Закар 10:7 - Коми Библия 2023

⁷ Ефрем чужанкотыр лоӧ вына тышкаморт кодьӧн, сылӧн сьӧлӧмыс гажмас винаысь моз. Ныв-пиныс аддзасны тайӧс да пондасны гажӧдчыны, налӧн сьӧлӧмныс кутас нимкодясьны Господьӧн.

Закар 10:7 Iomraidhean Croise

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Олӧм 43:34

Ӧсип тшӧктіс сетны налы сёянсӧ аслас пызан вылысь, а Веняминлы мукӧд сертиыс – вит пӧв унджык. Вокъяс юисны да гажӧдчисны Ӧсипкӧд ӧтвылысь.

Псалтыр 104:15

«Энӧ вӧрӧдӧй Менсьым мавтыштӧмаясӧс, Менам пророкъяслы энӧ вӧчӧй лёксӧ».

Псалтыр 13:5

Но найӧс полӧм босьтас, [кор нинӧмысь лоӧ повнысӧ,] ӧд Енмыс дорйӧ веськыда олысьясӧс.

Псалтыр 28:7

Господьлӧн гӧлӧс шыыс лэдзӧ чардби.

Псалтыр 33:21

Господь видзӧ сылысь лыяссӧ, весиг ӧти на пиысь оз чег.

Псалтыр 90:16

Ме нюжӧда сылысь олан лунъяссӧ, петкӧдла сылы Ассьым мездӧмӧс». Ошкӧм.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 38:19

Но сӧмын ловъяяс ошкӧны Тэнӧ, кыдзи ме ӧні ошка. Батьыс висьталас челядьыслы Тэнад эсканлуныд йылысь.

Исай 54:13

Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.

Исай 66:14

Ті аддзанныд тайӧс, и тіян сьӧлӧмныд пондас нимкодясьны, тіян вир-яйныд пондас дзоридзавны. Быдӧн тӧдмалас, мый Господьлӧн киыс Сылӧн кесйӧгъяс вылын, а скӧралӧмыс – Сылы паныд сувтысьяс вылын.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Езекиль 37:25

Найӧ кутасны овны муын, мый Ме сеті Аслам Яков кесйӧглы. Сэні олісны налӧн батьясныс, и сэні пондасны овны найӧ да налӧн ныв-пиныс, и водзӧ нэмъяс чӧж – насянь чужысьяс. Менам Давид кесйӧгӧй лоӧ налӧн ӧксынас нэмъяс чӧж.

Йоиль 2:23

Гажӧдчӧй, Сионын олысьяс, нимкодясьӧй Господь Енныд вӧсна! Сійӧ сетас тіянлы тырмымӧн зэр, воддза мозыс ыстас тіянлы арся да тувсовъя зэр.

Аввакум 3:18

и сэки ме кута нимкодясьны Господьӧн, Енмӧн, коді мездӧ менӧ.

Софоний 3:14

Нимкодясь, Сион нылӧй, гажӧдчы, Израиль! Гажӧдчы, Ерусалим нылӧй, став сьӧлӧмсяньыд нимкодясь!

Закар 12:8

Сійӧ лунӧ Господь доръяс Ерусалимын олысьясӧс, и жебъяс лоӧны Давид кодь вынаӧсь. Ерусалимын олысьяслы Давидлӧн рӧдыс лоӧ Ен кодьӧн, Господьлӧн андел кодьӧн.

Закар 9:15

Господь Саваоф доръяс Ассьыс войтырсӧ. Найӧ ньылыштасны вӧрӧгнысӧ, кок уланыс таляласны вӧрӧглысь лыйсян изъяссӧ, пондасны равзыны вина юысьяс моз, вир резан тасьті моз вирӧссясны, лоӧны вирӧн резӧм висьпуктанін пельӧс кодьӧсь.

Закар 9:17

Кутшӧм бур да мича йӧзӧн найӧ лоӧны! Муыс сетас нянь да вина, и ныв-зон пондасны дзоридзавны.

Лука 1:47

нимкодясьӧ лолӧй Ен вӧсна, Мездысьӧй вӧсна,

Иоан 16:22

Ӧні ті тшӧтш шогсянныд, но Ме бара аддзыся тіянкӧд. Сэки тіян сьӧлӧмныд тырас нимкодьлунӧн, и тіянлысь нимкодьлунтӧ некод оз мырддьы.

Ап. уджъяс 13:33

Мӧд псаломын гижӧма: – Тэ – Менам Пи, талун Ме лои Тэныд Батьӧн.

Ап. уджъяс 2:26

Та вӧсна менам сьӧлӧмӧй нимкодясьӧ, менам кывйӧй гажӧдчӧ, вир-яйӧй шойччӧ лача кутӧмас.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

Ӧксыяслӧн 1 небӧг 2:1

Анна ошкӧмӧн кевмысис: – Господь гажӧдіс менсьым сьӧлӧмӧс, Сійӧ вылӧ кыпӧдіс менсьым юрӧс. Ме серала менӧ мустӧмтысьяс вылын, ме нимкодяся, ӧд Господь мездіс менӧ.