Закар 7:5 - Коми Библия 2023

⁵ – Висьтав тайӧ муас олысьяслы да попъяслы: кор ті шогалінныд да видзалінныд сизимдас во чӧж витӧд да сизимӧд тӧлысьясӧ, Меным-ӧ тайӧс ті вӧчинныд?

Закар 7:5 Iomraidhean Croise

Ӧксыяслӧн 4 небӧг 25:23

Кор иудаса тышкайӧзӧн веськӧдлысьяс кылісны Гедалийӧс юралысьӧ пуктӧм йылысь, найӧ локтісны асланыс йӧзкӧд Гедалий дінӧ Миспаӧ. Веськӧдлысьясыс вӧліны: Нетанийлӧн Измаил пиыс, Карейлӧн Иоханан пиыс, Нетофаысь Танхуметлӧн Серай пиыс да Язаний, кодлӧн батьыс вӧлі Маакаысь.

Ӧксыяслӧн 4 небӧг 25:25

Но сизимӧд тӧлысьӧ Миспаӧ локтіс Элишам Нетанийлӧн Измаил пиыс, коді вӧлі ӧксы рӧдысь. Сыкӧд тшӧтш локтіс дас морт. Найӧ виисны Гедалийӧс, тшӧтш иудаса да калдеяса йӧзӧс, кодъяс вӧліны сыкӧд Миспаын.

Исай 43:23

Тэ эн вайлы Меным сотан вись пыдди ыжъясӧс, вись вайӧмӧн эн пыдди пукты Менӧ. Ме эг сьӧктӧдлы тэнӧ, эг тшӧкты вайны Меным нянь, эг тшӧкты вайны чӧскыд ӧвтанторъяс.

Исай 58:3

Найӧ шуӧны: «Ми видзалам, но Тэ он аддзы тайӧс, ми раммӧдам асьнымӧс, но Тэ он тӧд та йылысь!» Асланыд видзалігӧн ті вӧчанныд, мый кӧсъянныд, сьӧкыд уджӧн ті дзескӧданныд тіянлы уджалысьясӧс.

Еремей 25:11

Тайӧ муыс ставнас лоӧ овтӧминӧн да повзьӧдчанторйӧн. Татчӧс войтыръяс кутасны кесъявны вавилонса ӧксылы сизимдас во чӧж.

Еремей 29:10

Господь тадзи висьталӧ: сы бӧрти, кор Вавилонын ті оланныд сизимдас во, Ме бурсьӧлӧмтча тіян дінӧ. Ме збыльмӧда тіян йылысь Ассьым бур кывйӧс да бӧр вайӧда тіянӧс асланыд муӧ.

Еремей 52:12

Вавилонса Навукодоносор ӧксылӧн дас ӧкмысӧд веськӧдлан воӧ, витӧд тӧлысьлӧн дасӧд лунӧ, Ерусалимӧ локтіс Навузардан, ӧксыӧс видзысьяслӧн юралысь, вавилонса ӧксыӧс туйдӧдысь.

Даниил 9:2

Сылӧн медводдза веськӧдлан воӧ ме, Даниил, гӧгӧрвои Гижӧдысь, мый Ерусалим кар лоӧ овтӧминӧн сизимдас во чӧж. Та йылысь Господь водзвыв висьтавліс Еремей пророклы.

Осий 7:14

Ме дінӧ став сьӧлӧмнас шыасьӧм пыдди найӧ бӧрдісны асланыс вольпась вылын, нянь да вина понда найӧ вундалісны асьнысӧ, но Меысь ылыстчисны.

Закар 1:12

Сэки андел шыасис Господь дінӧ: «Господь Саваоф, дыр-ӧ на Тэ он бурсьӧлӧмтчы Ерусалим да мукӧд Иуда каръяс дінӧ? Сизимдас во нин Тэ скӧралан на вылӧ».

Закар 7:3

да юавны пророкъяслысь да Господь Саваоф крамын кесъялысь попъяслысь, колӧ-ӧ миянлы витӧд тӧлысьнас видзалӧмӧн пасйыны бӧрдан лун, кыдзи уна во чӧж нин ми вӧчам.

Закар 7:4

Сэки меным вӧлі Господь Саваофсянь кыв:

Закар 7:6

А кор ті сёянныд-юанныд, онӧ ӧмӧй аслыныд тайӧс вӧчӧй?

Закар 8:19

– Господь Саваоф тадзи висьталӧ: нёльӧд, витӧд, сизимӧд да дасӧд тӧлысьясӧ видзалан лунъясыс лоӧны нимкодясян лунъясӧн, шуда гажӧдчан лунъясӧн Иуда войтырлы. Кутчысьӧй збыляс да лӧнь олӧмас!

Матвей 23:5

Найӧ ставсӧ вӧчӧны йӧзлы петкӧдлӧм могысь: ӧшлӧны ас выланыс ыджыд кудъяс, кузьмӧдӧны паськӧм дорыш тугъяссӧ.

Матвей 6:16

«Видзаліганыд энӧ лоӧй жугыльӧсь кык бана шаньгаяс моз. Найӧ ветлӧны шог чужӧмӧн видзалӧмсӧ петкӧдлӧм могысь. Веськыда висьтала тіянлы: найӧ босьтӧны нин ассьыныс удждонсӧ.

Матвей 6:2

Корысьлы кӧ сетан, эн йӧзӧд тайӧс. Тадзи вӧчӧны кык бана шаньгаяс синагогаясын да йӧзаинъясын, ӧд найӧ йӧзсянь ошкӧм виччысьӧны. Веськыда висьтала тіянлы: найӧ босьтӧны нин ассьыныс удждонсӧ.

Матвей 6:5

«Энӧ кевмысьӧй кык бана шаньгаяс моз. Асьнысӧ йӧз водзын петкӧдлӧм могысь найӧ радейтӧны синагогаясын да туйвежъясын сулалӧмӧн кевмысьны. Веськыда висьтала тіянлы: найӧ босьтӧны нин ассьыныс удждонсӧ.

1 Коринфӧ 10:31

Та вӧсна сёянныд-ӧ, юанныд-ӧ али нӧшта мыйкӧ вӧчанныд – ставсӧ вӧчӧй Енмӧс ошкӧм могысь.

2 Коринфӧ 5:15

Кристос куліс ставныс понда, медым олысьяс эз нин ас вӧснаныс овны, но олісны на понда Кулысь да Ловзьысь вӧсна.

Колосӧ 3:23

Ставсӧ вӧчӧй сьӧлӧмсяньныд Господьлы моз, энӧ мортлы моз.