Закар 4:6 - Коми Библия 2023

⁶ Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Закар 4:6 Iomraidhean Croise

Олӧм 41:16

Ӧсип вочавидзис фараонлы: «Ог ме тайӧс вӧч, а Енмыс. Сійӧ гӧгӧрвоӧдас фараонлы бур вылӧ».

Ӧксыяслӧн 3 небӧг 19:12

Му вӧрӧм бӧрти петіс би, но Господь эз вӧв би пытшкын. Би бӧрти пӧльтіс небыд тӧвру. [Господь вӧлі сэні.]

2 Каднебӧг 14:11

Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

Ездра 2:2

Найӧс вайӧдісны Зоровавель, Исус, Неемий, Серай, Релай, Мардокей, Билшан, Миспар, Бигвай, Рехум да Баан. Израиль войтырлӧн айулов лыдыс:

Ездра 3:10

Кор Господьлӧн крамлы подувсӧ вӧлі пуктӧма, сувтӧдісны попъясӧс кесъялан паськӧмӧн да трубаясӧн, Асаф рӧдысь левитъясӧс – кимвалъясӧн, медым ошкыны Господьӧс, кыдзи коркӧ тшӧктыліс Давид, Израильлӧн ӧксы.

Ездра 5:2

Сэки Шеалтиэллӧн Зоровавель пиыс да Иоседеклӧн Исус пиыс босьтчисны лэптыны Енлысь крамсӧ Ерусалимын. Енлӧн пророкъяс вӧліны накӧд да отсасисны налы.

Псалтыр 33:16

Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь горзӧмсӧ,

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Исай 30:1

Курыд шог кывзысьтӧмъяслы, – висьталӧ Господь. – Найӧ сёрнитчӧны, но Метӧг, кӧрталӧны йитӧд, но оз Менам кӧсйӧм серти. Тадзи найӧ мыж дінӧ мыж содтӧны.

Исай 32:15

Тадзи лоӧ, кытчӧдз вылісянь оз лэччы миян вылӧ Енлӧн лолыс. Сэки овтӧмин лоӧ сад йӧрӧн, а сад йӧрыс лоӧ вӧр кодь ыджыдӧн.

Исай 34:16

Корсьӧй Господьлӧн небӧгысь да лыддьӧй: став тайӧ пемӧсыс локтас сэтчӧ, ставныс кыкӧн-кыкӧн. Ӧд Господь Аслас вомӧн тшӧктіс налы тадзи вӧчны, Сылӧн Лолыс чукӧртас найӧс сэтчӧ.

Исай 59:19

Рытыввылын пондасны повны Господьлӧн нимысь, асыввылын – Сылӧн дзирдлунысь. Вӧрӧг кӧ ыльӧбтас ю моз, Господьлӧн ловшыыс вӧтлас сійӧс.

Даниил 2:34

Тэ видзӧдін сы вылӧ, кытчӧдз морт ки отсӧгтӧг керӧсысь эз чукты из. Изйыс тупыльтчис да зурасис кокъясас, кодъяс вӧліны кытсюрӧ сёйысь, кытсюрӧ кӧртысь, да пазӧдіс найӧс.

Осий 1:7

А Иуда войтыр дінӧ Ме лоа бур сьӧлӧма. Ме мезда найӧс, ӧд Ме Господь, налӧн Ен. Мезда найӧс, но ог ньӧввуж-шыпурт помысь, ог тыш пыр да ог вӧв-верзьӧма отсӧгӧн».

Аггей 1:1

Дарий ӧксылӧн мӧд веськӧдлан воӧ, квайтӧд тӧлысьлӧн медводдза лунӧ, Шеалтиэллӧн Зоровавель пилы, Иуда муын юралысьлы, да Иоседеклӧн Исус пилы, аркирейлы, Аггей пророк пыр вӧлі Господьсянь кыв:

Аггей 2:21

– Висьтав Зоровавельлы, Иуда муын юралысьлы: Ме вӧрзьӧда енэжсӧ и мусӧ,

Закар 6:12

Шу сылы, мый Господь Саваоф тадзи висьталӧ: Выль Вож нима морт петас тайӧ муысь да лэптас Господьлысь крамсӧ.

Лыд 27:16

«Господьӧй, Тэ став ловъя олысьыслӧн Ен! Инды тайӧ войтырыслы веськӧдлысьӧс,

Ефесӧ 6:17

Нӧшта босьтӧй юртупкӧд пыдди мездмӧмсӧ да Ловлысь шыпуртсӧ – Енлысь кывсӧ.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

Ӧксыяслӧн 1 небӧг 14:6

Ионафан шуис аслас кесйӧглы: «Лок мунам тайӧ вундыштчытӧм тышкакотырыс дінӧ. Гашкӧ, Господь отсалас миянлы. Сійӧ вермӧ мездыны Ассьыс войтырсӧ уна йӧз пыр либӧ некымын морт пыр».

Ӧксыяслӧн 1 небӧг 17:47

И тані ставныс тӧдмаласны, мый оз шыпуртӧн да шыӧн мезды Господь. Тайӧ тышыс Господьлӧн тыш, и Сійӧ сетас тіянӧс миян киӧ».