĩwatĩkya abali omo bũlĩge, kandi amabya abiriyiha erikola obuli mũbĩrĩ owene.

AbaEbrania 13:18

Mubye mukatusabira, kusangwa tũnasĩ tuwite obunya-mutima bowene, ĩtwanzĩre erikola ebibuya omo myatsi yosĩ.

AbaEbrania 13:5

Simukwamirire erianza esyofranka, nĩkwa mutsemere ebyo muwite. Kusangwa Nyamuhanga abĩrĩbũga ati, Sindiendisyakuleka na kera, kandi, sindiendĩsyakũsĩganĩa nʼahake.

Yakobo 3:13

Nindi omo katĩkatĩ kenyũ oyuwite amenge nʼeriminya kwehĩ? Akanganayebyo omo mibere mibuya yiwe, nʼomo mĩbĩrĩ yiwe eyo akakola nʼomutima molo, nʼowʼamenge.

1 Petero 2:15

Kusangwa erisonda lya Nyamuhanga liti omwʼikola ndeke mũsĩnge ebĩnywa bitya-bitya byʼabandu bakĩrũ.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.

1 Petero 4:11

Oyũkatũlago, atũle ebĩnywa bya Nyamuhanga. Oyukakola omũbĩrĩ, akolego omo maka ago Nyamuhanga akamuha. Neryo omo myatsi yosĩ Nyamuhanga apipawe busana na Yesu Kristo. Olukengerwa nʼobũtokĩ ni biwe kera na kera. Amina.

2 Petero 3:11

Neryo kusangwa emyatsi yosĩ eyĩ yasyaherĩbwa itya, ĩnywe mwangabya bandu bʼomũsĩndo wahi kwehĩ? Mwangabya bandu bʼemigendere ĩbũyĩrĩre nʼerikenga Nyamuhanga.

Rũta 3:14

Neryo mwagotsera ahali ebisando biwe, erĩhĩka engyakya; isihali muguma oyukaminya ogundi. Kusangwa abũga ati, Sikiminyikale ngoko mũkalĩ alĩahĩka oko kĩhũmbĩro.