Закар 11:5 - Коми Библия 2023

⁵ Ыжъясӧс ньӧбысь кор начкӧ найӧс, таысь оз кыв асьсӧ мыжаӧн. Ыжъясӧс вузалысь шуалӧ: ”Аттьӧ Господьлы! Ме озырми”. Ыжъяс понда весиг видзысьныслӧн сьӧлӧмыс оз нормы.

Закар 11:5 Iomraidhean Croise

Ӧксыяслӧн 4 небӧг 4:1

Ӧти пророк-велӧдчысьлӧн гӧтырыс бӧрдӧмӧн висьталіс Елисейлы: «Менам верӧсӧй, тэнад кесйӧгыд, куліс. Тэ ачыд тӧдан, мый сійӧ оліс Господьысь полӧмӧн. А ӧні сійӧ мортыс, кодлы ми уджйӧзаӧсь, кӧсйӧ босьтны менсьым кыкнан пиӧс аслыс кесйӧг пыдди».

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Еремей 2:3

Израиль – Господьлӧн вежаторйыс, Сылӧн медводдза вотӧсыс. Ставнысӧ, кодъяс ньылыштісны сійӧс, вӧлі мыждӧма, ыджыд шог суис найӧс, – висьталӧ Господь.

Еремей 50:7

Накӧд паныдасьысьяс уськӧдчывлісны на вылӧ, найӧс мустӧмтысьяс шуавлісны, ми пӧ абу мыжаӧсь, ӧд найӧ мыж вӧчисны веськыдлуныслӧн оланінлы паныд да Господьлы паныд, код вылӧ батьясныс лача кутісны.

Езекиль 34:10

Господь Ыджыдыс тадзи висьталӧ: Ме паныд сувта видзысьяслы, босьта ыжъясӧс налӧн киысь. Водзӧ Ме ог сет налы видзны Ассьым ыжъясӧс, и водзӧ найӧ оз нин тӧждысьны ас вӧснаныс. Ме перъя налӧн пинь-гыжйысь Ассьым ыжъясӧс, и Менам ыжъясӧй оз нин лоны налы сёянӧн.

Езекиль 34:21

Коньӧр ыжъяссӧ ті бокнад да пельпомнад йӧткаланныд, сюрнаныд люкаланныд, кытчӧдз онӧ вӧтлӧй найӧс.

Езекиль 34:6

Менам ыжъясӧй вошӧмаӧсь, шӧйтӧны керӧсъяс да джуджыд ыбъяс вывті. Менам ыжъясӧй став му пасьталаыс разалӧмаӧсь, и найӧс корсьысьыс абу.

Осий 12:8

Ефрем ошйысьӧ: «Ме зэв озыр, уна эмбур аслым чукӧрті! Менам уджъясысь некод оз аддзы лёксӧ, мыжсӧ менсьым некод оз аддзы».

Осий 12:9

Но Ме, Господь, Египетысь петігад нин вӧлі тэнад Енмӧн. Чом вӧчан лунъяс дырйи моз Ме бара овмӧда тэнӧ чомъясӧ.

Амос 2:6

Господь тадзи висьталӧ: Израиль войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд вузалӧны веськыда олысьӧс эзысь сьӧмысь, гӧльӧс – кӧмкот гозйысь.

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Иоан 10:1

«Веськыда, веськыда висьтала тіянлы: коді пырӧ ыж йӧрӧ оз ӧдзӧсӧд, а мӧдлаті, сійӧ – гусясьысь да лёк вӧчысь.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Восьтӧм 18:13

Некод оз босьт налысь корица да ладан, чӧскыд дука вый да пуысь пычкӧм дона вый, вина да олив вый, пызь да шобді, ыж-мӧскӧс да вӧвъясӧс, тарантасъяс, кесйӧгъясӧс да мукӧд йӧзсӧ.

Восьтӧм 3:17

Тэ шуан: ”Ме озыр, ме ёна нин озырми, менам ставыс эм”. Но тэ ӧмӧй он гӧгӧрво, мый тэ – коньӧрсьыс-коньӧр, шудтӧм, гӧль, синтӧм да пасьтӧм.