6 Сійӧ лунӧ оз югды, кодзувъяс оз тыдовтчыны.
Господь – став войтыръяс вылын Ыджыдыс, Сылӧн дзирдлуныс кыптӧ енэжъясысь вылӧджык на.
Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.
Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.
Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.
– Ме видзӧдлі му вылас, а сійӧ вӧлі мыгӧртӧм да куш. Видзӧдлі енэжас, а сэні югыдыс эз вӧв.
Тэнӧ кусӧдігӧн-бырӧдігӧн Ме тупка енэжсӧ, пемдӧда кодзувъяссӧ, шондісӧ тупка кымӧрӧн, и тӧлысьыс югзьӧднысӧ дугдас.
Енэжвывса югзьӧданторъяс тэ весьтысь пемдӧда, сап пемыдӧ вӧйта тэнсьыд мутӧ, – висьталӧ Господь Ыджыдыс.
Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».
Тайӧ луныс сап пемыдӧн вевттьысьӧма, сійӧс кытшалӧма сьӧд кымӧр да сук ру. Асъя югӧр моз паськалӧ керӧсъяс вылын лыдтӧм-тшӧттӧм да вына войтыр. Татшӧм войтырыс эз на вӧвлы, и некор оз ло.
Енэжын и му вылын петкӧдла индысьпасъяс: вир, би да тшын.
Шондіыс пемдас, тӧлысьыс вирӧн ойдас Господьлӧн ыджыд да повзьӧдана луныс вотӧдз.
Югыдыс пемыдас югдӧдӧ, сійӧс пемыдыс эз пӧдты.
Ме эм югыдыс. Ме локті му вылӧ, медым Меным эскысь эз коль пемыдас.
Та йылысь Йоиль пророк на висьтавліс:
Енэжын петкӧдла шензьӧданаторъяс, му вылын – индысьпасъяс: вир, би да тшын.
Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.
Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.
Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!
Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».
