1 Petero 2:11 - AMASAKO ABOYTRTRE WA NYAMUHANGA AWAKAHULAWA MO BIBLIA

¹¹ Abanze betu, ngabalemba-lemba ngʼababunga nʼabagendĩ, mugane erikwama esyongumbu syʼomubiri esikalwa nʼomutima.

Nouveau Testament et Psaumes en Ndandi Version 1962

¹¹ Abanze, ngabago nga babunga nabakalaba, mugane esyongumbu syomubiri, esikalwa nekirimu.

1 Petero 2:11 Iomraidhean Croise

Enzũko 21:34

Neryo Abrahamũ mwabungira omo kihugo kyʼAbafĩlĩstĩnĩ ebiro bingi.

Enzũko 23:4

Ĩngye indi owʼehandi, indi mubunga ewenyũ. Mumbe obukungu omo katĩkatĩ kenyũ ahʼerita omundu, inatoka erita ekĩnda kyʼomũkalĩ wage erĩlũsyakyo omo meso wage.

Enzũko 47:9

Yakobo mwasũbĩrya Farao ati, Ebiro byʼemyaka yʼobubunga bwage ni myaka erĩgana nʼamakũmĩ asatu. Ebiro byʼemyaka yʼeribyaho lyage nina bike, kandi ni byʼobũlĩge, kandi sibiribyahĩka oko biro byʼemyaka yʼeribyaho lyʼabotata wage omo biro byʼobubunga bwabo.

1 Emyatsi yʼEmigulu 29:15

Kusangwa tuli babunga embere syawe, nʼabagendĩ ngoko abotata wetu bosĩ babya; ebiro byetu muna-kihugo biri ngʼekyũtsũtsũ, isihali amaha.

Esyonyimbo 119:19

Indi oko kihugo ko hano ko katambĩ kake; Sũnyĩbĩse ebihano byawe!

Esyonyimbo 119:54

Omugulu ngabungira ehandi, Amahano wawe akabya nyimbo syage.

Esyonyimbo 39:12

Uwe Mwami Mukulu, wowe erisaba lyage, Utege okũtũ busana nʼerilaka lyage; Subye bũkũtũ omugulu ngalira! Kusangwa indi mũgenĩ eka wawe; Indi mubunga ngʼaboso-kulu wage bosĩ.

Abalawĩ 15:18

Nʼomũkalĩ nibya oyo mulume akagotsera naye, ihali obũhalya, ababiri bosĩ basyayikosa omo magetsi, ibabya batsandĩrya erĩhĩka omwʼĩgologolo.

Abalawĩ 25:23

Nʼekitaka sĩkyendĩsyagũlĩbwa na kera; kusangwa ekitaka ni kyage; kusangwa muli bʼehandi nʼababunga haguma nage.

Luka 21:34

Mũyĩtegaye, emitima yenyũ sĩyĩrĩtoherawe nʼeritamira, nʼerĩkũnda, nʼamalengekanĩa wʼengebe yʼeno, neryo ekiro ekyo kĩkabahĩkako lũba-lũba!

Emibiri 15:20

Nĩkwa tusakirebo tuti, baleke ebyalya ebĩtsandĩre kusangwa bikaherawa oko syosanamu, kandi baleke erĩsĩngĩra, kandi baleke erirya esyonyama esyabĩrĩnĩgwa, kandi baleke, erirya omusasi.

Emibiri 15:29

tuti, muleke ebyalya ebĩtsandĩre kusangwa bikaherawa oko syosanamu; kandi muleke erirya omusasi; erirya enyama eyabĩrĩnĩgwa; kandi muleke erĩsĩngĩra. Mwamayĩteya oko myatsi eyĩ, mwasyakola ndeke. Mubye nʼobuholo.

AbanyaRoma 12:1

Balĩkyetu, ngabalemba-lemba busana nʼeriganyira ĩnene lya Nyamuhanga, nyiti, muyihe uku Nyamuhanga ngʼobuhere obuliho, kandi obũbũyĩrĩre, obũkamũtsemesaya. Erĩ nĩ ʼramya erikutolere.

AbanyaRoma 7:23

Nĩkwa ngabana ogundi mugambo owakakola omo mubiri wage owakalwa nʼomugambo wʼobũlengekanĩa bwage, kandi ngayirawa mo mundu wʼomũlĩkĩ wʼomugambo wʼebibi ebĩkere omo bĩtsũko byage.

AbanyaRoma 8:13

Kusangwa mwamakwama obũlengekanĩa bwʼomubiri mwasyahola; nĩkwa omo maka wʼOmũlĩmũ mwamĩta emikolere yʼomubiri, mwasyabyaho.

2 AbanyaKorinto 5:20

Neryo tuli bakwenda busana na Kristo, neryo Nyamuhanga akabalayira nʼeribalemba-lemba. Tukabalembalemba busana na Kristo, tuti, Mũsanganĩbawe uku Nyamuhanga,

2 AbanyaKorinto 6:1

Omo mũbĩrĩ ogo tukakola haguma na Nyamuhanga, tukabalemba-lemba tuti mwabiriangirira olukogo lwa Nyamuhanga, neryo simuleke lukabya busa.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaGalatia 5:24

Neryo abali uku Kristo Yesu babiribamba oko musalaba emyatsi yosĩ yʼomubiri, haguma nʼesyongumbu nʼerisonda lyago.

AbanyaEfeso 2:19

Neryo ĩnywe abʼEbihanda, simukiri ba hali kutse abʼekindi kihanda; lino muli esyondũlanĩ haguma nʼabandu ba Nyamuhanga, muli abʼekĩtũnga kya Nyamuhanga!

AbanyaEfeso 4:1

Neryo ĩngye mundu wʼomũlĩkĩ busana nʼomukama, ngabahatikana nyiti, mukwame emibere yʼolulengo olo Nyamuhanga ababirikirira erikwamalo.

2 Timoteo 2:22

Usage esyongumbu syʼobũlwana, ukwamirire ekitunganene, erĩkĩrĩrya, olwanzo, Obuholo, haguma nʼabandu abakalakira Omukama omo mutima owate mo bibi.

AbaEbrania 11:13

Abosĩ aba mobahola omwʼĩkĩrĩrya, isibetabana ebyalagawa na Nyamuhanga, nĩkwa mobalangirabyo hali, nʼerĩrĩgabyo, kandi mobakangya ngoko babya balalĩrĩrĩ, nʼabĩkalanĩ muna-kihugo.

AbaEbrania 6:9

Nomo twangabũga tutya, abanze, nĩkwa busana nenyũ, tũnasĩ ndeke ngoko munawite emyatsi yowene eyikakwama erilama.

Yakobo 4:1

Erinegena nʼamalwa omo katĩkatĩ kenyũ bĩkalũa hahi kwehĩ? Bĩkalũa oko syongumbu syenyũ esĩkalũa omo mibiri yenyũ.

1 Petero 1:1

Ĩngye Petero, omukwenda wa Yesu Kristo, ngabasakira ĩnywe bandu abo Nyamuhanga ayisoga, abĩkere ngʼabasayĩ, abapanza-panzirawa omo bihugo byʼePonto, nʼeGalatĩa, nʼeKapadokĩa, nʼeAsĩa, nʼeBetanĩa.

1 Petero 1:17

Omugulu mukasaba Nyamuhanga, mukamwahula mo Tata, oyukatswera obuli mundu, butsira obutaga, ngʼemĩbĩrĩ yiwe kwʼiri; mulendere nʼerikenga Nyamuhanga omugulu mukine omo kihugo kino.

1 Petero 4:12

Abanze, simusweke busana nʼerirengwako erĩkalĩre erĩkabahĩkako nga ni kindu kyʼehandi busana nenyũ.

1 Petero 4:2

Nĩkwa lino omugulu mukineho omo mubiri, mukwame erisonda lya Nyamuhanga butsira esyongumbu syʼabandu.

2 Petero 3:1

Balĩkyetu banze, eyĩ ni barua yʼakabiri ngabasakira. Omwʼĩbĩrĩ syosĩ ngalenga erĩbũkya oko bũlengekanĩa bubuya.