Закар 9:10 - Коми Библия 2023

¹⁰ Сійӧ пасьвартас Ефремысь тарантасъяссӧ, бырӧдас Ерусалимысь вӧвъяссӧ, чегъялас тышкасян ньӧввужъяссӧ. Сійӧ юӧртас войтыръяслы лӧнь олӧм йылысь, пондас юравны саридзсянь саридзӧдз, Ефрат юсянь му помӧдз.

Закар 9:10 Iomraidhean Croise

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Псалтыр 72:3

ӧд ме вежалі лёк вӧчысьяслы, кор аддзи налысь бур олӧмсӧ.

Псалтыр 85:8

Господьӧй, енъяс пӧвстын Тэ кодь мӧдыс абу, абуӧсь Тэ моз вӧчӧм уджъясыс.

Исай 11:10

Сійӧ лунӧ Ессейлӧн вужйыс лоӧ дӧрапасӧн войтыръяслы, найӧ шыасясны Ессейлӧн вужйыс дінӧ, и сылысь шойччанінсӧ вевттяс дзирдлун.

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 60:12

Но войтыръясӧс, кодъяс оз кутны кесъявны тэныд, дзикӧдз лоӧ бырӧдӧма.

Осий 1:7

А Иуда войтыр дінӧ Ме лоа бур сьӧлӧма. Ме мезда найӧс, ӧд Ме Господь, налӧн Ен. Мезда найӧс, но ог ньӧввуж-шыпурт помысь, ог тыш пыр да ог вӧв-верзьӧма отсӧгӧн».

Осий 2:18

Сійӧ лунӧ Аслам войтырлы бур вылӧ Ме кӧртала йитӧд зверъяскӧд, енэжвыв лэбачьяскӧд да мувыв гаг-веглясьысьяскӧд. Ме чегъяла ньӧввуж-шыпуртъяс, ылыста налӧн муысь тышъяс да сета налы повтӧг овны.

Осий 2:20

Ме кикута тэкӧд да кывйӧс ог вудж, и тэ тӧдмалан Менӧ, Господьӧс.

Микей 4:8

А тэ, Сион нывлӧн керӧсыс, кытысянь Ме ыжъяс бӧрся моз видзӧда Ассьым войтырӧс, тэныд бӧр бергӧдчас ыджыдалӧмыс, Ерусалим нывлы – юралӧмыс.

Микей 5:4

И локтас Сійӧ, коді кутас видзны Господь вынӧн, Аслас Господь Енлӧн медыджыд нимнас. Найӧ кутасны повтӧг овны, ӧд Сійӧ кутас ыджыдавны став му пасьтала.

Микей 5:9

Дзескӧдысьлы паныд сувтӧй, и вӧрӧгнытӧ лоӧ бырӧдӧма.

Аггей 2:22

путкыльта ӧксыяслысь юралан пуклӧснысӧ, мукӧд войтыръясӧс вӧча вынтӧмӧн. Ме путкыльта тарантасъяс да сэні пукалысьясӧс, вӧвъяс да верзьӧмаяс усясны тышын.

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

2 Коринфӧ 5:18

Ставыс Енсянь. Исус Кристос пыр Енмыс бурӧдіс миянӧс Аскӧдыс да мӧдӧдіс миянӧс висьтавлыны бурасьӧмыс йылысь.

2 Коринфӧ 5:20

Сідзкӧ, ми – Кристослӧн мӧдӧдӧмаяс, и Ачыс Енмыс шыасьӧ миян пыр йӧзыс дінӧ. Кристос нимӧн ми корам: бурасьӧй Енмыскӧд!

Индӧд 11:24

Муыс, кытчӧ ті сувтанныд кокнад, лоӧ тіян. Овтӧминсянь Ливанӧдз, Ефрат юсянь рытыввыв саридзӧдз муыс лоӧ тіян.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!