1 Petero 1:4 - AMASAKO ABOYTRTRE WA NYAMUHANGA AWAKAHULAWA MO BIBLIA

⁴ Neryo tukalindirira eribana emĩyĩsa mibuya eyo Nyamuhanga akabikira abandu buwe. Abiribabikira emĩyĩsa eyo elubula, aho itehonda kutse eritsanda kutse erikeha.

Nouveau Testament et Psaumes en Ndandi Version 1962

⁴ kandi busana nomwandu owatehonda, owate kwesyonye, owate keha, ogo mubikirwe omo lubula,

1 Petero 1:4 Iomraidhean Croise

Esyonyimbo 31:19

Obubuya bwawe ni bunene, Obukabikira abakakukenga! Obubuya bwawe ni bunene obo ukakola embere syʼabandu, Igukalembera abakayiketera we!

Esyonyimbo 47:4

Iye mwayisoga ebitaka aho twangĩkala, Obũsokĩ bwʼabandu buwe abo anzĩre.

Ĩsaya 66:22

Kusangwa Omwami Mukulu ati, Ngoko lubula luhya-luhya nʼekihugo kihya-kihya, ebyo nasyahangika byasyakota ndeke embere syage, litya abana benyũ nʼerĩna lyenyũ ko byasyakota bitya.

Ezekĩelĩ 47:12

Nʼahakũhĩ nʼolũsĩ oko mukyingyi walo oko luhande olũ nʼoko luhande lulya, hasyalasa obuli muti busana nʼakalyo. Ebikoma byayo sibyendisyuma, kutse ebĩgũma byayo sibyendisyabula. Yasyahetya ebĩgũma obuli mukera, kusangwa amagetsi waho akasenda akahuluka ahabũyĩrĩre. Nʼebĩgũma byayo byasyabya busana nʼakalyo nʼebikoma byayo byasyabya busana nʼerĩlamya.

Matayo 25:34

Neryo Omwami asyabwira abandu abali oko byala biwe byʼamali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okwʼihangika lyʼekihugo.

Mariko 10:17

Neryo omugulu Yesu atsũka olugendo luwe, omundu mwatibita aho ali, mwakũkama embere siwe, mwamũbũlya ati, Mũkangĩrĩrya mubuya, nyikolekĩ eribana engebe yʼerikota kwehĩ?

Emibiri 20:32

Neryo lino ngabahĩra omo byala bya Nyamuhanga, nʼomo kĩnywa kyʼolukogo luwe. Iye atoke erĩbahĩmba, nʼeribaha omũyĩsa ogo akabikira abandu buwe bosĩ, abo abirihigula.

Emibiri 26:18

Ũkandisyalĩbũla ameso wabo, ibatoka eribinduka erĩlũa omo mwĩrĩmya nʼeribindukira ekyakakala, nʼeribinduka erĩlũa oko butabale bwʼeSatanĩ nʼeribindukira Nyamuhanga. Neryo busana nʼerĩnyĩkĩrĩrya babane eribuyirwa lyʼebibi, kandi babane omwanya omo katĩkatĩ kʼabandu abo Nyamuhanga abiriyisoga, nʼabo abirihigula.

AbanyaRoma 8:17

Twamabya tuli bana, tuli balĩ bʼomwandu nʼebindu ebyo Nyamuhanga akatubikira omo bwami buwe. Kandi twasyasangira omwandu haguma na Kristo; kusangwa twamagalwa haguma na Kristo, twasyasangira olukengerwa luwe.

1 AbanyaKorinto 9:25

Neryo obuli mundu oyukakwama amatangwa, akayĩtegaya kutsibu omo myatsi yosĩ. Bakakola batya bati babane embĩta yʼebiti ebikalagala, nĩkwa ĩtwe tũkayĩtegaya busana nʼembĩta eyitelagala na kera.

AbanyaGalatia 3:18

Nyamuhanga amabya akatuha ebyo atulaga busana nʼerikola Emĩgambo, sialituhabyo busana nʼerilaga liwe; kusangwa Nyamuhanga mwahabyo uku Abrahamũ kusangwa mwamulagabyo.

AbanyaEfeso 1:11

Kusangwa Nyamuhanga akakola emyatsi yosĩ ngʼerisonda liwe, ngoko ategekanaya. Kandi Nyamuhanga ayisoga twe eribya bandu buwe omwisi wa Kristo ngoko ayĩsũnza kera-kera.

AbanyaEfeso 1:14

Omũlĩmũ Abũyĩrĩre ni mutsimbo wʼebyo Nyamuhanga abirilaga abandu buwe, erĩhĩka aho Nyamuhanga asyatongolerya ebyosĩ biwe. Tupipe olukengerwa luwe!

AbanyaEfeso 1:18

Ngasaba nyiti, obũlengekanĩa bwenyũ bubane erilangira ekyakakala kiwe, imwatoka eriminya amaha ago muwite, kusangwa abiribabirikira, kandi muminye omũyĩsa mubuya Nyamuhanga akalaga abandu buwe.

AbanyaKolosai 1:12

Mutseme nʼeriha ewasĩngya uku Tata, oyo waleka imwatoka erisangira ebyo Nyamuhanga abirilaga abandu buwe omo bwami bwʼekyakakala.

AbanyaKolosai 1:5

Omugulu ebĩnywa byʼekwenene byʼEngulu Yowene byabahĩkako erĩmbere, mobyabaletera amaha. Neryo erĩkĩrĩrya lyenyũ nʼolwanzo lwenyũ bikahangana oko maha wʼerilama awabĩkĩre busana nenyũ elubula.

AbanyaKolosai 3:24

Ĩmũnasĩ ngoko Mukama asyabahemba. Mwasyangirira ebyo abĩkĩre busana nʼabandu buwe. Kusangwa Omukama Kristo, yo mukakolera.

2 Timoteo 4:8

Kandi nabiribikirwa embĩta yʼeritunganene eyo Mukama, Omũtswerĩ oyutunganene, asyamba oko Kiro ekyo. Kandi si busana nage ĩngyowene, nĩkwa asyahayo oko bosĩ abanzĩre eributuka liwe.

AbaEbrania 10:34

Kandi momwasangira amalĩge wʼabandu bʼomũlĩkĩ, kandi ĩmũkalĩga nʼobutseme erisagulwa ebindu byenyũ. Kusangwa mwabya ĩmũnasĩ ko munawite ebindu bibuya kwʼaho ebikandisyabyaho kera na kera.

AbaEbrania 9:15

Busana nʼomwatsi oyũ, Yesu nĩ mũsanganĩa wʼendagane nyihya-nyihya. Kusangwa oluholo lwʼomundu lwabĩrĩtongolya abandu abahalaya omo ndagane yʼerĩmbere. Neryo lino ababiribirikirwa na Nyamuhanga bakatoka eribana omũyĩsa Wʼerikota ogo Nyamuhanga alaga.

Yakobo 1:11

Kusangwa eryuba likahuluka haguma nʼerihunga, bĩkahĩsaya ebiti ebyo, nʼomusanga wabyo akatogonga, nʼobubuya bwabyo bukamera. Nʼomundu wʼebindu kwʼasyahwerekerera atya omugulu akakola emĩbĩrĩ yiwe.

1 Petero 3:9

Sĩmũtũhũlaye ekibi busana nʼekibi, kutse eritsuma busana nʼeritsuma, nĩkwa kumbe mutsumulebo. Kusangwa Nyamuhanga mwababirikira busana nʼomwatsi oyũ, imwabana eritsumula eryo alaga.

1 Petero 5:4

Neryo mugulu Omũlĩsya mukulu asyamĩnyĩkalĩbwa, mwasyabana embĩta yʼolukengerwa olutekula.

Eribisurirwa 21:27

Kandi sihali ekĩtĩsĩrĩre, kutse omundu oyukakola esyonye, kutse oyukabiha. Nĩkwa ba nʼabandu amena wabo awasakĩre omo kitabu kyʼengebe kyʼEkyana kyʼEmbũlĩ, basyingira omo mũyĩ oyo.