1 Petero 1:2 - AMASAKO ABOYTRTRE WA NYAMUHANGA AWAKAHULAWA MO BIBLIA

² Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

Nouveau Testament et Psaumes en Ndandi Version 1962

² abayisogawa nerihirwa noMungu Tata nerihigulwa neKirimu busana neriowa Yesu Kristo kandi busana nerilagarirya ryo musasi wuwe: Olukogo nobuholo bikanye kwinywe.

1 Petero 1:2 Iomraidhean Croise

Ĩsaya 55:7

Omubi aleke enzira yiwe, Nʼomundu utatunganene aleke amalengekanĩa wuwe. Asube oko Mwami Mukulu, Naye asyamuganyira; Asube ahali Nyamuhanga wetu, Kusangwa asyamubuyira ndeke.

Ĩsaya 65:22

Sĩbendĩsyahĩmba, nʼogundi akĩkala muyo. Sibendisyabiba nʼogundi akalyabyo. Kusangwa ebiro byʼabandu bage byasyabya ngʼebiro byʼomuti, nʼabayisogawa bage basyatsemera omũbĩrĩ wʼebyala byabo emigulu miri.

Ĩsaya 65:9

Nage nasyahũlũkya abana umu Yakobo, nʼomũlĩ wʼomwandu wʼebitwa byage umu Yũda. Nʼabayisogawa bage basyasĩgalyakyo, nʼabagombe bage basyĩkalaho.

Danĩelĩ 4:1

Omwami Nebũkadeneza oko bandu bosĩ, nʼebihanda byosĩ, nʼemĩbũge, abĩkere omo kihugo kyosĩ: Obuholo bwenyũ bukanyirire.

Danĩelĩ 6:25

Neryo omwami Darĩo mwasakira abandu bosĩ nʼebihanda, nʼemĩbũge abĩkere omo kihugo kyosĩ ati, Obuholo bũkanyĩbawe ũkwʼĩnywe!

Abalawĩ 1:5

Naye asyĩta enume eyo embere syʼOmwami Mukulu; nʼabagala ba Harũnĩ, abahererĩ basyaleta omusasi hakũhĩ, nʼeritsatsangago oko kiherero erĩtĩmbyago ehosĩ aho oko lũkyo lwʼeHema yʼerĩhĩndanamo.

Matayo 24:22

Nĩkwa kumbe Nyamuhanga atalĩkũhĩhaya ebiro ebyo, sihali mundu wangalamĩbwe. Nĩkwa abĩrĩkũhĩhyabyo busana nʼabayisogawa buwe.

Matayo 24:24

Kusangwa abakristo bʼamabehĩ nʼabamĩnyererĩ bʼamabehĩ basyahuluka basyakangya ebĩmĩnyĩsyo nʼebyʼeriswekera, busana nʼerĩtalya abayisogawa ba Nyamuhanga, kyamatokekana.

Matayo 24:31

Neryo Yesu asyatuma abamalaĩka buwe nʼomulenge munene wʼengubi, nabo basyahĩndanĩa abayisogawa ba Nyamuhanga erĩlũa oko bihande bini byʼekihugo, erĩtsũka oko ndũlĩ nguma yʼekyanya erĩhĩka oko yindi ndũlĩ yʼekyanya.

Mariko 13:20

Nĩkwa Omukama abirikũhĩhya ebiro ebyo; kumbe atalikola atya erĩkũhĩhya ebiro ebyo nga sihali mundu wangalamĩbwa Nĩkwa abĩrĩkũhĩhyabyo busana nʼabayisogawa buwe.

Mariko 13:22

Kusangwa Abokristo bʼamabehĩ nʼabamĩnyererĩ bʼamabehĩ basyahuluka. Basyakangya ebĩmĩnyĩsyo nʼebyʼeriswekera busana nʼerĩtalya abayisogawa ba Nyamuhanga, kyamatokekana.

Mariko 13:27

Neryo asyatuma abamalaĩka erĩhĩndanĩa abayisogawa ba Nyamuhanga erĩlũa oko mahunga ani, erĩlũa oko syondũlĩ syʼekihugo nʼerĩhĩka oko syondũlĩ syʼekyanya.

Luka 18:7

Neryo Nyamuhanga naye siendisyaha abayisogawa buwe erĩbanza kwehĩ? Abakamulakira oko musibo nʼomo kiro kwehi? Kandi asyamala erĩwatĩkyabo kwehĩ?

Emibiri 15:18

Omukama atya, oyũkamĩnyĩsaya emyatsi eyĩ erĩtsũka kera.

Emibiri 2:23

Nyamuhanga abya asĩ, kandi mwategekanĩa ati, Yesu ahĩrawe omo byala byenyũ, kandi ĩnywe momwamwĩta, imukaleka abandu babi ibamukongomerera oko musalaba.

Emibiri 20:32

Neryo lino ngabahĩra omo byala bya Nyamuhanga, nʼomo kĩnywa kyʼolukogo luwe. Iye atoke erĩbahĩmba, nʼeribaha omũyĩsa ogo akabikira abandu buwe bosĩ, abo abirihigula.

AbanyaRoma 1:5

Busana na Kristo twabirihabwa olukogo, kandi twabĩrĩhĩrwa mo bakwenda buwe, erisondola abandu bʼebihanda byosĩ erĩmwĩkĩrĩrya nʼerimukenga.

AbanyaRoma 1:7

Neryo ngabasakira ĩnywe, abʼeRoma, abo Nyamuhanga abirianza nʼeribabirikira eribya bana buwe. Nyamuhanga Tata wetu, nʼomukama Yesu Kristo, abahe olukogo nʼobuholo.

AbanyaRoma 11:2

Nyamuhanga sialitagana abandu buwe, abo abiriyisoga kera. Ũnasĩ ngoko Amasako akabũga busana na Elĩa kwehĩ? Elĩa ahandĩkĩrĩraya Abaĩsraelĩ bʼuku Nyamuhanga ati,

AbanyaRoma 11:28

Kusangwa omo mwatsi wʼEngulu Yowene Abayũda, nĩ nzĩgũ busana nenyũ, nĩkwa omwʼiyisoga lya Nyamuhanga, ni banze busana nʼabotata-kulu wabo.

AbanyaRoma 15:16

eribya mugombe wa Yesu Kristo oko Bihanda. Ngakola ngʼomũhererĩ busana nʼerĩtũla Engulu Yowene eyĩkalũa uku Nyamuhanga, Ebihanda bibye buhere obũkasĩmawa na Nyamuhanga, obo Mũlĩmũ Abũyĩrĩre abirihigula.

AbanyaRoma 16:19

Kusangwa engulu yenyũ ambu mũkowa Kristo, yabĩrĩhĩka oko bandu bosĩ; neryo ngatsema kutsibu busana nenyũ. Nĩkwa nyanzĩre mubye bʼamenge omo bibuya, kandi mubye ngʼabalere omo myatsi yʼebibi.

AbanyaRoma 16:26

kandi lyabĩrĩmĩnyĩkalĩbwa omo Masako wʼabamĩnyererĩ. Neryo busana nʼekihano kya Nyamuhanga Wʼerikota, omwatsi oyũ abĩrĩmĩnyĩsĩbwa oko bihanda byosĩ, ibatoka erĩkĩrĩrya Kristo nʼerĩmowa.

AbanyaRoma 8:13

Kusangwa mwamakwama obũlengekanĩa bwʼomubiri mwasyahola; nĩkwa omo maka wʼOmũlĩmũ mwamĩta emikolere yʼomubiri, mwasyabyaho.

AbanyaRoma 8:33

Nindi wasyahandĩkĩrĩrya abayisogawa na Nyamuhanga kwehĩ? Nyamuhanga yukahulabo mo batunganene.

1 AbanyaKorinto 1:30

Nĩkwa Nyamuhanga abĩrĩbamatĩkanĩa na Kristo Yesu. Kandi Nyamuhanga abiriyira Kristo eribya menge wetu. Busana na Kristo tukatunganana embere sya Nyamuhanga, kandi busana na Kristo tukabya bana ba Nyamuhanga, nʼeribya bwĩranda.

1 AbanyaKorinto 6:11

Neryo abandi omo katĩkatĩ kenyũ ko mwanabya mutya; nĩkwa lino ĩnywe mwabĩrĩerĩbwa kwʼebibi, kandi mwabirihigulwa, kandi mwabiriyirwa mo batunganene busana nʼerĩna lyʼomukama Yesu Kristo, nʼomo Mũlĩmũ wa Nyamuhanga wetu.

2 AbanyaKorinto 10:5

Tũkaheraya obuhaka bwʼamabehĩ, nʼobuli mwatsi wʼeriyiheka owakapona eriminya lya Nyamuhanga. Kandi tukahamba obuli bũlengekanĩa erĩhĩrabo erĩowa Kristo.

2 AbanyaKorinto 13:14

Olukogo lwʼOmukama Yesu Kristo, nʼolwanzo lwa Nyamuhanga, nʼerĩsĩbĩkya lyʼOmũlĩmũ Abũyĩrĩre, bibye nʼĩnywe bosĩ.

Eryibuka Ebihano 7:6

Kusangwa uli kihanda kĩbũyĩrĩre oko Mwami Mukulu Nyamuhanga wawe; Omwami Mukulu Nyamuhanga wawe abiriyisoga we eribya kihanda kiwe-kiwe kwilaba ebihanda byosĩ ebiri omo kihugo.

AbanyaKolosai 3:12

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

2 AbanyaTesalonika 2:13

Nĩkwa litutolere eriha Nyamuhanga yʼewasĩngya emigulu yosĩ, busana nʼĩnywe balĩkyetu, ĩnywe banze bʼOmukama. Kusangwa Nyamuhanga ayisoga nywe erĩmbere eribana erilama busana nʼOmũlĩmũ oyukabahigula, kandi kusangwa mwabĩrĩkĩrĩrya omwatsi wʼekwenene.

2 Timoteo 2:10

Kandi busana nʼomwatsi oyũ, ngayĩyĩnaya omo byosĩ busana nʼabandu abayisogawa na Nyamuhanga, nabo batoke eribana erilama lya Kristo Yesu, haguma nʼolukengerwa lwʼerikota.

Tito 1:1

Ĩngye Paũlo, omugombe wa Nyamuhanga, nʼomukwenda wa Yesu Kristo, Ĩngye nayisogawa, kandi natumawa erĩwatĩkya erĩkĩrĩrya lyʼabandu Nyamuhanga ayisoga. Kandi erĩwatĩkyabo eriminya ekyʼekwenene omo kisomo kyetu kyʼerikenga Nyamuhanga.

AbaEbrania 10:22

Tuyitwale hakũhĩ na Nyamuhanga, nʼomutima wʼekwenene, nʼerĩkĩrĩrya erĩtswayĩre ndeke, itunawite emitima yerĩre oko bunya-mutima bubi, nʼemibiri eyerĩre omo magetsi owene.

AbaEbrania 11:28

Busana nʼerĩkĩrĩrya, Musa mwahĩra Erikiruka, kandi mwategeka erĩhakabya lyʼomusasi oko syongyo, omũlaĩka wʼoluholo siasyetũla oko himbere hyabo.

AbaEbrania 12:24

Kandi mwabĩrĩhĩka uku Yesu omũsanganĩa wʼerilagana lihya-lihya, nʼoko musasi owʼerĩlagalĩrya, owakakanganaya omwatsi owene kwilaba erĩtũlago lyʼomwatsi gʼomusasi wa Abele.

AbaEbrania 5:9

Kandi abere abiyirwa mʼoyũhĩkene, mwabya nzũko yʼerilama erya kera na kera busana nʼabosĩ abakamowa.

1 Petero 1:14

Mubye bana abakowa Nyamuhanga. Simusyekwama esyongumbu esyo mwabya mukakwama erĩmbere omo butaminya bwenyũ.

1 Petero 1:19

Nĩkwa mwatongolĩbawa omo musasi wa Kristo, owʼobũgũlĩ bunene, naye abya ngʼekyana kyʼembũlĩ ekite kwʼekĩtĩngũ kutse bulema.

1 Petero 1:20

Kusangwa Nyamuhanga ayisoga Kristo ekihugo kite kyahangikwa. Nĩkwa abirihuluka omo biro ebĩ byʼenyũma-nyũma busana nenyũ.

1 Petero 1:22

Neryo kusangwa mwabĩrĩerya emitima yenyũ, busana nʼerĩowa omwatsi wʼekwenene, kandi mwabiribya nʼolwanzo olute nʼeriteba busana nʼabalĩkyetu, lino litolere imwanzana nʼemitima yenyũ yosĩ nʼomũhwa.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

2 Petero 1:2

Olukogo nʼobuholo bunene bibye nenyũ, kusangwa mwabiriminya Nyamuhanga nʼOmukama wetu Yesu.

2 Yoane 1:1

Ĩngye mukulu ngakusakira, uwe mugole mwanze nʼabana bawe, abo nyanzĩre kwenene. Butsira ĩngyowene, nĩkwa abosĩ abasĩ ekwenene, babanziĩre.

2 Yoane 1:13

Abana ba mwali wenyũ oyo wayisogawa, bakakũkeraya.

Yuda 1:2

Eriganyira, nʼobuholo, nʼolwanzo bikanye ũkwʼĩnywe.