1 Petero 1:15 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁵ Nĩkwa mubye babũyĩrĩre omo migendere yenyũ, nga Nyamuhanga oyo wababirikira abũyĩrĩre.

Nouveau Testament et Psaumes en Ndandi Version 1962

¹⁵ nikwa ngoko oyo wababiri kira abuyirire; nenyu mubye babuyirire omo mibere yenyu yosi;

1 Petero 1:15 Iomraidhean Croise

Ĩsaya 35:8

Enzira nene yasyabyayo, nʼembalu, nayo yasyahulwa mo mbalu yʼerĩbũyĩrĩre; abatsandĩre sibendisyalaba muyo. Nĩkwa yasyabya busana nʼabandu abakalabaho. Abandu bakĩrũ sibendisyagalaganda muyo.

Ĩsaya 6:3

Omuguma mwabirikira ogundi ati, Abũyĩrĩre, abũyĩrĩre, abũyĩrĩre, yo Mwami Mukulu wʼemilondo. Ekihugo kyosĩ kyoswĩre nʼolukengerwa luwe.

Matayo 5:48

Neryo mubye abahĩkene, ngoko Tata wenyũ wʼelubula ahĩkene.

AbanyaRoma 9:24

Kusangwa nĩ ĩtwe abirikira, butsira omo katĩkatĩ kʼAbayũda basa, nĩkwa omo katĩkatĩ kʼEbihanda nibya.

2 AbanyaKorinto 7:1

Neryo ĩnywe banze betu, kusangwa tuwite esyondagane esĩ, tũyĩtegaye oko bĩtĩsĩrĩre byosĩ ebyʼomubiri nʼebyʼekĩrĩmũ, kandi tusonde eribya ababũyĩrĩre ndeke, nʼerirendera omo lubahwa lwa Nyamuhanga.

AbanyaFilipi 1:27

Omwatsi munene goyũ, emikolere yenyũ ibye itolere Engulu Yowene ya Kristo. Neryo, namaya eyo eribalolako, kutse ndeho, nasyowa engulu yenyũ, ngoko mũsĩkĩre omo bũlengekanĩa buguma, imunemulwa nʼomutima muguma busana nʼEngulu Yowene yʼerĩkĩrĩrya Kristo.

AbanyaFilipi 3:14

Ngayitsinga eritibita erĩhĩka oko ndũlĩ, eribana oluhembo, lye ribirikirwa lyʼendata na Nyamuhanga erimatikana na Kristo Yesu.

AbanyaFilipi 3:20

Nĩkwa ewetu ye lubula, netu tukalindirira Omũlamya erĩlũa elubula, yo Mukama Yesu Kristo.

1 AbanyaTesalonika 2:12

Motwabahana, motwabahamĩrya, motwabalemba-lemba, tuti imwalendera ngoko litolere embere sya Nyamuhanga, oyukababirikira erisangira obwami buwe nʼolukengerwa luwe.

1 Timoteo 4:12

Suleke mundu akakupona busana nʼobũlwana bwawe, nĩkwa ũyĩkangaye embere syʼabĩkĩrĩrye ngʼolulengo lubuya lwʼebĩnywa, nʼemikolere, nʼomo lwanzo, nʼomwʼĩkĩrĩrya, nʼomo mutima ate kwʼebibi.

2 Timoteo 1:9

Iye abĩrĩtũlamya nʼeritubirikira eribya bahigulwa buwe-buwe. Mwatakola atya busana nʼemikolere yetu, nĩkwa busana nʼerĩyĩsũnza liwe nʼolukogo luwe. Kandi mwatuha olukogo olũ omwisi wa Kristo Yesu embere wʼerĩtsũka lyʼemigulu.

Tito 3:14

Kandi abandu betu bige erisiba erikola emĩbĩrĩ yowene, nʼerĩwatĩkya ahali obwaga, ibabya bandu bʼendũndĩ.

Tito 3:8

Ekĩ nĩ kĩnywa kyʼekwenene. Kandi nyanzĩre ĩwabũga emyatsi eyĩ ndeke-ndeke, neryo ababĩrĩkĩrĩrya Nyamuhanga babye nʼomũhwa wʼerisiba bakakola emĩbĩrĩ yowene. Emĩbĩrĩ eyĩ ni mibuya kandi ikaleta omugaso oko bandu.

AbaEbrania 12:14

Mukwamirire nʼomũhwa eribya nʼobuholo nʼabandu bosĩ, kandi mukwamirire eribya nʼengebe ĩbũyĩrĩre. Oyũtabũyĩrĩre siendisyalola oko Mukama.

AbaEbrania 13:5

Simukwamirire erianza esyofranka, nĩkwa mutsemere ebyo muwite. Kusangwa Nyamuhanga abĩrĩbũga ati, Sindiendisyakuleka na kera, kandi, sindiendĩsyakũsĩganĩa nʼahake.

Yakobo 3:13

Nindi omo katĩkatĩ kenyũ oyuwite amenge nʼeriminya kwehĩ? Akanganayebyo omo mibere mibuya yiwe, nʼomo mĩbĩrĩ yiwe eyo akakola nʼomutima molo, nʼowʼamenge.

1 Petero 2:12

Muyire emigendere mibuya omo katĩkatĩ kʼEbihanda, neryo nomo bangabatsuma ngʼabakola-nabi, nĩkwa omugulu bakalangira emĩbĩrĩ yenyũ mibuya, ibapipa Nyamuhanga oko kiro kyʼeritswerwa.

1 Petero 2:9

Nĩkwa ĩnywe muli kihanda ekyayisogawa, abahererĩ bʼobwami, ekihanda kĩbũyĩrĩre, abandu ba Nyamuhanga, imwatoka erĩkangya emĩbĩrĩ mibuya ya Nyamuhanga, oyo wababirikira erĩlũa omo mwĩrĩmya nʼeriingira omo kyakakala kiwe kyʼeriswekera.

1 Petero 3:16

Nĩkwa mũmũsũbĩraye bolo-bolo, nʼerimukenga. Kandi mubye nʼobunya-mutima bowene, neryo omugulu bakabanegulira, nʼeritsuma emigendere yenyũ yʼobu Kristo, bĩtawe esĩsonĩ.

1 Petero 5:10

Neryo mwamabiagalwa akatambĩ, Nyamuhanga owʼolukogo losĩ oyo wababirikira erisangira olukengerwa luwe lwʼerikota haguma na Kristo, asyabahĩkanĩa, nʼerĩbasĩkya, nʼeribaha amaka, nʼerĩbahanganĩa ndeke.

1 Yoane 3:3

Nʼobuli mundu oyuli nʼamaha aya uku Kristo, akayihigula oko bibi, ngoko Kristo abũyĩrĩre.

Eribisurirwa 3:7

Usake oko mũlaĩka wʼekanĩsa yʼeFĩladelfia, uti, Oyuli mũbũyĩrĩre, nʼoyuli kwenene, oyuwite ekifungulo kya Dawĩdĩ, nʼoyukakingula, isihali oyo wasyakingaho, nʼoyukakinga, isihali omundu oyukakingula, akabũga ebĩnywa ebĩ ati,

Eribisurirwa 4:8

Obuli ekĩhangĩkĩre oko bĩhangĩkĩre bini ebiriho ikiwite ebĩpũpa ndatu, nʼebĩhangĩkĩre ebĩ ĩbyoswĩre nʼameso ehosĩ nʼoko mbande syosĩ. Kandi omo musibo nʼomo kiro sĩbalĩũmbaya erĩbũga bati, Omukama Nyamuhanga, Omũtokĩ Wʼebyosĩ, Abũyĩrĩre, abũyĩrĩre, abũyĩrĩre, Oyutula, nʼoyuliho, nʼoyukandisyasa.

Eribisurirwa 6:10

Neryo mobabirikira nʼomulenge munene bati, Uwe Mukama, oyũbũyĩrĩre nʼowʼekwenene! Wasyalinda emigulu yingahi okwʼitswera nʼerĩkĩsya omusasi wetu ukwʼabo bĩkere omo kihugo kwehĩ?