1 Petero 1:3 - AMASAKO ABOYTRTRE WA NYAMUHANGA AWAKAHULAWA MO BIBLIA

³ Tupipe Nyamuhanga ye Tata wʼOmukama wetu Yesu Kristo! Busana nʼeriganyira liwe lĩnene, abiriswatubuta kandi nʼerituha engebe eyiri nʼamaha busana nʼerĩlũbũka lya Yesu Kristo oko baholĩ.

Nouveau Testament et Psaumes en Ndandi Version 1962

³ Omuyisa abye okoMungu na Tata woMukama wetu Yesu Kristo! Busana neriganyira riwe rinene twabiributwa buhya buhya omo maha weribyaho busana nerilubuka ryaYesu Kristo oko baholi,

1 Petero 1:3 Iomraidhean Croise

1 Abami 8:15

Neryo mwabũga ati, Omũyĩsa abye oko Mwami Mukulu Nyamuhanga wʼeĨsraelĩ, oyo wabũga omo buno buwe na tata wage Dawĩdĩ, nʼakandi abĩrĩberereryabyo omo byala biwe ati,

1 Emyatsi yʼEmigulu 29:20

Neryo Dawĩdĩ mwabwira endeko yosĩ ati, Lino mupipe Omwami Mukulu Nyamuhanga wenyũ. Nʼendeko yosĩ moyapipa Omwami Mukulu, Nyamuhanga wʼabotata wabo, mobũnamya emitwe yabo, mobasĩkya Omwami Mukulu, nʼomwami.

2 Emyatsi yʼEmigulu 31:8

Nʼomugulu Hezekĩa nʼabatabalĩ basa bakalebya ebilundo ebyo, mobapipa Omwami Mukulu nʼabandu buwe Abaĩsraelĩ.

Esyonyimbo 41:13

Tupipe Omwami Mukulu, Nyamu­hanga wa Ĩsraelĩ, Tumupipe lino, nʼerĩhĩka kera na kera! Amina! Amina!

Esyonyimbo 86:15

Nĩkwa uwe Mukama, uli Nyamuhanga wʼeriganyira, nʼowʼolwanzo. Sulihitana lũba, uli wʼobwenge ebiro byosĩ, Suliregula.

Esyonyimbo 86:5

Uwe Mukama, uli mubuya, kandi ukabwira, Woswĩre mwʼolwanzo olutyusa busana nʼabosĩ abakakulakira.

Erĩlũayo 34:6

Neryo Omwami Mukulu mwalaba embere siwe, mwatũlago, ati, Omwami Mukulu, Omwami Mukulu Nyamuhanga oyo woswĩre nʼeriganyira nʼowʼolukogo, sĩangũhĩre, okwʼihitana, oyo woswĩre nʼobwenge bwʼolwanzo nʼomwatsi wʼekwenene;

Ĩsaya 26:19

Abaholĩ benyũ basyabyaho. Ebĩnda byabo byasyalũbũka. Mubuke, mugoromoke ĩnywe mugotsere omo lũtũtũ, kusangwa ekimi kyawe kiri ngʼekimi kyʼomwĩtsange, nʼekitaka kyasyahũlũkya emĩrĩmũ eyabirigenda.

Yona 4:2

Neryo mwasaba Omwami Mukulu, ati, Ngakusaba uwe Mwami Mukulu, ekĩ si kyo nabũga, omugulu nabya inyikine omo kihugo kyʼewetu? Neryo, busana nʼeritindakola ekĩ monatibita eTarsisi, kusangwa nabya nyasĩ kʼuli Nyamuhanga. Owʼeriganyira, ko goswĩre nʼolukogo, isulihitana lũba, iguli wʼerisasira lingi, igukayisubako busana nʼobũhasya.

Yoane 1:13

Nĩkwa mobatabutwa mo bana ba Nyamuhanga omo nzira yʼomubiri, kutse omwʼisonda lyʼomubiri, kutse omwʼisonda lyʼabandu, nĩkwa Nyamuhanga yo wabutabo.

AbanyaRoma 12:12

Mutseme omo maha, mũyĩyĩnaye omo malĩge, eriyitsingirira omwʼisaba,

AbanyaRoma 15:13

Nĩkwa Nyamuhanga, oyukaleta maha, abosũlaye nʼobutseme bosĩ nʼobuholo bosĩ busana nʼerĩmwĩkĩrĩrya, amaha wenyũ akanyirire kutsibu omo bũtokĩ bwʼOmũlĩmũ Abũyĩrĩre.

AbanyaRoma 4:25

Yesu mwatwalwa oko luholo busana nʼamalolo wetu, neryo mwalũbũkĩbwa erituyira mo batunganene.

AbanyaRoma 5:10

Nĩkwa twabya nzĩgũ sya Nyamuhanga, neryo mwatũsanganĩa omo luholo lwa Mugala wuwe; nĩkwa kwilaba aho, kusangwa twabĩrĩsanganĩbwa, twasyalamĩbwa omo ngebe ya Kristo!

AbanyaRoma 8:11

Omũlĩmũ wa Nyamuhanga oyo walũbũkaya Yesu oko baholĩ, amabya ĩkere omwisi wenyũ, neryo oyo walũbũkaya Yesu oko baholĩ asyaha engebe oko mibiri yenyũ eyikahola, busana nʼOmũlĩmũ wuwe oyo wĩkere omwisi wenyũ.

AbanyaRoma 8:24

Kusangwa twalamĩbawa omo maha, nĩkwa omundu siali nʼamaha busana nʼekyo abirilangira, kusangwa amalangira kindu, siangaswakwa amaha wakyo.

1 AbanyaKorinto 13:13

Neryo lino emyatsi ĩsatu ineho, erĩkĩrĩrya, nʼamaha, nʼolwanzo; nĩkwa olwanzo lũlengĩre eyindi myatsi eyĩ.

1 AbanyaKorinto 15:20

Nĩkwa kwenene Kristo abĩrĩlũbũkĩbwa oko baholĩ, kandi amabya owʼerĩmbere erĩlũbũka omo katĩkatĩ kʼabandu bahola.

2 AbanyaKorinto 1:3

Nyamuhanga apipawe, ye Tata wʼOmukama wetu Yesu Kristo, ye Tata wʼeriganyira, na Nyamuhanga wʼerĩkĩranĩa lyosĩ.

AbanyaGalatia 6:16

Neryo abosĩ abakasondolĩbawa nʼenzumwa eyĩ, Obuholo nʼeriganyira bibye kubo, nʼukwʼabo bali kwenene abandu ba Nyamuhanga.

AbanyaEfeso 1:17

Kandi ngasaba Nyamuhanga wʼOmukama wetu Yesu Kristo, iye Tata oyuwite olukengerwa, abahe omo Mũlĩmũ Abũyĩrĩre, amenge, nʼerĩbĩsũlĩra, imwatoka erimuminya ndeke-ndeke.

AbanyaEfeso 1:3

Tupipe Nyamuhanga Tata wʼOmukama wetu Yesu Kristo! Busana nʼerimatikana na Kristo Nyamuhanga abirituha omũyĩsa munene. Abirituha obuli mũyĩsa wʼekĩrĩmũ owakalũa omo myanya yʼelubula.

AbanyaEfeso 1:7

Kusangwa twabĩrĩtongolĩbwa omo musasi wa Kristo, kandi abiritubuyira amalolo wetu. Kwenene olukogo lwa Nyamuhanga ni lunene,

AbanyaEfeso 2:4

Nĩkwa Nyamuhanga awite eriganyira ĩnene, nʼolwanzo luwe busana netu ni lunene.

AbanyaEfeso 3:20

Olukengerwa lubye ukwʼiye oyuwite obũtokĩ bwʼerikola ebyosĩ ebyo tũkabũlaya kutse ebyo tũkalengekanaya, ngʼobũtokĩ obukakola omwisi wetu.

AbanyaKolosai 1:23

Nĩkwa litolere imwakwama butsira eriregula omwʼĩkĩrĩrya, ĩmũnasĩkĩre ndeke. Sĩmũtũndawe mukaleka amaha wʼEngulu Yowene eyo mowa. Ĩngye Paũlo nabiribya mugombe wʼEngulu Yowene eyĩ, eyĩkakangĩrĩrĩbawa oko bandu bosĩ muna-kihugo.

AbanyaKolosai 1:27

Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga.

1 AbanyaTesalonika 1:3

Tukibuka embere sya Nyamuhanga Tata wetu, ngoko mukakola omwʼĩkĩrĩrya nʼomo lwanzo; kandi ngoko mũsĩkĩre omo maha wenyũ busana nʼOmukama wetu Yesu Kristo.

1 AbanyaTesalonika 4:13

Balĩkyetu, twanzĩre imwaminya ndeke omwatsi wʼabandu ababirihola, mũkasyakwa obũlĩge ngʼabandi bandu abatawite maha.

2 AbanyaTesalonika 2:16

Neryo Omukama wetu ye Yesu Kristo, na Nyamuhanga Tata wetu, oyo watwanza, nʼerituha busana nʼolukogo luwe erĩsĩbĩkya lyʼerikota nʼamaha mabuya,

1 Timoteo 1:14

Neryo Omukama mwanyĩkangya olukogo lunene kutsibu, kandi mwamba erĩkĩrĩrya, nʼolwanzo, ebikabanĩka ukwʼabo bakamatikana na Kristo Yesu.

Tito 2:13

itukalindirira nʼamaha gʼomũyĩsa ekiro kyʼobutseme, kandi tukalindirira erihuluka lyʼolukengerwa lwa Nyamuhanga wetu mukulu, nʼomũlamya wetu, Yesu Kristo.

AbaEbrania 3:6

Nĩkwa Kristo abya butsira eriregula ngʼomugala oyũkategaya enyũmba ya Nyamuhanga. Netu tuli enyũmba eyo, twamahanda omutima, kandi tukayiketera nʼeriyihalamba omo maha wetu.

Yakobo 1:18

Kusangwa mwayisoga eritubuta omo kĩnywa kyʼekwenene itwatoka eribya bʼerĩmbere umwʼebyo ahangika.

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.

1 Petero 1:21

Neryo busana na Kristo mwabĩrĩkĩrĩrya Nyamuhanga oyo wamũlũbũkaya oko baholĩ nʼerimuha olukengerwa. Neryo erĩkĩrĩrya lyenyũ nʼamaha wenyũ ibyabya uku Nyamuhanga.

1 Petero 1:23

Kusangwa mwabiributwa buhya-buhya, butsira omo mbuto eyikahonda, nĩkwa omo mbuto eyitehonda, kye kĩnywa kya Nyamuhanga, ekiri mwʼengebe, kandi ekikakota.

1 Petero 2:2

Mubye ngʼesyomekeke, imukasonda kutsibu amasabũ agowene busana nʼomutima, imwatoka eriusuka busana nʼerilama.

1 Petero 3:15

Nĩkwa omo mitima yenyũ mukenge Kristo ngʼomukama wenyũ. Ĩmũnasĩkĩre endambĩ yosĩ erĩsũbĩrya obuli mundu oyũkababũlaya busana nʼamaha ago muli nago.

1 Petero 3:21

Omwatsi oyo nĩ kĩsosekanĩo kyʼolũbatĩso busana nʼerilama lyenyũ. Erĩbatĩsya sĩ ʼlũsya lyʼemĩtĩndũ yʼomubiri, nĩkwa ni ʼlaga Nyamuhanga omo bunya-mutima bowene, erĩlamĩbwa busana nʼerĩlũbũka lya Yesu Kristo.

1 Petero 3:5

Kusangwa litya kera abakalĩ babũyĩrĩre, abahĩra amaha uku Nyamuhanga, babya bakayĩsũga, nʼerĩowa abĩba wabo.

1 Yoane 2:29

Mwamabya mũnasĩ Kristo kwʼatunganene, muminye kwʼabosĩ abakakola ebitunganene, babiribya bana ba Nyamuhanga.

1 Yoane 3:3

Nʼobuli mundu oyuli nʼamaha aya uku Kristo, akayihigula oko bibi, ngoko Kristo abũyĩrĩre.

1 Yoane 3:9

Obuli mundu Oyukabutawa na Nyamuhanga sialikola ebibi, kusangwa awite obu Nyamuhanga omwisi wuwe; neryo sialitoka erikola ebibi, kusangwa Nyamuhanga ni Tata wuwe.

1 Yoane 4:7

Abanze betu, twanzane, kusangwa olwanzo lũkalũa uku Nyamuhanga. Obuli mundu Oyukanza, Nyamuhanga abirimubuta, kandi asĩ Nyamuhanga.

1 Yoane 5:1

Oyũkĩkĩrĩraya Yesu kwʼali Kristo, Nyamuhanga abirimubuta, nʼoyo wanzĩre ĩse anzĩre nʼomwana wuwe.

1 Yoane 5:18

Tũnasĩ omundu oyo Nyamuhanga akabuta, sialikwamirira ebibi. Kusangwa Omugala wa Nyamuhanga akamũtegaya ndeke, nʼomubi Oyũ sĩalimũtũlako.

1 Yoane 5:4

Kusangwa oyũbũtĩrwe na Nyamuhanga akakĩnda ekihugo. Neryo erĩkĩrĩrya lyetu lyo lyabĩrĩkĩnda ekihugo.