1 Petero 1:20 - AMASAKO ABOYTRTRE WA NYAMUHANGA AWAKAHULAWA MO BIBLIA

²⁰ Kusangwa Nyamuhanga ayisoga Kristo ekihugo kite kyahangikwa. Nĩkwa abirihuluka omo biro ebĩ byʼenyũma-nyũma busana nenyũ.

Nouveau Testament et Psaumes en Ndandi Version 1962

²⁰ Oyo waminyawa embere wekibanza kye kihugo nikwa aminyikalibawa oko enduli yemigulu busana nenyu.

1 Petero 1:20 Iomraidhean Croise

Enzũko 3:15

Kandi nasyahĩra obũyĩgũ omo katĩkatĩ kawe nʼomũkalĩ, nʼomo katĩkatĩ kʼekihanda kyawe nʼekihanda kiwe. Iye asyabanda omutwe wawe, nawe wasyabanda akasĩnzĩro kuwe.

Emĩsyo 8:23

Nahĩrawa erĩtsũka kera erĩlũa oko nzũko, Ekihugo kite kyabya.

Mĩka 5:2

Nĩkwa uwe Betelehemũ-Efurata, oyuli muke eribya omo katĩkatĩ kʼamaelfu wʼeYũda, umʼuwe mwasyahuluka omuguma busana nage oyo wasyabya mũtabalĩ omo Ĩsraelĩ, erihuluka liwe litula kera oko migulu ya kera na kera.

Matayo 25:34

Neryo Omwami asyabwira abandu abali oko byala biwe byʼamali ati, Mwase, ĩnywe Tata wage abiritsumula, mwĩmaye obwami obwakokotĩbawa busana nenyũ okwʼihangika lyʼekihugo.

Emibiri 2:23

Nyamuhanga abya asĩ, kandi mwategekanĩa ati, Yesu ahĩrawe omo byala byenyũ, kandi ĩnywe momwamwĩta, imukaleka abandu babi ibamukongomerera oko musalaba.

AbanyaRoma 3:25

Kusangwa Nyamuhanga mwatuma Yesu Kristo erĩũta omusasi wuwe eribya mbanulo busana nʼabandu abakĩkĩrĩraya. Nyamuhanga mwamutuma busana nʼerĩkangya ngoko akatũngananaya abandu. Kusangwa Nyamuhanga mwalindirira, mwakĩrũkya ameso oko bibi ebyakolawa kera;

AbanyaRoma 8:29

Kusangwa abo ayisoga erĩmbere, mwasombolabo kera basose Mugala wuwe, neryo Omugala iniatoka eribya akambere omo bagala babo bangi.

AbanyaGalatia 4:4

Nĩkwa omugulu amabiberera, Nyamuhanga mwatuma Omugala wuwe. Omugala oyo mwabutwa nʼomũkalĩ kandi mwabutwa omo mitsye yʼEmigambo yʼAbayũda,

AbanyaEfeso 1:10

Nyamuhanga abĩrĩyĩsũnza erĩhĩndanĩa umu Kristo ebyosĩ ahangika, ebiri omo lubula nʼebiri omo kihugo.

AbanyaEfeso 1:4

Nyamuhanga mwayisoga twe eribya buwe, erimatikana na Kristo embere wʼerihangikwa lyʼekihugo, ati tubye ababũyĩrĩre butsira bulema embere wuwe. Nyamuhanga, busana nʼolwanzo luwe,

AbanyaEfeso 3:11

Nyamuhanga mwakola ebĩ ngoko ayĩsũnza kera na kera, neryo lino abĩrĩberereryabyo omwisi wa Kristo Yesu Omukama wetu.

AbanyaEfeso 3:9

Kandi mwamba omũbĩrĩ wʼerĩmĩnyĩsya abandu bosĩ ngoko Nyamuhanga akatondekanaya omwatsi wʼerĩkũmbo erĩ. Nyamuhanga oyo wahangika ebindu byosĩ, mwabĩsa omwatsi oyo gʼoko migulu yosĩ yalaba,

AbanyaKolosai 1:26

na kyo nĩ kũmbo eryabĩsawa oko bandu oko migulu yosĩ eyalaba. Nĩkwa lino abĩrĩbĩsũlalyo oko bandu buwe.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

AbaEbrania 1:2

Nĩkwa omo biro ebĩ byʼenyũma-nyũma abĩrĩbũga netu busana nʼomugala wuwe. Nĩkwa Nyamuhanga mwahangika omo byala byʼomugala wuwe ekihugo nʼebyosĩ ebiri omo kyanya. Kandi Nyamuhanga abĩrĩhĩra Omugala wuwe eribya Omwenye myatsi yosĩ.

AbaEbrania 2:14

Neryo kusangwa abana ni bandu bʼomubiri nʼomusasi, Yesu ĩyowene mwĩmya omubiri nʼomusasi ngʼabo. Mwakola atya iniatoka omo luholo luwe erĩherya Satanĩ oyo wabya nʼobũtokĩ bwʼoluholo.

AbaEbrania 9:26

Kumbe Kristo ngʼabiriagalwa ngendo nyingi erĩtsũka ekiro ekihugo kyahangikawa nʼerĩhĩka lino. Nĩkwa lino oko ndũlĩ yʼemigulu, abiriminyikala ngendo nguma eriyiha busana nʼerĩlũsya ebibi.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Yoane 1:2

Nʼengebe eyo moyaminyikala, netu twabirilola kuyo nʼeribya balangĩrĩ bayo, kandi tũkabatũlĩra engebe yʼerikota, eyabya haguma na Tata nʼerĩmĩnyĩkalĩbwa ũkwʼĩtwe.

1 Yoane 3:5

Kandi mũnasĩ ngoko Kristo kwʼaminyikala erĩlũsya ebibi byʼabandu; kandi Kristo siali kwʼekibi.

1 Yoane 3:8

Nĩkwa oyukakola ebibi ni wʼeSatanĩ, kusangwa Satanĩ atula akakola ebibi erĩtsũka erĩmbere. Omugala wa Nyamuhanga mwaminyikala busana nʼomwatsi oyũ wʼerĩherya emĩbĩrĩ yʼeSatanĩ.

Eribisurirwa 13:8

Nʼabandu bosĩ abĩkere omo kihugo basyaramyayo, obuli mundu oyuwite erĩna lĩtasakĩre embere wʼerĩtsũka lyʼekihugo, omo kitabu kyʼengebe kyʼEkyana kyʼEmbũlĩ ekyakerawa.