Закар 3:8 - Коми Библия 2023

⁸ Кывзӧй, Исус аркирей да тэкӧд кесъялысь попъяс! Ті – сійӧ пасыс, мый регыд Ме мӧдӧда Ассьым кесйӧгӧс, коді эм Выль Вож.

Закар 3:8 Iomraidhean Croise

Псалтыр 71:7

Сылӧн ӧксыалан кадӧ веськыда олысь кутас дзоридзавны, му вылас лоӧ лӧнь олӧм, кытчӧдз оз кус тӧлысьыс.

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Исай 20:3

Господь шуис: «Менам Исай кесйӧгӧй куим во чӧж ветлӧдліс пасьтӧг да кӧмтӧг. Тайӧ – Египетлы да Эфиопиялы пас.

Исай 4:2

Сійӧ лунӧ Господьлӧн петасыс петкӧдчас став аслас мичлуннас да дзирдлуннас. Мулӧн вотӧсыс лоӧ ошйысянторйӧн да мичмӧданторйӧн Израильлӧн коляс войтырлы.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 49:3

Сійӧ шуис меным: «Израиль, тэ – Менам кесйӧг, тэ пыр Ме петкӧдла Ассьым дзирдлунӧс».

Исай 49:5

Господь вӧчис менӧ Аслас кесъялысьӧн мам кынӧмын на, медым ме Сылань бергӧді Яковӧс, медым Израиль чукӧртчис Сы дінӧ. Господь нимӧдӧ менӧ Аслас син водзын, менам Енмӧй – менам выныс. Ӧні Господь тадзи висьталӧ:

Исай 52:13

– Менам кесйӧглӧн ставыс кутас артмыны, Сійӧс кутасны бурӧ пуктыны, ыдждӧдлыны да нимӧдны.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Исай 53:2

Веж петас моз Сійӧ быдмис Господь водзын, быдмис кос муысь чепӧсйӧм турун моз. Сылӧн эз вӧв мичлун ни тӧдчанлун, медым ми видзӧдім Сы вылӧ. Чужӧм-мыгӧрнас Сійӧ эз вӧв сэтшӧм морт, коді эськӧ кыскис миянӧс Ас дінас.

Исай 8:18

Со, ме да ныв-пи, кодъясӧс сетіс меным Господь, ми – Израильлы пас. Господь Саваоф, Сион керӧс вылын Олысь, водзвыв мӧдӧдіс тайӧ пассӧ Израильлы.

Еремей 23:5

– Воасны лунъяс, – висьталӧ Господь, – кор Давид рӧдысь Ме бӧръя да сувтӧда веськыда Олысьӧс. Сійӧ лоӧ ӧксыӧн, пондас юравны мывкыда, мыждыны веськыда, Сійӧ ваяс веськыдлунсӧ тайӧ муас.

Еремей 33:15

Сійӧ кадас Менам кӧсйӧм серти Давид рӧдысь петас веськыда Олысь, Сійӧ кутас веськыда вӧчны да веськыда мыждыны.

Езекиль 12:11

Шу налы, мый тэ эм налы пас, и мый тэ вӧчан, сійӧ накӧд лоӧ. Найӧс босьтасны да нуӧдасны пленӧ.

Езекиль 12:6

Пемдігас налӧн син водзын босьт ноптӧ пельпом вылад да петкӧд сійӧс. Шогалысь моз тупкы чужӧмтӧ, медым эн аддзы мусӧ, ӧд тэнӧ Ме пукті Израиль войтырлы пасӧн».

Езекиль 24:24

Езекиль лоӧ тіянлы пасӧн. Ставсӧ, мый сійӧ вӧчис, ті тшӧтш кутанныд вӧчны. Кор тайӧ збыльмас, сэки ті тӧдмаланныд, мый Ме – Господь Ыджыдыс.

Езекиль 34:29

Ме сета бура быдмыны налӧн пуктаслы, и налӧн муын тшыгъялӧм вӧсна некод оз кув. Мукӧд войтыръяс оз нин кутны янӧдны найӧс.

Езекиль 37:24

Менам Давид кесйӧгӧй лоӧ налӧн ӧксынас да видзысьнас. Найӧ пондасны овны Менам индӧд-тшӧктӧмъяс серти.

Закар 6:12

Шу сылы, мый Господь Саваоф тадзи висьталӧ: Выль Вож нима морт петас тайӧ муысь да лэптас Господьлысь крамсӧ.

Лука 1:78

Миян бур сьӧлӧма Ен ыстас миянлы енэжсянь асъя кыа,