Закар 9:14 - Коми Библия 2023

¹⁴ Господь петкӧдчас, медым отсавны Аслас войтырлы, Сійӧ чардби моз лыйыштас Ассьыс ньӧвсӧ. Господь Ыджыдыс букӧстас буксанӧн, Сійӧ кыпӧдчас лунвыв ыджыд тӧвнырӧн.

Закар 9:14 Iomraidhean Croise

Иов 37:9

Лунвывсянь кыпӧдчӧ бушков, войвывсянь пӧльтӧ кӧдзыд тӧв.

Псалтыр 18:14

видз Ассьыд кесйӧгтӧ тӧдӧмӧн мыж вӧчӧмысь, медым найӧ эз ыджыдавны ме вылын. Сэки ме ог сетчы лёкас, лоа сӧстӧм да мыжтӧм.

Псалтыр 18:15

Господьӧй, мед лоӧны шогманаӧсь Тэныд менам кывъясӧй да сьӧлӧмпытшса мӧвпъясӧй. Тэ менӧ Дорйысьыс да Мездысьыс!

Исай 18:3

Ті, муюгыдын олысьяс, ті, му вылас олысьяс, ставныд видзӧдӧй, кор керӧсъяс вылӧ кыптас дӧрапас, сюся кывзӧй, кор кылас буксанлӧн гора шыыс.

Исай 21:1

Саридздорса овтӧмин йылысь водзвыв висьталӧм. Кыдзи Негев муын пӧльтӧ ыджыд тӧвныр, сідзи овтӧминысь, повзьӧдана муысь,

Исай 27:13

Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Исай 31:5

Аслас поз весьтын шевкъялысь лэбач моз Господь Саваоф вевттяс Ерусалим, доръяс и видзас сійӧс, бурсьӧлӧмтчас и мездас сійӧс.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Аввакум 3:11

Тэнад ыпъялысь ньӧвъясысь, Тэнад чардби моз сявкйысь шы помысь шондіыс да тӧлысьыс сувтӧны.

Аввакум 3:14

Кор вӧрӧгъяс ыджыд тӧвныр моз уськӧдчӧны да разӧдӧны миянӧс, кор найӧ нимкодясьӧны да гусьӧн ньылыштӧны коньӧрӧс, сэки Тэ асланыс шыӧн бытшкан налысь юралысьсӧ.

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Закар 14:3

Сэки Господь кутас тышкасьны тайӧ войтыръясыскӧд, кыдзи Сійӧ водзын тышкасьліс.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Еврейяслы 2:4

Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Восьтӧм 6:2

Ме видзӧдлі да аддзи еджыд вӧлӧс. Сы вылын пукалысьлӧн киас вӧлі ньӧввуж. Сылы вӧлі сетӧма юркытш, и вермысь моз сійӧ муніс, медым вермыны.