1 Petero 1:21 - AMASAKO ABOYTRTRE WA NYAMUHANGA AWAKAHULAWA MO BIBLIA

²¹ Neryo busana na Kristo mwabĩrĩkĩrĩrya Nyamuhanga oyo wamũlũbũkaya oko baholĩ nʼerimuha olukengerwa. Neryo erĩkĩrĩrya lyenyũ nʼamaha wenyũ ibyabya uku Nyamuhanga.

Nouveau Testament et Psaumes en Ndandi Version 1962

²¹ Busana naye muri abikirirye oko Mungu, oyu wamulubukaya oko baholi nerimuha olukengerwa, kikaleka erikirirya ryenyu namaha wenyu ibyabya oko Mungu.

1 Petero 1:21 Iomraidhean Croise

Esyonyimbo 42:5

Nyĩkwĩre obũlĩge busana nakĩ kwehĩ? Busana nakĩ ngaganga-ganga kwehĩ? Ngandĩhĩra uku Nyamuhanga kwʼamaha, kandi ngandimupipa, Iye Omũlamya wage na Nyamuhanga wage.

Yeremĩa 17:7

Obutseme buli oko mundu oyukayiketera Omwami Mukulu, kandi Omwami Mukulu ni ʼyiketera liwe.

Matayo 28:18

Neryo Yesu mwasa mwabũga nabo ati, Ehamũlĩ yosĩ nabirihabwayo omo lubula nʼomo kihugo.

Yoane 12:44

Neryo Yesu mwabũga nʼomulenge munene ati, Oyũkanyĩkĩrĩraya, sĩalĩnyĩkĩrĩraya ĩngyowene, nĩkwa akĩkĩrĩraya oyo wanyituma.

Yoane 14:1

Sĩmũhanga-hangaye emitima yenyũ; mwĩkĩrĩraye Nyamuhanga, nage mũnyĩkĩrĩraye.

Yoane 14:6

Yesu mwamubwira ati, Ĩngye indi nzira, ĩngye indi mwatsi wʼekwenene, ĩngye indi ngebe; sihali mundu ũkahĩka uku Tata ate kwĩngye.

Yoane 17:1

Neryo Yesu mwabũga emyatsi, neryo mwalalamira elubula ati, Tata endambĩ yabĩrĩhĩka; uhe Omugala wawe olukengerwa, Omugala atoke erikuha olukengerwa.

Yoane 17:24

Tata, ngasonda nyiti, abo wabirimba babye haguma nage, balangire olukengerwa lwage olo wabirimba; kusangwa wanyanza ekihugo isikiri kyahangikwa.

Yoane 17:5

Na lino, Tata, ũnyĩsĩkaye embere syawe, kandi omo lukengerwa olo nabya nalo haguma nawe ekihugo kite kyahangikwa,

Yoane 3:34

Kusangwa oyo Nyamuhanga abirituma akabũga ebĩnywa bya Nyamuhanga, kusangwa Nyamuhanga sialirengera mundu yʼOmũlĩmũ wuwe.

Emibiri 2:24

Nĩkwa Nyamuhanga mwamũlũbũkya, ĩnĩamabĩlũsya amagalĩ wʼoluholo, kusangwa oluholo silwangatoka erimuboha omo maka walo.

Emibiri 3:13

Nyamuhanga wa Abrahamũ, na Ĩsaka, na Yakobo, Nyamuhanga wʼabotata wetu, abiriha olukengerwa oko Mugombe wuwe Yesu. Nĩkwa ĩnywe momwamuhotera oko batabalĩ, kandi momwamugana embere sya Pilato omugulu asonda erimubohola.

Emibiri 3:15

Kandi momwĩta Omwenye engebe, oyo Nyamuhanga alũbũkaya oko baholĩ. Netu tuli balangĩrĩ bʼebyo.

Emibiri 4:10

ĩnywe bosĩ muminye, nʼabandu bosĩ ba Ĩsraelĩ baminye, tuti omundu oyũ imene hano emuliro wenyũ iniabirilama ndeke busana nʼerĩna lya Yesu Kristo wʼeNazaretĩ, oyo mwabamba oko musalaba, nĩkwa Nyamuhanga mwamũlũbũkya oko baholĩ.

AbanyaRoma 10:9

Kusangwa wamakangya omo buno ko Yesu ni Mukama, kandi Wamĩkĩrĩrya omo mutima wawe ko Nyamuhanga amũlũbũkaya oko baholĩ, ĩwalamĩbwa.

AbanyaRoma 4:24

Nĩkwa mobyasakwa busana netu nibya. Ĩtwe twasyaganzwa mo batunganene ĩtũkĩkĩrĩraya ukwʼoyo walũbũkaya Omukama wetu Yesu oko baholĩ.

2 AbanyaKorinto 6:15

Kandi Kristo anganasangana nʼeSatanĩ kwehĩ? Kutse oyo Wĩkĩrĩrye anganasangira haguma nʼoyũtĩkĩrĩrye kwehĩ?

AbanyaEfeso 1:15

Busana nʼomwatsi oyũ, erĩtsũka ekiro nowa ngoko mwĩkĩrĩraya Omukama Yesu, kandi ngoko mwanzĩre abandu bosĩ ba Nyamuhanga.

AbanyaKolosai 1:27

Nyamuhanga mwanza erĩkũmbũla oko bandu buwe erĩkũmbo libuya erĩ eryo awite busana nʼebihanda byosĩ. Erĩkũmbo eryo ni Kristo omwisi wenyũ; erĩ ni maha wʼolukengerwa lwa Nyamuhanga.

1 Timoteo 1:1

Ĩngye Paũlo, omukwenda wa Kristo Yesu busana nʼerihana lya Nyamuhanga Omũlamya wetu, nʼerya Kristo Yesu, oyuli maha wetu.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

AbaEbrania 2:9

Nĩkwa tukalangira Yesu, oyo wayirawa mo muke oko bamalaĩka busana nʼakatambĩ kake, iniatoka omo lukogo lwa Nyamuhanga erihola busana nʼabandu bosĩ. Neryo Yesu busana nʼeriagalwa liwe lyʼoluholo, abiribana olukengerwa nʼerĩsĩkya lyʼOmwami.

AbaEbrania 6:1

Neryo tugende embere omo myatsi eyĩhĩkene, tũsĩganaye erĩkangĩrĩrya lyʼerĩtsũka lyʼengulu ya Kristo. Situsibe omo myatsi eyĩ yʼekibanza: eribinduka nʼerireka ebibi byʼemĩbĩrĩ yʼobusa, nʼerĩkĩrĩrya uku Nyamuhanga,

AbaEbrania 7:25

Busana nʼekyo akatoka erĩlamya lino nʼebiro byosĩ abakahĩka uku Nyamuhanga busana naye. Kandi akakota busana nʼerisabirabo.

1 Petero 1:11

Kandi mobalenga eriminya ngʼOmũlĩmũ wa Kristo, omwisi wabo, abya akahula emyatsi yahi kutse mugulu wahi. Kusangwa Omũlĩmũ abya akaminyerera amalĩge wa Kristo, nʼolukengerwa olwasyakwama amalĩge ayo.

1 Petero 1:3

Tupipe Nyamuhanga ye Tata wʼOmukama wetu Yesu Kristo! Busana nʼeriganyira liwe lĩnene, abiriswatubuta kandi nʼerituha engebe eyiri nʼamaha busana nʼerĩlũbũka lya Yesu Kristo oko baholĩ.

1 Petero 3:22

Yesu Kristo abiriya elubula, kandi ali oko byala byʼamali bya Nyamuhanga; iniabiritabala oko bamalaĩka, nʼabʼehamũlĩ bʼelubula nʼabʼamaka.