Закар 4:14 - Коми Библия 2023

¹⁴ Андел висьталіс: «Тайӧ индӧ кык мавтыштӧм морт вылӧ. Найӧ кесъялӧны Господьлы, коді ыджыдалӧ став му вылас».

Закар 4:14 Iomraidhean Croise

Ӧксыяслӧн 3 небӧг 17:1

Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».

Ездра 5:2

Сэки Шеалтиэллӧн Зоровавель пиыс да Иоседеклӧн Исус пиыс босьтчисны лэптыны Енлысь крамсӧ Ерусалимын. Енлӧн пророкъяс вӧліны накӧд да отсасисны налы.

Псалтыр 110:4

Сылысь шензьӧданаторъяссӧ огӧ вунӧдӧй. Господь – бур да мелі сьӧлӧма.

Псалтыр 2:6

«Ме мавтышті Ассьым Ӧксыӧс да сувтӧді Сійӧс Сионӧ, Менам вежа керӧс вылӧ».

Петӧм 29:7

Сэсся босьт мавтыштан вый да кисьт Ааронлы юр вылас. Тадзи тэ мавтыштан сійӧс.

Петӧм 40:15

Сэсся батьнысӧ моз мавтышт найӧс, медым найӧ попъясӧн кесъяласны Меным. Тайӧ мавтыштӧмыс петкӧдлӧ, мый найӧс индӧма кесъявны попъясӧн нэмъяс кежлӧ чужысьяссянь чужысьясӧдз».

Исай 5:1

Ме сьыла муса Ёрт йылысь, тайӧ сьыланкывйыс менам Ёртӧй да Сылӧн виноград йӧр йылысь. Бур муа керӧс вылын быдмис менам Ёртлӧн виноградыс.

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Левит 8:12

Ааронлы юр вылас Мӧисей кисьтіс мавтыштан вый. Тадзи мавтыштіс да вежӧдіс сійӧс.

Микей 4:13

Чеччы вартнытӧ, Сион нылӧй! Тэнсьыд сюртӧ Ме вӧча кӧртысь, кок гыжтӧ – ыргӧнысь. Войтыръясӧс тэ пасьвартан, налысь эмбурсӧ Господьлы сиан, налысь озырлунсӧ став муӧн Ыджыдалысьлы торйӧдан.

Закар 6:13

Сійӧ кыпӧдас Господьлысь крамсӧ, Сійӧс нимӧдасны ӧксыӧс моз, Сійӧ юравны-ыджыдавны пондас. Сійӧ пуксяс юралан пуклӧсӧ, Сыкӧд ыджыдавны пуксяс поп, и найӧ пондасны овны ӧти сьӧлӧмӧн.

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Лука 1:19

Андел вочавидзис: «Ме, Гавриил, сулала Ен водзын. Менӧ мӧдӧдӧма сёрнитны тэкӧд, висьтавны тайӧ Бур Юӧрсӧ тэныд.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Нав Исус 3:11

Со, став му пасьтала ыджыдалысь Господьлӧн Йитӧд кудйыс вуджас Йӧрдан ю вомӧн тіян водзвылын.

Нав Исус 3:13

Став му пасьтала ыджыдалысь Господьлысь Йитӧд куд нуысь попъяс кор тувччасны Йӧрдан юӧ, сэки ваыс дугдас визувтны да сувтас стенӧн».

Восьтӧм 11:4

Тайӧ висьталысьясыс – кык олив пу да кык бикок, кодъяс сулалӧны став муыслӧн Ен водзын.

Ӧксыяслӧн 1 небӧг 10:1

Самуил босьтіс вый тыра доз да кисьтіс Сауллы юр вылас. Сэсся окыштіс сійӧс да шуис: «Господь мавтыштӧма тэнӧ, мед пуктыны тэнӧ юралысьӧ Аслас войтырлы [Израильын. Тэ лоан ӧксыӧн Господьлӧн войтырлы, мездан найӧс на гӧгӧр олысь вӧрӧгъясысь. Со, тэныд пас, мый Ачыс Господь мавтыштӧма тэнӧ ӧксыӧ, мед веськӧдлыны Сылӧн войтырӧн].

Ӧксыяслӧн 1 небӧг 16:1

Господь шуис Самуиллы: «Дыр-ӧ на тэ кутан шогсьыны Саул вӧсна, кодӧс Ме вешті Израильын ӧксыалӧмысь? Тырт ассьыд дозтӧ выйӧн да мун Виплиемӧ. Ме ыста тэнӧ сэні олысь Ессей дінӧ. Сылӧн пиян пӧвстысь Ме бӧрйи Аслым ӧксыӧс».