1 Petero 1:12 - AMASAKO ABOYTRTRE WA NYAMUHANGA AWAKAHULAWA MO BIBLIA

¹² Nyamuhanga mwabĩsũlĩra abamĩnyererĩ aba ngoko mũbĩrĩ wabo siabya busana nabo ĩbobene, nĩkwa busana nenyũ, omugulu babũga emyatsi eyo mwabĩrĩowa. Kandi abakwenda bʼEngulu Yowene, ababũga omo maka wʼOmũlĩmũ Abũyĩrĩre owatumawa erĩlũa elubula, mobababwira ebyʼekwenene ebĩ. Kandi emyatsi eyĩ abamalaĩka banzĩre eriminyayo.

Nouveau Testament et Psaumes en Ndandi Version 1962

¹² Mobyabisulirwabo bati sibeyikolera nikwa inywe bakolera, omo myatsi eyo mwabiribwirwa naba batulira engulu yowene omo Kirimu Kibuyirire ekyatumawa erilwa elubula, emyatsi eyo abalaika basonda erilolako.

1 Petero 1:12 Iomraidhean Croise

Erĩlũayo 25:20

Nʼamakerũbĩ asyasũkũlĩrya ebĩpũpa byago endata, eriswika ekĩtũmbĩ kyʼeriganyira nʼebĩpũpa byago, nʼamũsũ wago akasamalirana; amũsũ wʼamakerũbĩ asyalola oko luhande lwʼekĩtũmbĩ kyʼeriganyira.

Emĩsyo 1:23

Mubinduke okwʼikunga lyage. Lebaya, nasyabũtũlĩra ekĩrĩmũ kyage; Nasyabamĩnyĩsya ebĩnywa byage.

Ĩsaya 32:15

Erĩhĩka aho Omũlĩmũ amabyũtũlĩrwa ũkwʼĩtwe erĩlũa endata. Nʼembwarara iyasyabya eririma lĩbogĩre kũndũ, nʼeririma lĩbogĩre eriheta kutsibu.

Ĩsaya 53:1

Nindi yo wabĩrĩkĩrĩrya erĩtũlago lyetu kwehĩ? Nʼokuboko kwʼOmwami Mukulu kwabĩrĩbĩsũlĩra amaka wuwe ukundi kwehĩ?

Danĩelĩ 10:1

Oko mwaka wʼakasatu wa Kĩro omwami wʼePersĩa, omwatsi mwabĩsũlĩrwa uku Danĩelĩ, oyo wahulawa mo Beltesaza; nʼomwatsi oyo abya kwenene, go wʼamalwa manene; naye mwaminya omwatsi oyo, kandi mwaminya erilota eryo.

Danĩelĩ 12:13

Nĩkwa uwe, ugende ũhĩke oko ndũlĩ, neryo Wasyabana eriluhuka, neryo wasyalũbũka oko ndũlĩ yʼemigulu busana nʼerĩgabo lyawe eryabiriahulwa.

Danĩelĩ 12:9

Neryo omundu oyo mwabũga ati, Uwe Danĩelĩ, uyigendere, kusangwa ebĩnywa ebĩ bĩbĩsamĩre, kandi bĩbĩsĩre erĩhĩka oko mugulu wʼendũlĩ.

Danĩelĩ 2:19

Neryo Danĩelĩ mwabĩsũlĩrwa ekĩbĩsĩre ekyo, omwʼilota lyʼesyonzolĩ omo kiro. Neryo Danĩelĩ mwapipa Nyamuhanga wʼelubula.

Danĩelĩ 2:22

akabĩsũla emyatsi eyʼehali nʼeyĩbĩsĩre; akaminya ebiri omo mwĩrĩmya, nʼekyakakala kĩkere haguma naye.

Danĩelĩ 2:47

Neryo omwami mwasũbĩrya Danĩelĩ ati, nene Nyamuhanga wenyũ ni Nyamuhanga wʼesyonyamuhanga, nʼOmwami wʼabami, nʼomũbĩsũlĩ wʼebĩbĩsĩre, kusangwa wabiritoka erĩbĩsũla ekĩbĩsĩre ekĩ.

Danĩelĩ 8:13

Neryo monowa omundu ũbũyĩrĩre akabũga, kandi ogundi mundu ũbũyĩrĩre mwabwira oyo wabya akabũga ati, Erilota erĩ busana nʼobuhere bwʼebiro byosĩ lyasyabya oko mugulu wahi, omugulu erĩlolo likinaleta ekitsibu kyʼeriherya ekikaleka ahabũyĩrĩre nʼomulondo erĩryatangiriribwa ahisi kwehĩ?

Danĩelĩ 9:24

Amayenga makũmĩ alinda abirihamulwa busana nʼabandu bawe, nʼoko mũyĩ wawe abũyĩrĩre eribuga amalolo nʼeribuga ebibi, nʼerireta embanulo busana nʼebibi, nʼerireta eritunganene rya kera na kera, nʼerĩhĩra ekĩbohĩ okwʼilota nʼobũmĩnyererĩ, nʼerĩhakabya amagũta ahabũyĩrĩre kutsibu.

Yoelĩ 2:28

Neryo enyũma wʼaho, nasyũtũlĩra Omũlĩmũ wage oko bandu bosĩ; abagala benyũ nʼabali benyũ basyaminyerera, nʼabasyakulu benyũ basyalota esyonzolĩ, nʼabalwana benyũ basyalola oko syonzolĩ.

Amosĩ 3:7

Kwenene Omukama Omwami Mukulu siendisyakola kindu, ate abĩsũlĩra abagombe buwe abamĩnyererĩ ekĩbĩsĩre kiwe.

Zekarĩa 12:10

Neryo nasyũtũlĩra endata wʼekĩtũnga kya Dawĩdĩ, nʼendata oko syondũlanĩ syʼeYerũsalema, Omũlĩmũ wʼeriganyira nʼowʼerisaba; litya lyasyaleka ibalangira oyo batsimita; kandi basyamulirira, ngʼoyukalirira mugala wuwe endogola, kandi basyamũkwĩra obũlĩge nʼerĩsĩrĩkalira, ngʼoyũkasĩrĩkalira busana nʼakambere kuwe.

Matayo 11:25

Oko mugulu oyo Yesu mwasũbĩrya ati, Ngakupipa uwe Tata, Omukama wʼolubula nʼekihugo! Kandi wabĩrĩbĩsa emyatsi eyĩ oko bʼamenge nʼabʼeriminya, nĩkwa wabĩrĩbĩsũlĩrayo oko bana balere.

Matayo 11:27

Tata wage abirimba emyatsi yosĩ. Sihali oyo wasĩ Omugala nina Tata, kandi sihali oyo wasĩ Tata nina Mugala, nʼomundu oyo Mugala anzĩre erĩmũbĩsũlĩra.

Matayo 16:17

Yesu mwamũsũbĩrya ati, Uli nʼobutseme, uwe Sĩmonĩ mugala wa Yona! Kusangwa sihali mundu wakũmĩnyĩsaya omwatsi oyũ, nĩkwa nina Tata wage oyuli elubula.

Mariko 16:15

Neryo Yesu mwabwirabo ati, Muye omo kihugo kyosĩ, mũtũlaganaye Engulu Yowene oko bandu bosĩ.

Luka 15:10

Ngababwira nyiti litya hali obutseme haguma nʼabamalaĩka ba Nyamuhanga busana nʼomukola-nabi muguma oyukabindula omutima nʼerireka ebibi.

Luka 2:26

Kandi, Omũlĩmũ Abũyĩrĩre mwamũkangya kwʼatendisyahola ate alola uku Kristo wʼomukama.

Luka 9:6

Neryo abiga mobahongoka nʼerigenda omo mĩyĩ yosĩ, erĩtũla Engulu Yowene, nʼerĩlamya abandu ehosĩ.

Yoane 15:26

Omugulu Omũwatĩkya asyasa, oyo nasyatuma akalũa ewa Tata, Omũlĩmũ wʼomwatsi wʼekwenene, oyũkalũa uku Tata, akandĩsyatũla omwatsi wage.

Emibiri 10:44

Neryo Petero abere akĩnabũga ebĩnywa ebĩ, Omũlĩmũ Abũyĩrĩre mwawa oko bosĩ abowa ebĩnywa ebĩ.

Emibiri 16:10

Neryo Paũlo abere abilola oko nzolĩ esyo, neryo-neryo motwasonda eriya eMakedonĩa, itwamabiminya ko Nyamuhanga abirimbirikira erĩtũla Engulu Yowene oko bandu bayo.

Emibiri 2:33

Yesu abĩrĩhamĩbwa oko byala byʼamali bya Nyamuhanga, kandi abiribana uku Tata erilaga lyʼOmũlĩmũ Abũyĩrĩre, nʼebyo mukalangira lino nʼerĩowa nĩ lũsũnzo luwe abĩrĩtũtũlĩra.

Emibiri 4:31

Neryo babere babisaba, aho babya bahĩndene mohasũka-sũkanĩbwa, nʼabosĩ mobũsũla nʼOmũlĩmũ Abũyĩrĩre, mobabũga ekĩnywa kya Nyamuhanga omo butubaha.

Emibiri 4:8

Neryo Petero, ĩnĩoswĩre mʼOmũlĩmũ Abũyĩrĩre mwabwirabo ati, Ĩnywe batabalĩ nʼabakulu bʼabandu,

Emibiri 8:25

Neryo Petero na Yoane, babere babĩtũla omwatsi go ndeke, nʼerĩbũga ekĩnywa kyʼomukama, mobatsũka erisuba eYerũsalema. Neryo omo nzira mobatũla Engulu Yowene omo hĩyĩ hingi hyʼAbanya Samarĩa.

AbanyaRoma 1:15

Neryo ĩngye indi nʼomũhwa wʼerĩbatũlĩra Engulu Yowene, ĩnywe muli eRoma.

AbanyaRoma 1:17

Kusangwa Engulu Yowene ĩkatũbĩsũlĩra ngoko Nyamuhanga akatũngananaya omundu embere siwe, omwʼĩkĩrĩrya lisa, ngoko kĩsakĩre kiti, Nĩkwa oyukatunganana embere sya Nyamuhanga busana nʼerĩkĩrĩrya asyakota.

AbanyaRoma 10:15

Kandi basyatũlago bati, bamatenditumwa kwehĩ? Ngoko kĩsakĩre kiti, Ni kibuya ndeke erĩowa erĩhĩka lyʼabandu bakaleta engulu nyibuya.

AbanyaRoma 15:19

busana nʼobũtokĩ bwʼebitiko-tiko nʼebyʼeriswekera, omo bũtokĩ bwʼOmũlĩmũ. Neryo nabĩrĩtũla ndeke-ndeke Engulu Yowene erĩtsũka eYerũsalema nʼomo bihugo hakũhĩ naho, nʼerĩhĩka oko kihugo kyʼeĨlĩrĩko.

1 AbanyaKorinto 2:10

Nĩkwa Nyamuhanga abĩrĩtũbĩsũlĩrayo omo Mũlĩmũ wuwe. Nĩ Mũlĩmũ akasonda emyatsi yosĩ, akasonda erĩyĩsũnza lya Nyamuhanga.

2 AbanyaKorinto 1:22

Naye abĩrĩtũhĩra kwʼekĩmĩnyĩsyo kiwe, nʼerituha Omũlĩmũ wuwe omo mitima yetu ngʼomuwato.

2 AbanyaKorinto 6:6

Tukayisolola oko bĩtĩsĩrĩre, tukabya nʼeriminya, tukayibombeka, tũkakangaya obwenge, tukamatikana nʼOmũlĩmũ Abũyĩrĩre, tukanza ekwenene.

AbanyaGalatia 1:12

Mondangirirayo oko mundu, kandi mondakangĩrĩrĩbwayo na mundu. Nĩkwa nina Yesu Kristo yo wanyĩbĩsũlĩrayo.

AbanyaGalatia 1:16

Kusangwa omugulu byatsemesaya Nyamuhanga erĩnyĩbĩsũlĩra Omugala wuwe, inatoka erĩtũla Engulu ya Kristo omo katĩkatĩ kʼEbihanda, mondakanĩa nʼabandu.

AbanyaEfeso 3:10

iniatoka, oko mugulu ono, omo kanĩsa yiwe, erĩkangya oko batabalĩ nʼabʼehamũlĩ omo kyanya, amenge wuwe mũsĩndo-mũsĩndo.

1 AbanyaTesalonika 2:9

Balĩkyetu, nenyũ mukibuka erikola lyetu nʼendũhĩ yetu, ngoko twakola omo kiro nʼomo musibo tuti, sĩtũbalũhaye omugulu twabakangĩrĩraya Engulu Yowene ya Nyamuhanga.

1 Timoteo 3:16

Sihali oyo wangagana obukulu bwʼerĩkũmbo lyʼekisomo kyetu tuti, Mwabutuka omo mubiri wʼabandu, Mwasĩngana ngʼomutunganene omo Mũlĩmũ, Kandi mwalolwako nʼabamalaĩka, Mwatũlaganĩbwa omo katĩkatĩ kʼebihanda, Mwĩkĩrĩrĩbwa omo kihugo, Mwatwalwa omo lukengerwa lwʼelubula.

AbaEbrania 11:13

Abosĩ aba mobahola omwʼĩkĩrĩrya, isibetabana ebyalagawa na Nyamuhanga, nĩkwa mobalangirabyo hali, nʼerĩrĩgabyo, kandi mobakangya ngoko babya balalĩrĩrĩ, nʼabĩkalanĩ muna-kihugo.

AbaEbrania 2:4

Kandi Nyamuhanga mwatũlago haguma nabo iniakakola ebiminyikalo, byʼobũtokĩ, nʼebyʼeriswekera, nʼebitiko-tiko mĩsĩndomĩsĩndo. Kandi mwaha olũsũnzo lwʼOmũlĩmũ Abũyĩrĩre ngʼerisonda liwe.

AbaEbrania 4:2

Kusangwa Engulu Yowene moyatũhĩkako ngoko yahĩka kubo; nĩkwa ekĩnywa ekyo bowa mokitetawatĩkyabo kusangwa mobagana erĩkĩrĩryakyo.

1 Petero 1:25

Nĩkwa ekĩnywa kyʼomukama kikakota. Ekĩ kyo kĩnywa kyʼEngulu Yowene ekyatũlawa ũkwʼĩnywe.

1 Petero 4:6

Kusangwa Engulu Yowene yabĩrĩtũlwa ukwʼabo babirihola, nomo babiritswerwa omo mubiri ngʼabandu bosĩ ko bakatswerawa. Nĩkwa mwatũlayo kubo batoke eribyaho omo kĩrĩmũ ngʼerisonda lya Nyamuhanga.

Eribisurirwa 5:11

Neryo monalangira, kandi monowa omulenge wʼabamalaĩka bangi, nʼeriganza lyabo lyabya elfu ĩkũmĩ 10,000, ngendo elfu ĩkũmĩ, 10,000 nʼamaelfu ngendo maelfu! Abamalaĩka mobahangana ĩbatĩmbĩre oko kĩtũmbĩ kyʼobwami, nʼoko bĩhangĩkĩre ebiriho, nʼoko bakulu.