Закар 14:3 - Коми Библия 2023

³ Сэки Господь кутас тышкасьны тайӧ войтыръясыскӧд, кыдзи Сійӧ водзын тышкасьліс.

Закар 14:3 Iomraidhean Croise

2 Каднебӧг 20:15

Яхазиэл шуис: «Иуда войтыр, Ерусалимын олысьяс да Иосафат ӧксы, кывзӧй! Господь тіянлы тадзи висьталӧ. Энӧ полӧй да энӧ тіралӧй тайӧ уна лыда тышкайӧзсьыс, ӧд тайӧ тышыс абу тіян, а Енмыслӧн.

Неемий 4:14

Ставсӧ видзӧдалӧм бӧрын ме шуи нималана йӧзлы, веськӧдлысьяслы да войтырлы: «Энӧ полӧй вӧрӧгысь! Тӧдӧй, мый Господьыс ыджыд да повзьӧдана! Тышкасьӧй вокъясныд, ныв-пиныд, гӧтыръясныд да керкаясныд вӧсна!»

Исай 29:7

Войся вӧтын моз уна лыда войтыр петасны тышӧ Ариэллы паныд, уськӧдчасны сы вылӧ, топӧдасны сійӧс да босьтасны сылысь изкарсӧ.

Йоиль 3:2

Ме чукӧрта войтыръясӧс да вайӧда найӧс Иосафат ковтысӧ. Сэні Ме кута мыждыны найӧс Аслам Израиль войтыр вӧсна да Аслам му вӧсна сыысь, мый войтыръяс пӧвстӧ разӧдісны Менсьым войтырӧс, юклісны Менсьым муӧс.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Закар 12:9

Сійӧ лунӧ Ме бырӧда войтыръясӧс, кодъяс петасны Ерусалимлы паныд.

Нав Исус 10:10

Господь шӧйӧвоштіс аморейясӧс израильса тышкайӧзлӧн син водзын. Гаваон дорын израильсаяс пасьвартісны аморейясӧс. Сэсся Бет-Хоронӧ кайысь туйӧд Азека да Македа каръясӧдз вӧтчисны пышйысьяс бӧрся да бырӧдісны найӧс.

Нав Исус 10:14

Татшӧм луныс, кор Господь тадзи вӧчис мортлӧн корӧм серти, таӧдз ни та бӧрын эз вӧвлы. Ачыс Господь тышкасис Израиль вӧсна.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.