1 Petero 1:10 - AMASAKO ABOYTRTRE WA NYAMUHANGA AWAKAHULAWA MO BIBLIA

¹⁰ Abamĩnyererĩ mobasonda-sonda nʼerĩbũlĩrĩrya omwatsi wʼerilama erĩ. Neryo mobaminyerera omwatsi wʼolũsũnzo lwʼolukogo olo Nyamuhanga angabaha.

Nouveau Testament et Psaumes en Ndandi Version 1962

¹⁰ Erilama eryo abaminyereri mobasonda neribulirirya nomuhwa, abaminyerera olukogo olukasyabya lwenyu;

1 Petero 1:10 Iomraidhean Croise

Enzũko 49:10

Omũtso wʼobwami sĩendĩsyalũa uku Yũda, Kutse omũtso wʼomũtabalĩ sĩendĩsyalũa hakũhĩ nʼebisando biwe, Erĩhĩka aho Sĩlo asyasira; Kandi abandu basyamowa.

Emĩsyo 2:4

Wamasondyabyo ngʼebĩtsĩpa, Nʼerisonda-sondyago ngʼebindu bĩbĩsĩrwe;

Danĩelĩ 2:44

Nʼoko biro byʼabami abo, Nyamuhanga wʼelubula asyahanganĩa obwami obũtendĩsyaherĩbwa na kera, kutse eritabala lyabo siryendĩsyasĩgĩrwa abandi bandu; nĩkwa bwasyatulanga mo bihande bihande nʼeribuga amami gosĩ aya, nabo bwasyahangana kera na kera.

Danĩelĩ 9:3

Neryo monalolya obũsũ bwage oko Mwami Mukulu Nyamuhanga, erĩmũsondya busana nʼerisaba nʼerilaka, haguma nʼeritsira akalyo nʼeriambala emitole nʼerĩbũ.

Hagaĩ 2:7

Omwami Mukulu Wʼemilondo ati, Nasyasũkanĩa ebihanda byosĩ; nabo basyasa nʼobũsokĩ bwʼebihanda byosĩ; nage nasyũsũlya enyũmba eyĩ nʼolukengerwa.

Zekarĩa 6:12

Mumubwire muti, Omwami Mukulu Wʼemilondo akabũga ati, Lebaya, omundu oyukahulawa mo Mutahi; naye asyalasya emitahi aho wuwe; kandi asyahĩmba eHekalũ yʼOmwami Mukulu.

Matayo 13:17

Kusangwa kwenene ngababwira nyiti, Abamĩnyererĩ bangi nʼabandu batunganene bangi mobanza erilangira oko ebyo mukalangira, nĩkwa mobatatoka erilangirabyo; nʼerĩowa ebyo mũkowa, mobatowabyo.

Matayo 26:24

Omugala wʼomundu akagenda ngoko kĩsakĩre busana naye, nĩkwa obũlĩge oko mundu oyukahotera Omugala wʼomundu! Kumbe lyowene busana nʼomundu oyo nga siabutawa!

Luka 10:24

Kusangwa ngababwira nyiti, abamĩnyererĩ bangi nʼabami mobasonda erilangira ebyo mukalangira, nĩkwa mobatalangirabyo, nʼerĩowa emyatsi eyo mũkowa, nĩkwa mobatowayo.

Luka 24:44

Neryo Yesu mwabwirabo ati, Ebĩ bye bĩnywa nababwira nyikine haguma nenyũ; emyatsi yosĩ eyasakawa busana nage omo Migambo ya Musa nʼebitabu byʼabamĩnyererĩ nʼomo Syonyimbo, yabya itolere iyabererera.

Yoane 5:39

Mukasoma Amasako, kusangwa mũkaganĩraya muti muwite engebe yʼerikota. Kandi Amasako ayo akatũlago busana nage!

Yoane 7:52

Mobamũsũbĩrya bati, Nawe nibya uli wʼeGalĩlaya kwehĩ? Usome Amasako, wasyalebya ko hate omũmĩnyererĩ oyũkalũa eGalĩlaya.

Emibiri 10:43

Abamĩnyererĩ bosĩ mobatũla omwatsi wuwe bati, Omo bũtokĩ bwʼerĩna liwe obuli mundu oyũkamwĩkĩrĩraya abiribana eribuyira lyʼebibi.

Emibiri 17:11

Nĩkwa abandu bʼeBeroya babya bandu babuya kwilaba bandu bʼeTesalonĩka. Mobangirira ekĩnywa kya Nyamuhanga nʼomũhwa, ĩbakasondaya omo Masako obuli kiro erĩrebya emyatsi eyĩ nga ni kwenene.

Emibiri 28:23

Neryo babere babilagana na Paũlo busana nʼekiro kiguma, abandu bangi mobamweya omo nyũmba yiwe aho abya ĩkere. Naye mwakanĩryabo erĩtsũka omo ngyakya-ngyakya erĩhĩka, omwʼĩgolo-golo, ĩnĩakatũla omwatsi wʼobwami bwa Nyamuhanga. Nĩkwa Paũlo mwalenga erĩsĩngabo busana nʼomwatsi wa Yesu omo Migambo ya Musa nʼamasako wʼabamĩnyererĩ.

Emibiri 7:52

Nindi oko bamĩnyererĩ oyo aboso-kulu wenyũ batendereraya kwehĩ? Kandi mobĩta abakwenda abatũla omwatsi wʼerĩhĩka lyʼOyutunganene. Na lino ĩnywe mwabirihotera oyo nʼerĩmwĩta.

AbaEbrania 11:13

Abosĩ aba mobahola omwʼĩkĩrĩrya, isibetabana ebyalagawa na Nyamuhanga, nĩkwa mobalangirabyo hali, nʼerĩrĩgabyo, kandi mobakangya ngoko babya balalĩrĩrĩ, nʼabĩkalanĩ muna-kihugo.

AbaEbrania 11:40

Kusangwa Nyamuhanga iniabiritubikira ekibuya kwʼaho, neryo Nyamuhanga abya anzĩre ĩtwahĩkana haguma nabo.

1 Petero 1:11

Kandi mobalenga eriminya ngʼOmũlĩmũ wa Kristo, omwisi wabo, abya akahula emyatsi yahi kutse mugulu wahi. Kusangwa Omũlĩmũ abya akaminyerera amalĩge wa Kristo, nʼolukengerwa olwasyakwama amalĩge ayo.

1 Petero 1:13

Neryo mubye nʼamalengekanĩa wʼerikola omũbĩrĩ. Mũyĩtegaye, mũhĩre amaha wenyũ ndeke oko lukogo olo Yesu Kristo asyabaletera ekiro asyabĩsũlwa.