Закар 14:10 - Коми Библия 2023

¹⁰ Ерусалимсянь лунвыв муыс Гевасянь Риммонӧдз лоӧ ластаӧн. Ерусалим кар сувтас важ местаас, кыптас ставсьыс вылӧ. Сійӧ паськӧдчас Венямин дзиръясянь Воддза да Пельӧс дзиръяясӧдз, Хананел башнясянь ӧксылӧн виноград пычкан гуӧдз.

Закар 14:10 Iomraidhean Croise

Ӧксыяслӧн 3 небӧг 15:22

Аса ӧксы чукӧртіс став Иуда войтырсӧ. Найӧ петкӧдісны Рама карысь став изсӧ да керсӧ, мыйысь Ваас вӧлі лэптӧма изкар. Тайӧ изсьыс да керсьыс Аса ӧксы лэптіс Венямин муын Гева да Миспа изкаръяс.

Ӧксыяслӧн 4 небӧг 14:13

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ. Сэсся Йоас тышкайӧзыскӧд муніс Ерусалимӧ. Сэні сійӧ жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

1 Каднебӧг 4:32

Налӧн вӧліны тшӧтш вит кар – Этам, Айн, Риммон, Токен да Ашан –

1 Каднебӧг 6:77

Мерарилӧн рӧдысь мукӧдыслы Завулон чужанкотыр вичмӧдіс Риммон да Тавор каръяс да нагӧгӧрса видзьяс.

2 Каднебӧг 25:23

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ да нуӧдіс сійӧс Ерусалимӧ. Сэні Йоас жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

2 Каднебӧг 26:9

Ерусалимын Пельӧс дзиръя дорӧ, Ковтыс дзиръя дорӧ да стен пельӧс дорӧ Озей вӧчис зумыд башняяс.

Неемий 12:39

Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

Неемий 3:1

Аркирей Эльяшив да попъяс вӧчисны карлысь Ыж дзиръя, вежӧдісны сійӧс да сувтӧдісны ӧдзӧсъяс. Сэсся Сё тышкамортлы башня дорсянь Хананел башня дорӧдз вежӧдісны стенсӧ.

Исай 10:29

Найӧ мунісны керӧс потасӧд да узьмӧдчисны Геваӧ. Рама кар дзӧрис полӧмысла, Сауллӧн Гива карын олысьяс пышйисны.

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Еремей 20:2

вартіс Еремей пророкӧс да дорис тшемилӧ костӧ Веняминлӧн вылысса дзиръя дорӧ, Господьлӧн крамсянь неылын.

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Еремей 37:13

Еремей вӧлі петӧ Венямин дзиръяӧд, но карсӧ видзысьяслӧн Ирей нима веськӧдлысь, Хананей Шелемейлӧн пиыс, кутіс сійӧс да шуис: «Тэ кӧсъян пышйыны калдеяса тышкайӧз дінӧ!»

Еремей 38:7

Эфиопияса Эведмелек нима ыджыд чина морт, коді кесъяліс ӧксы керкаын, кывліс, мый Еремейӧс шыбитӧмаӧсь юкмӧсӧ. Ӧксы тайӧ кадас пукаліс Веняминлӧн дзиръя дорын.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Микей 4:1

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Закар 8:3

Господь тадзи висьталӧ: Ме бӧр локта Сионӧ, бара овмӧдча Ерусалимӧ. Ерусалимӧс шуасны эскана войтырлӧн карӧн, Господь Саваофлысь керӧссӧ – вежа керӧсӧн.

Нав Исус 15:32

Леваот, Шилхим, Айн да Риммон каръяс. Ставнас Негевысь налы вичмис кызь ӧкмыс кар да нагӧгӧрса сиктъяс.

Нав Исус 21:17

Венямин чужанкотырлӧн муысь Ааронлӧн рӧдлы вичмисны Гаваон да Гева каръяс да нагӧгӧрса видзьяс,

Ёрдысьяс 20:45

Венямин чужанкотырысь ловйӧн кольӧмаяс пышйисны овтӧминлань, Риммон изкырталань. Туйяс вылын израильсаяс виисны вит сюрс мортӧс, водзӧ вӧтӧдісны пышйысьясӧс Гидом карӧдз да виисны нӧшта кык сюрс мортӧс.

Ёрдысьяс 20:47

Ловйӧн кольӧм квайтсё мортыс пышйисны овтӧминӧ, Риммон изкыртаӧ, да олісны сэні нёль тӧлысь чӧж.

Ёрдысьяс 21:13

Та бӧрын израильсаяс мӧдӧдісны йӧзӧс Риммон изкыртаын олысь Венямин чужанкотыр дінӧ, медым юӧртны налы, мый водзӧ оз петны налы паныд тышӧ.