1 Petero 1:17 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁷ Omugulu mukasaba Nyamuhanga, mukamwahula mo Tata, oyukatswera obuli mundu, butsira obutaga, ngʼemĩbĩrĩ yiwe kwʼiri; mulendere nʼerikenga Nyamuhanga omugulu mukine omo kihugo kino.

Nouveau Testament et Psaumes en Ndandi Version 1962

¹⁷ Kandi mwamamubirikira nga Tata oyu katswera oburi mundu nge mibiri yiwe butsira erisombola bandu, mubuge ebiro byenyu byobubunga omu baha.

1 Petero 1:17 Iomraidhean Croise

Enzũko 47:9

Yakobo mwasũbĩrya Farao ati, Ebiro byʼemyaka yʼobubunga bwage ni myaka erĩgana nʼamakũmĩ asatu. Ebiro byʼemyaka yʼeribyaho lyage nina bike, kandi ni byʼobũlĩge, kandi sibiribyahĩka oko biro byʼemyaka yʼeribyaho lyʼabotata wage omo biro byʼobubunga bwabo.

1 Emyatsi yʼEmigulu 29:15

Kusangwa tuli babunga embere syawe, nʼabagendĩ ngoko abotata wetu bosĩ babya; ebiro byetu muna-kihugo biri ngʼekyũtsũtsũ, isihali amaha.

2 Emyatsi yʼEmigulu 19:7

Neryo lino obuba bwʼomwami Mukulu bubye nenyũ; mũyĩtegaye mukolekyo; kusangwa sihali kibi haguma nʼOmwami Mukulu Nyamuhanga wetu, kutse ebitaga, kutse erĩĩmya ekyũtũlĩro.

Yobũ 34:19

Nyamuhanga sialisombola abanya-mwami, Kutse sialianza abʼebindu kwilaba abera; Kusangwa abosĩ nĩ mũbĩrĩ wʼebyala biwe.

Esyonyimbo 39:12

Uwe Mwami Mukulu, wowe erisaba lyage, Utege okũtũ busana nʼerilaka lyage; Subye bũkũtũ omugulu ngalira! Kusangwa indi mũgenĩ eka wawe; Indi mubunga ngʼaboso-kulu wage bosĩ.

Esyonyimbo 89:26

Asyambwira ati, Uli Tata wage, Uli Nyamuhanga wage, omũhanganĩrĩ wage, nʼomũlamya wage!

Emĩsyo 14:16

Omundu wʼamenge akubaha, nʼerĩlũa oko bibi; Nĩkwa omũkĩrũ akayiheka omo pono, isiayitsomene.

Emĩsyo 28:14

Obutseme buli nʼomundu oyukubaha emigulu yosĩ; Nĩkwa oyũkakalaya omutima wuwe asyawa omwʼihera.

Yeremĩa 3:19

Nĩkwa ĩngye monabũga nyiti, Nangatoka erĩkũhĩra nyiti omo katĩkatĩ kʼabagala bage, nʼerikuha ekihugo kibuya, omwandu owenenga wʼebihanda! Nage monabũga nyiti, Mwasyanyahula mo Tata wage, kandi simwendisyaswaleka erinyikwama.

Zefania 3:9

Kusangwa oko mugulu oyo nasyaha ebihanda emĩnywa yerĩre, abosĩ batoke erilakira erĩna lyʼOmwami Mukulu, erimukolera nʼeriyisinga hagumaguma.

Matayo 16:27

Kusangwa Omugala wʼomundu asyasa nʼabamalaĩka buwe omo lukengerwa lwa Tata wuwe; nʼoko mugulu oyo asyahemba obuli mundu ngʼemĩbĩrĩ yiwe kwʼiri.

Matayo 22:16

Neryo mobatuma abiga babo haguma nʼAbanya Herode uku Yesu bati, Mũkangĩrĩrya, tũnasĩ kʼuli wʼekwenene, kandi Akakangĩrĩraya enzira ya Nyamuhanga omo kwenene, sulitsomana mundu, sulitsomana amalengekanĩa wʼabandu, kandi sulisombola ebitaga nʼebite bitaga.

Matayo 6:9

Neryo ko musabe mutya, muti, Tata wetu oyuli elubula, Erĩna lyawe ribye rĩbũyĩrĩre.

AbanyaRoma 11:20

Kwenene, nĩkwa moyatahulwa busana nʼerĩtendĩkĩrĩrya lyabo, nawe ukabyamo busana nʼerĩkĩrĩrya lyawe. Subye ukayiheka, nĩkwa ubahe.

2 AbanyaKorinto 1:2

Nyamuhanga Tata wetu nʼomukama Yesu Kristo babahe olukogo nʼobuholo.

2 AbanyaKorinto 5:6

Neryo tukahanda omutima emigulu yosĩ. Kusangwa ĩtũnasĩ omugulu tukine omo mubiri Situli eka wʼOmukama.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

2 AbanyaKorinto 7:11

Neryo talebaya ngoko Nyamuhanga mwakola omo bũlĩge bwenyũ erireka ĩmwakwa omũhwa, kandi imwayihanganira. Mwaleka imwahitana, ĩmwakwa obuba, imwabya nʼolukando busana nage, imwayitsinga, imwasuyira ebibi! Omo byosĩ mwabĩrĩyĩkangya ko mute ko musango omo mwatsi oyũ.

AbanyaGalatia 2:6

Nĩkwa abo babya ngʼabakulu, ngabũga nyitya kusangwa sinyitsomenebo, kusangwa Nyamuhanga sialiyira ebitaga; abakulu abo mobatamba mwatsi.

AbanyaEfeso 1:17

Kandi ngasaba Nyamuhanga wʼOmukama wetu Yesu Kristo, iye Tata oyuwite olukengerwa, abahe omo Mũlĩmũ Abũyĩrĩre, amenge, nʼerĩbĩsũlĩra, imwatoka erimuminya ndeke-ndeke.

AbanyaEfeso 3:14

Busana nʼekĩ ngakũkamira Tata.

AbanyaEfeso 6:9

Nenyũ abakama, mukolere abakobe benyũ bo mutya, muleke erĩũbahyabo. Nĩkwa muminye ndeke ngoko hali Mukama muguma elubula. Nĩ wenyũ, kandi ni wabo, naye syali ko butaga.

Eryibuka Ebihano 10:17

Kusangwa Omwami Mukulu Nyamuhanga wenyũ, iye ni Nyamuhanga wʼesyonyamuhanga, nʼOmwami Mukulu wʼabakama, yo mukulu, ye mbangĩ, na Nyamuhanga wʼeriswekera, oyuteyira obutaga, kutse erĩĩmya ekyũtũlĩro.

AbanyaFilipi 2:12

Neryo, abanze bage, ngoko mwabya mũkowa emigulu yosĩ omugulu nabya nenyũ, nĩkwa lino mowe kwilaba omugulu ndeho. Mũberereraye erilama lyenyũ omwʼiubaha nʼerititimana.

AbanyaKolosai 3:25

Nʼoyukakola nabi asyalihwa busana nʼebibi biwe, butsira butaga.

AbaEbrania 12:28

Neryo tubye nʼewasĩngya, kusangwa tukabana obwami obutetoka erĩsũka-sũkanĩbwa. Tukolere Nyamuhanga nʼerĩmũtsemesya, tumukenge nʼerĩmũsĩkya.

AbaEbrania 4:1

Nyamuhanga abirituha endagane yʼeriluhuka liwe. Neryo tubahe hakasyabya omuguma gʼũkwʼĩnywe oyukabula eriingira omwʼiluhuka eryo.

1 Petero 2:11

Abanze betu, ngabalemba-lemba ngʼababunga nʼabagendĩ, mugane erikwama esyongumbu syʼomubiri esikalwa nʼomutima.

1 Petero 3:15

Nĩkwa omo mitima yenyũ mukenge Kristo ngʼomukama wenyũ. Ĩmũnasĩkĩre endambĩ yosĩ erĩsũbĩrya obuli mundu oyũkababũlaya busana nʼamaha ago muli nago.