1 Petero 1:7 - AMASAKO ABOYTRTRE WA NYAMUHANGA AWAKAHULAWA MO BIBLIA

⁷ Neryo erirengwako eryo lĩkamĩnyĩsaya erĩkĩrĩrya lyenyũ. Esyamagetsi sikanahera, nasyo sikalengawako omo muliro. Neryo erĩkĩrĩrya lyenyũ eriwite enzwere nene kwilaba esyamagetsi, litolere iryalengwako. Neryo mwasyabana eripipa nʼolukengerwa, nʼerĩsĩkĩbwa oko kiro ekyo Yesu Kristo asyabĩsũlwa.

Nouveau Testament et Psaumes en Ndandi Version 1962

⁷ neryo eriminyikala ryerikirirya ryenyu, eriwite enzwere nene kwilaba zahabu eyikahera nomo yangalengwa omo muliro, ritoke eribanika okwipipa noluke ngerwa nerisikya okwibisulwa ryaYesu Kristo.

1 Petero 1:7 Iomraidhean Croise

Yobũ 23:10

Nĩkwa anasĩ enzira ngayamo; Omugulu amabinyirengako, nasyahuluka ngʼesyamagetsi.

Yobũ 28:1

Kwenene hali ebyũna ebĩkalũa mwʼebĩtsĩpa, Nʼaho bakatsũkĩraya esyamagetsi.

Esyonyimbo 17:3

Ũnasĩ omutima wage, wabĩrĩnyĩlũngũlĩra omo kiro, Wabirinyirengako sulitanyibana ko mwatsi. Namagana erĩbũga ebibi ngʼabandi.

Emĩsyo 16:16

Eribana amenge lĩlabĩre eribana esyamagetsi syo kutsibu; Ega, eribana amenge lyangayisogwa kwilaba ebĩtsĩpa.

Emĩsyo 17:3

Enyungu yʼerĩerya ni busana nʼebĩtsĩpa, nʼerĩko ni busana nʼesyamagetsi; Nĩkwa Omwami Mukulu akalenga emitima.

Emĩsyo 8:19

Ebĩgũma byage byowene kwilaba esyamagetsi, ega, esyamagetsi nyibuya; Nʼendũndĩ yage ĩlabĩre ebĩtsĩpa bisombwere.

Omũgambũlĩ 5:14

Omugulu ebindu ebyo bikahera omwʼitunda libi. Naye amabya abiributa mugala, omo byala biwe Simuli kindu kyʼerimulembera.

Ĩsaya 48:10

Lebaya, nabĩrĩkwerya, nĩkwa butsira ngʼebĩtsĩpa. Monayisoga we omwʼirunga lyʼobũlĩge.

Yeremĩa 48:36

Neryo omutima wage akahũlũkaya omulenge ngʼenyamulera busana na Moabũ, nʼomutima wage akahũlũkaya omulenge ngʼenyamulera busana nʼabandu bʼeKĩreheresĩ. Neryo babĩrĩtalya ebingi ebyo ayibanira.

Yeremĩa 9:7

Busana nʼekyo Omwami Mukulu ati, Lebaya, nasyayayũkyabo nʼerirengabo. Kusangwa nangaswakola nyiti busana nʼomwali wʼabandu bage kwehĩ?

Zekarĩa 13:9

Kandi nasyalabya ekihande ekyo kyʼakasatu omo muliro, nasyatũkũryabo ngʼebĩtsĩpa bĩkatũkũrĩbawa, kandi nasyalengabo ngʼesyamagetsi ko sikalengawa. Basyalakira erĩna lyage, nage nasyasũbĩryabo; nasyabũga nyiti, Ni bandu bage; nabo basyabũga bati, Omwami Mukulu ni Nyamuhanga wetu.

Malakĩ 3:3

Naye asyĩkala ngʼomũtũkũrĩ nʼomũtendererya wʼebĩtsĩpa, kandi asyatũkũrya abagala ba Lawĩ, nʼerĩeryabo ngʼesyamagetsi nʼekĩtsĩpa; ibatoka eriha Omwami Mukulu amahere omo litunganene.

Emiganzo 5:28

Nʼomũkalĩ amabya ĩsĩalĩtayĩtsandya, ĩnĩerĩre; asyabya bwĩranda, kandi asyabuta abana.

Matayo 19:28

Neryo Yesu mwabwirabo ati, Kwenene ngabũga nenyũ, nyiti, Omugulu Omugala wʼomundu asyĩkala oko kĩtũmbĩ kyʼobwami omo lukengerwa luwe, omo mugulu muhya-muhya, ĩnywe ĩkũmĩ nʼababiri mwabirinyikwama, mwasyĩkala oko bĩtũmbĩ byʼobwami erĩkũmĩ nʼebibiri, imukatswera ebihanda erĩkũmĩ nʼebibiri bya Ĩsraelĩ.

Matayo 25:21

Neryo omukama wuwe mwamubwira ati, Wamakola ndeke, uwe mugombe mubuya oyuteregula! Sulitalegula omo bindu bike, nasyakũhĩra erĩteya ebindu bingi. Wingire omo butseme bwʼomukama wawe!

Matayo 25:23

Neryo omukama wuwe mwamubwira ati, Wamakola ndeke uwe mugombe mubuya oyuteregula! Sulitalegula omo bindu bike, nasyakũhĩra erĩteya bindu bingi. Wingire omo butseme bwʼomukama wawe!

Luka 12:33

Mũgũlaye ebindu byenyũ, muhe esyofranka syʼoko bera. Muyibanire amatũsĩ awatekula, muyibikire ebindu elubula ebitekeha, ahatehĩka mũrahĩ, nʼehinyurugunzu sihyeherayabyo.

Luka 17:30

Ko bikandisyabya bitya oko kiro Mugala wʼOmundu asyabĩsũlwa.

Yoane 12:26

Omundu amanyikolera, anyikwame, nʼaho nyiri ha nʼaho omugombe wage asyabya. Omundu amanyikolera, Tata asyamũsĩkya.

Yoane 5:44

Mukatoka erĩkĩrĩrya muti, omugulu mukabana erĩsĩkanĩa omuguma oko gundi kwehĩ, isimulisonda-sonda erĩsĩkya erĩkalũa uku Nyamuhanga ĩyowene.

Emibiri 8:20

Nĩkwa Petero mwamũsũbĩrya ati, Obũgũlĩ bwawe buhere haguma nawe, kusangwa waganĩraya uti wangabana olũsũnzo lwa Nyamuhanga lʼomo bũgũlĩ!

AbanyaRoma 2:10

Nĩkwa hasyabya olukengerwa, nʼerĩsĩkĩbwa, nʼobuholo oko buli mundu oyukakola ebibuya, erĩtsũka oko Bayũda, nʼakandi oko bandu bʼebindi Bihanda.

AbanyaRoma 2:29

Nĩkwa omundu nĩ Mũyũda oyuli Mũyũda omo mutima wuwe, ĩnĩabĩrĩbanĩbwa omo mutima busana nʼomũbĩrĩ wʼOmũlĩmũ Abũyĩrĩre, butsira nʼebĩnywa byʼEmigambo. Omundu oyo akapipawa na Nyamuhanga, butsira bandu.

AbanyaRoma 2:7

Nyamuhanga asyaha engebe yʼerikota oko bakayitsingirira omo mikolere yowene, ibakasonda olukengerwa, nʼerĩsĩkya nʼebitehola.

AbanyaRoma 8:19

Kusangwa ebihangikwa byosĩ bikalindirira nʼolukando lunene erĩbĩsũlĩrwa lyʼabagala ba Nyamuhanga.

1 AbanyaKorinto 3:13

Kandi omũbĩrĩ wʼobuli mundu asyaminyikala, kusangwa ekiro kya Kristo kyasyakanganĩago. Kandi omuliro asyabĩsũlago, ni muliro asyalenga omũbĩrĩ wʼobuli mundu nga nĩ wa mũsĩndo wahi.

1 AbanyaKorinto 4:5

Neryo Simubye mukatswera omundu embere wʼomugulu owatolere, omugulu Omukama asyasa, iye asyahũlũkya omo kyakakala emyatsi eyĩbĩsamĩre omo mwĩrĩmya, kandi asyamĩnyĩkalya erĩyĩsũnza lyʼemitima yʼabandu. Neryo obuli mundu asyabana eripipwa na Nyamuhanga.

Yakobo 1:12

Obutseme buli nʼomundu oyũkasĩka omwʼirengwako, kusangwa amabitoka erirengwako asyangirira embĩta yʼengebe, eyo Nyamuhanga abirilaga abamwanzĩre.

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.

1 Petero 1:5

Emĩyĩsa eyo ni busana nenyũ abakateyĩbawa omo maka wa Nyamuhanga busana nʼerĩkĩrĩrya lyenyũ, imukalindirira erilama eryo likandisyabĩsũlwa oko mugulu wʼenyũma-nyũma.

1 Petero 2:4

Neryo mwase oko Mukama oyuli erĩbwe eriwite engebe, eryaganawa nʼabandu, nĩkwa eryayisogawa na Nyamuhanga, ngʼerĩbwe eryʼobũgũlĩ bunene.

1 Petero 2:7

Erĩbwe erĩ, nĩ ryʼobũgũlĩ bunene busana nenyũ abakĩkĩrĩraya. Nĩkwa busana nʼabatĩkĩrĩraya, ati, Erĩbwe eryo bahĩmbĩ babana nga ni buyira, Lyabiribya erĩbwe erĩkatũngananaya enũnga yʼenyũmba.

1 Petero 4:12

Abanze, simusweke busana nʼerirengwako erĩkalĩre erĩkabahĩkako nga ni kindu kyʼehandi busana nenyũ.

1 Petero 4:13

Nĩkwa mutseme kusangwa mukasangira amalĩge wa Kristo. Neryo omugulu olukengerwa luwe lwasyabĩsũlwa, imwatoka eritsema nʼeritsanga.

1 Petero 5:1

Neryo, ngalemba-lemba abakulu omo katĩkatĩ kenyũ nga mũlĩkyenyũ mukulu. Kandi indi mũlangĩrĩ wʼamagalĩ wa Kristo. Neryo nasyasangira olukengerwa olũkandĩsyabĩsũlwa.

2 Petero 1:1

Ĩngye Sĩmonĩ Petero, omugombe nʼomukwenda wa Yesu Kristo, ngasakira abo babiribana erĩkĩrĩrya ngʼeryo tuwite busana nʼeritunganene lya Nyamuhanga wetu nʼomũlamya Yesu Kristo.

2 Petero 1:4

Kandi abirituha esyondagane siwe nene, syʼesyonzwere nene, itwatoka erisangira omo bu Nyamuhanga buwe, imwamabibala eritsanda lyʼesyongumbu sya muna-kihugo.

2 Petero 3:14

Neryo abanze, kusangwa mukalindirira emyatsi eyĩ, muyitsinge eribanika embere sya Nyamuhanga ngʼabandu babuya butsira ebĩtĩngũ, Ĩmwĩkere naye buholo.

Yuda 1:24

Neryo ukwʼoyukatoka erĩbateya okwʼitoga, kandi akatoka eribaleta omo lukengerwa lwʼembere siwe omo butseme bunene, isimuwite ekyʼerĩhandĩkĩrĩrĩbwa.

Eribisurirwa 1:7

Mũlebaye! Akasa omo bĩtũ! Nʼobuli rĩso nʼasyamulangira, nʼabamutsimita nibya. Nʼebihanda byosĩ bya muna-kihugo byasyamulirira. Inga, bibye bitya! Amina.

Eribisurirwa 2:10

Sigubahe ebĩkandĩsyakwagalya. Lebaya! Satanĩ ikasonda erigusa abandi bʼũkwʼĩnywe bʼomo mũlĩkĩ, mulengaweko, kandi mwasyagalwa ebiro ĩkũmĩ. Ubye nʼobutalegula erĩhĩka oko luholo, nage nasyakuha embĩta yʼengebe.

Eribisurirwa 3:10

Kusangwa wabĩrĩteya ekĩnywa kyʼeriyitsingirira lyage, nage nasyakũteya oko ndambĩ yʼerirengwako, kandi nasyakũteya nibya oko ndambĩ eyikandisyasa oko kihugo kyosĩ, erirenga bandu bosĩ abĩkere omo kihugo.

Eribisurirwa 3:18

Neryo ngakuhana unguleko esyamagetsi, esyabĩrĩlabĩbwa omo muliro, iwatoka eribya muteke. Ugule nibya esyongimba nyeru-nyeru, iwatoka eriambalasyo, nʼesĩsonĩ syʼendũmbũ yawe isitaminyikala. Kandi Ugule amagũta wʼameso awʼerĩsĩgĩsa omo meso wawe, iwatoka erilangira.

1 Samwelĩ 2:30

Neryo Omwami Mukulu, Nyamuhanga wa Ĩsraelĩ ati, Kwenene monabũga nyiti ekĩtũnga kyawe, nʼekĩtũnga kya tata wawe, kyasyalendera embere syage emigulu yosĩ; nĩkwa lino Omwami Mukulu ati, Kinyihigukaleko. Kusangwa abakanyĩsĩkaya nasyasĩkyabo, nʼabakanyipona sĩbendĩsyasĩmwa ndeke.