Закар 9:13 - Коми Библия 2023

¹³ Ме зэвта Иудаӧс ньӧввужйӧс моз, Ефремӧс босьта ньӧв пыдди. Тэнсьыд пиянтӧ, Сион, Ме паныд кыпӧда яванса пиянлы, вӧча тэнӧ тышкасян шыпуртӧн.

Закар 9:13 Iomraidhean Croise

Псалтыр 144:1

Давидлӧн ошкана сьыланкыв. Енмӧй, менам Ӧксыӧй, кута ыдждӧдлыны Тэнӧ, кута ошкыны Тэнсьыд нимтӧ нэмъяс чӧж.

Псалтыр 149:6

Налӧн вомысь мед кыптас Енлы ошкӧмыс, кианыс мед босьтасны кыкнанладорсяньыс лэчтӧм шыпурт,

Псалтыр 45:3

Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,

Исай 49:2

Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ.

Еремей 51:20

– Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.

Бӧрданкыв 4:2

Сионлӧн дона пияныс вӧліны весалӧм зарни кодьӧсь. Ӧні найӧ – сёй дозъяс, гырнич вӧчысьлӧн вӧчӧмторъяс.

Амос 2:11

Пиян пӧвстсьыныд Ме бӧрйи пророкъясӧс, том зонъяс пӧвстысь – назорейясӧс. Абу-ӧ тайӧ тадзи, Израиль войтыр? – висьталӧ Господь. –

Авдий 1:21

Вермысьяс каясны Сион керӧс вылӧ, медым ыджыдавны Исав керӧс вылын. И Господь лоас сэні ӧксыӧн.

Закар 1:21

Ме юалі: «Мый найӧ лӧсьӧдчӧны вӧчны?» Господь вочавидзис: «Сюръясыс вӧтлісны-разӧдісны Иуда войтырӧс сідз, мый некод юрсӧ эз лысьт кыпӧдны. А тайӧ дорччысьясыс локтісны, мед повзьӧдны вӧтлысьясӧс-разӧдысьясӧс да чегъявны сюръяссӧ сійӧ войтыръяслысь, кодъяс уськӧдчисны Иуда му вылӧ да разӧдісны сэтчӧс олысьясӧс».

Ефесӧ 6:17

Нӧшта босьтӧй юртупкӧд пыдди мездмӧмсӧ да Ловлысь шыпуртсӧ – Енлысь кывсӧ.

2 Тимофейлы 4:7

Ме бура вермаси, помӧдзыс котӧрті, эскӧмӧс видзи.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Восьтӧм 1:16

Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Восьтӧм 17:14

Найӧ кутасны тышкасьны Балякӧд, но Баля вермас найӧс, ӧд Сійӧ – ыджыдъяслӧн Ыджыдыс да ӧксыяслӧн Ӧксыыс. Сыкӧд тшӧтш лоӧны Сылӧн корӧмаясыс, бӧрйӧмаясыс да эскана йӧзыс».

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 19:21

а мукӧдсӧ вӧлі виӧма шыпуртӧн. Тайӧ шыпуртыс петіс вӧв вылын Пукалысьлӧн вомысь. Став лэбачыс сэсся пӧткӧдчисны виӧмаяслӧн шойясӧн.

Восьтӧм 2:12

«Пергам вичкоса анделлы тадзи гиж: Со мый висьталӧ тіянлы Сійӧ, кодлӧн эм кыкнанладорсяньыс лэчтӧм ёсь шыпурт.