Закар 9:16 - Коми Библия 2023

¹⁶ Сійӧ лунӧ Господь, налӧн Ен, мездас найӧс, чукӧртас Ассьыс войтырсӧ ыж чукӧрӧс моз. Юркытшса дона изъяс моз найӧ пондасны дзирдавны Сылӧн му вылын.

Закар 9:16 Iomraidhean Croise

Псалтыр 100:3

Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.

Петӧм 28:21

Израиль пиянлӧн дас кык ним серти изйыс мед лоӧ дас кык. Быд из вылӧ колӧ вундалӧмӧн гижны ӧти чужанкотырлысь нимсӧ [Израиль пиянлӧн чужан во сертиыс].

Петӧм 28:9

Босьт кык оникс из да вундалӧмӧн гиж на вылӧ Израиль пиянлысь нимъяссӧ

Исай 40:10

Со, ыджыд вынӧн локтӧ Господь Ыджыдыс, Сійӧ веськӧдлӧ вына кинас. Сыкӧд ставыс, мый Сійӧ шедӧдіс, Сылӧн син водзын ставыс, мый Сійӧ Аслыс босьтіс.

Исай 54:12

тэнсьыд башняястӧ – рубинысь, дзиръяястӧ – жемчугысь, стенъястӧ – дона изъясысь.

Исай 60:14

Тэнӧ нартитысьяслӧн пияныс локтасны тэ дінӧ да улӧдз копыртчасны тэныд. Тэнӧ мустӧмтысьяс уськӧдчасны тэнад кок улӧ да шуасны тэнӧ Господьлӧн карӧн, шуасны Сионӧн – Израильлӧн вежа Енлӧн оланінӧн.

Исай 60:3

Войтыръяс локтасны тэнад югыдыд дінӧ, ӧксыяс чукӧртчасны тэнад яръюгыд кыа дінӧ.

Исай 62:3

Тэ лоан дзирдалысь юркытшӧн Господьлӧн киын, лоан ӧксылӧн юркытшӧн Аслад Енлӧн ки пыдӧсын.

Еремей 23:3

Ме чукӧрта Аслам ыжъяслысь коляссӧ став муяссьыс, кытчӧ Ме вӧтлі найӧс, да бӧр бергӧда асланыс йирсянінӧ. Сэні найӧ пондасны чужтысьны-рӧдмыны.

Еремей 31:10

Войтыръяс, кывзӧй Господьлысь кывсӧ, саридз сайын олысьяслы юӧртӧй: «Израиль войтырӧс разӧдысь бӧр чукӧртас найӧс, ыж видзысь моз кутас видзны найӧс».

Еремей 31:11

Господь вештысяс Яковлӧн рӧд вӧсна, мездас найӧс вынаджыклӧн киысь.

Езекиль 34:11

Господь Ыджыдыс тадзи висьталӧ: Ме Ачым корся Ассьым ыжъясӧс да кута тӧждысьны на вӧсна.

Езекиль 34:12

Кыдзи ыж видзысь корсьӧ ассьыс разалӧм ыжъяссӧ, тадзи Ме корся Ассьым ыжъясӧс. Ме петкӧда найӧс быдлаысь, кытчӧ найӧ разалісны пемыд да кымӧра лунӧ.

Езекиль 34:31

Ті – Менам ыжъясыс, Менам видз вылысь ыж чукӧрыс. Ті – мувывса йӧз, а Ме – тіян Ен, – висьталӧ Господь Ыджыдыс».

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Микей 7:14

Аслад бедьнад видз Ассьыд войтыртӧ, Ассьыд ыжъястӧ, кодъяс ас кежысь олӧны Кармил вӧрын. Лэдз налы важ мозыс йирсьыны Васан ыб вылын да Галаад муын.

Софоний 3:20

Сійӧ кадас Ме чукӧрта тіянӧс да бӧр вайӧда гортаныд. Ме нимӧда тіянӧс, и войтыръяс кутасны ошкыны тіянӧс, кор бара сета тіянлы бур олӧм. Асланыд синмӧн ті аддзанныд тайӧс, – висьталӧ Господь.

Аггей 2:23

Сійӧ лунӧ, – висьталӧ Господь Саваоф, – Ме босьта тэнӧ, Шеалтиэллӧн Зоровавель пи, босьта тэнӧ, Ассьым кесйӧгӧс, – висьталӧ Господь, – да вӧча тэнӧ чунькытшӧн, кӧні лоӧ Менам пасӧй, ӧд Ме бӧрйи тэнӧ, – висьталӧ Господь Саваоф.

Закар 10:6

Ме вынаӧн вӧча Иуда чужанкотырӧс, мезда Ӧсиплысь рӧдсӧ, Ме бурсьӧлӧмтча на дінӧ да бӧр вайӧда найӧс. Найӧ бара Менам лоӧны, быттьӧ Ме некор эг и эновтлы найӧс. Ме ӧд Господь, налӧн Ен, Ме кыла налысь кевмӧмсӧ.

Закар 8:23

Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Лука 12:32

Эн пов, ичӧт чукӧр! Ӧд тіян Батьныд шуис сетны тіянлы Юралӧм.

Иоан 10:27

Менам ыжъясӧй кылӧны Менсьым гӧлӧс шыӧс. Ме тӧда найӧс, и найӧ локтӧны Ме бӧрся.