Закар 5:4 - Коми Библия 2023

⁴ Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.

Закар 5:4 Iomraidhean Croise

Иов 18:15

Лёк вӧчысьлӧн керкаӧ овмӧдчасны мукӧдъяс, сылысь оланінсӧ кояласны тэгйӧн.

Иов 20:26

пемыдыс шымыртас сійӧс, сійӧс ньылыштас би, мый абу мортӧн пестӧма, лёкыс суас сылӧн чомйын ловйӧн кольӧмаясӧс.

Иов 8:15

Сійӧ мыджсьӧ аслас овмӧс вылӧ, но овмӧсыс киссьӧ, кутчысьӧ озырлунас, но озырлуныс ылӧдлӧ.

Иов 8:22

Тэнӧ мустӧмтысьясӧс вевттяс яналӧм, лёк йӧзлӧн оланіныс бырас.

Шусьӧгъяс 3:33

Лёк вӧчысьлӧн керкаыс Господьлӧн ёрӧм улын, а веськыда олысьлысь керкасӧ Сійӧ бурсиӧ.

Исай 24:6

Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

Еремей 2:26

Кыдзи гусясьысьӧс кутӧны да янӧдӧны, тадзи юръяндзим лои Израиль войтырлы, сылӧн ӧксыяслы да веськӧдлысьяслы, попъяслы да пророкъяслы.

Осий 4:2

Сетӧм кывнысӧ торкӧны, пӧръясьӧны, виӧны да гусясьӧны, гозъякост олӧм пежалӧны, вир кисьтӧмлы помыс абу.

Осий 4:3

Та вӧсна муыс косьмас, став олысьыс сэні эбӧстӧммас. Зверъяс да енэжвыв лэбачьяс куласны, весиг саридзын чериыс пӧдас.

Амос 3:10

Дзескӧдӧмӧн да мырддялӧмӧн найӧ чукӧртӧны озырлун асланыс ыджыд керкаясӧ, веськыда вӧчны найӧ оз кужны, – висьталӧ Господь. –

Закар 5:3

Андел шуис меным: «Сэні гижӧма, мый тайӧ мусӧ суас ёрӧм. Ӧтарладорас гижӧма, мый став гусясьысьсӧ лоӧ бырӧдӧма. Мӧдарладорас гижӧма, мый сетӧм кывсӧ торкысьясӧс тшӧтш лоӧ бырӧдӧма».

Закар 8:17

Энӧ мӧвпалӧй лёксӧ вӧчны ӧта-мӧдныдлы, кыв сетіганыд энӧ пӧръясьӧй, ӧд ставсӧ тайӧс Ме мустӧмта, – висьталӧ Господь.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Индӧд 28:16

Ёрӧма тэнӧ карын да видз-му вылын.

Индӧд 7:26

Зывӧкторсӧ энӧ пыртӧй асланыд керкаясӧ, медым зывӧкторсӧ моз тіянӧс эз бырӧдны. Мустӧмтӧй-зывӧктӧй идолъясӧс, найӧс колӧ дзикӧдз бырӧдны».

Нав Исус 9:20

Ловйӧн колям найӧс, медым кыв сетӧм торкӧмысь эз су миянӧс Енлӧн скӧрлуныс».