1 Petero 1:19 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁹ Nĩkwa mwatongolĩbawa omo musasi wa Kristo, owʼobũgũlĩ bunene, naye abya ngʼekyana kyʼembũlĩ ekite kwʼekĩtĩngũ kutse bulema.

Nouveau Testament et Psaumes en Ndandi Version 1962

¹⁹ Nikwa omo musasi wenzwere nene owaKristo ngekyana kyembuli kite kokitingu kutse bulema.

1 Petero 1:19 Iomraidhean Croise

Erĩlũayo 12:5

Ekyana kyenyũ kyʼembũlĩ kyasyabya butsira bulema, embangale eyʼomwaka muguma; mwasyĩmyayo omo mbũlĩ kutse omo syombenehene;

Ĩsaya 44:22

Nabirisangula ebibi byawe ngʼekĩtũ kinene, nʼamalolo wawe ngʼobuheha bũlĩtohĩre. Unyisubeko, kusangwa nabĩrĩkũtongolya.

Ĩsaya 53:7

Mwanũbĩbwa, nʼerĩagalĩranĩbwa, nĩkwa mwatakũmbũla obuno buwe. Ngʼekyana kyʼembũlĩ ekikatwalawa okwʼikerwa, kandi ngʼembũlĩ kwʼikabya bũkũtũ embere syʼabatwĩ bʼobweya bwayo, naye mwatabũga ekĩnywa nʼekiguma.

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Abalawĩ 1:10

Kandi obuhere buwe bwamabya ini bʼomo kihangulo, omo mbũlĩ, kutse omo mbene-hene, busana nʼobuhere bwʼerĩokererya iniahera embangale eyite ko bulema.

Abalawĩ 22:20

Nĩkwa esyosĩ esiri kwʼamalema isimwaherasyo kusangwa sĩbwendĩsyalĩgwa busana nenyũ.

Zekarĩa 13:7

Uwe mũyalĩ, ũsĩsĩmũke, ulwe nʼomũlĩsya wage, ulwe nʼomundu oyuli mukulu nga ngye, Omwami Mukulu Wʼemilondo akabũga atya; mũswĩraye omũlĩsya, esyombũlĩ sipanza-panzawe; nage nasyabindula ebyala byage nʼerĩhĩrabyo oko balere.

Emiganzo 7:27

enume nguma ndere yʼende nʼembangale nguma, nʼakabangale kaguma kʼomwaka muguma, eribya buhere bwʼerĩokererya;

Emiganzo 7:39

enume nguma yʼende, nʼembangale nguma, nʼakabangale kʼomwaka muguma, eribya buhere bwʼerĩokererya;

Matayo 20:28

Kusangwa Omugala wʼomundu mwatasa erikolerwa, nĩkwa asa erikola, nʼeriha engebe yiwe mo bũgũlĩ busana nʼabandu bangi.

Matayo 26:28

Kusangwa oyũ ni musasi wage, omusasi wʼendagane, omusasi wage owakũtawa busana nʼabangi, busana nʼeribuyira ebibi.

Yoane 1:29

Neryo engyakya Yoane mwalangira Yesu akasa aho ali, neryo mwabũga ati, Lebaya, Ekyana kyʼEmbũlĩ kya Nyamuhanga oyũkalũsaya ebibi byʼekihugo!

Yoane 1:36

Neryo mwalangira Yesu akalaba, neryo mwabũga ati, Lebaya, Ekyana kyʼEmbũlĩ kya Nyamuhanga!

Emibiri 20:28

Mũyĩtegaye ĩnywebene, kandi mũtegaye ekĩhyo kyosĩ, ekyo Mũlĩmũ Abũyĩrĩre abiribayira eribya balangĩrĩ. Mubye balĩsya bʼekanĩsa ya Nyamuhanga eyo agula omo musasi wuwe ĩyowene-wene.

AbanyaRoma 3:25

Kusangwa Nyamuhanga mwatuma Yesu Kristo erĩũta omusasi wuwe eribya mbanulo busana nʼabandu abakĩkĩrĩraya. Nyamuhanga mwamutuma busana nʼerĩkangya ngoko akatũngananaya abandu. Kusangwa Nyamuhanga mwalindirira, mwakĩrũkya ameso oko bibi ebyakolawa kera;

AbanyaEfeso 1:7

Kusangwa twabĩrĩtongolĩbwa omo musasi wa Kristo, kandi abiritubuyira amalolo wetu. Kwenene olukogo lwa Nyamuhanga ni lunene,

AbanyaKolosai 1:14

Kristo abĩrĩtũtongolya nʼeritubuyira ebibi byetu.

1 Petero 1:2

Nyamuhanga Tata, mwabaminya kera nʼeriyisoga nywe. Omũlĩmũ Abũyĩrĩre iniabiribahigula, imwatoka erĩowa Yesu Kristo nʼerĩerĩbwa omo musasi wuwe. Olukogo nʼobuholo bibye nenyũ kutsibu.

1 Petero 3:18

Kusangwa Kristo mwahola busana nenyũ engendo nguma nyisa busana nʼebibi. Omundu mutunganene mwahola busana nʼabandu batatunganene, iniatoka erituleta uku Nyamuhanga. Kandi mwĩtwa oko mubiri nĩkwa mwabana engebe omo kĩrĩmũ.

1 Yoane 1:7

Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

1 Yoane 2:2

Kandi Kristo ni mbanulo busana nʼebibi byetu, kandi si busana nʼebibi byetu bisa, nĩkwa busana nʼebibi byʼekihugo kyosĩ.

Eribisurirwa 1:5

kandi bĩkalũa uku Yesu Kristo, omũtũlĩ wʼomwatsi oyuteregula, Omugala, akambere oyo walũbũkĩbawa oko luholo, omũtabalĩ, wʼabami bʼekihugo. Ukwʼoyukatwanza, kandi yo watubohola oko bibi byetu omo musasi wuwe,

Eribisurirwa 14:1

Kandi monalangira, neryo talebaya, Ekyana kyʼEmbũlĩ kyabya kyimene oko kitwa kyʼeSĩonĩ, kandi haguma naye habya bandu elfu erĩgana nʼamakũmĩ ani nʼĩnĩ (144,000), abawite erĩna lyʼEkyana kyʼEmbũlĩ, nʼerĩna lya Tata wuwe, awasakĩre oko mbũmo syabo.

Eribisurirwa 14:5

Aba sibebiha, sibali mo kahinira.

Eribisurirwa 5:6

Neryo monalangira Ekyana kyʼEmbũlĩ ekimene omo katĩkatĩ kʼekĩtũmbĩ kyʼobwami nʼerĩtĩmbwako nʼebĩhangĩkĩre bini ebiriho nʼabakulu. Ekyana kyʼEmbũlĩ ekyo kyabya nga kyabĩrĩĩtwa. Kandi kyabya kiwite amahembe alinda nʼameso alinda, awali Mĩrĩmũ irinda ya Nyamuhanga, eyatumawa omo kihugo kyosĩ.

Eribisurirwa 5:9

Nabo mobimba Olwimbo luhya-luhya bati, Uwe utolere erihamba ekitabu Nʼerĩtwa ebĩbohĩ byakyo. Kusangwa wakerawa, kandi omo musasi wawe Mowagula abandu busana na Nyamuhanga, Omo buli kihanda, nʼobuli mũbũge, nʼobuli bandu, nʼobuli kĩtũnga.

Eribisurirwa 7:14

Neryo monamubwira nyiti, Mukama wage, ũnasĩ. Neryo mwambwira ati, Aba ni bandu abakalũa omwʼendererya lĩnene, ĩbabĩrĩerya esyokanzu syabo nʼeriyirasyo mo nyeru-nyeru omo musasi wʼEkyana kyʼEmbũlĩ.