Яков 5:14 - Коми Библия 2023

¹⁴ Висьӧ кӧ кодкӧ, мед корӧ вичкоса юрнуӧдысьясӧс. Найӧ мавтыштасны висьысьӧс выйӧн Господь нимсянь да кевмысясны сы вӧсна.

Яков 5:14 Iomraidhean Croise

Ӧксыяслӧн 3 небӧг 17:21

Зонка весьтӧ куимысь нюжӧдчылӧм бӧрти Илля шыасис Господь дінӧ: «Господьӧй, менам Енмӧй! Зонкалӧн лолыс мед бӧр пырас сы пытшкӧ!»

Ӧксыяслӧн 4 небӧг 4:33

Сійӧ йигнасис, кевмысис Господьлы

Ӧксыяслӧн 4 небӧг 5:11

Нееман скӧрмис да муніс шуасьӧмӧн: «Ме чайті, пророк ачыс петас ме дінӧ, кевмысяс Господьлы, аслас Енлы, нюжӧдлас кисӧ висянін весьтӧ да бурдӧдас менӧ проказаысь.

Марк 16:18

Босьтасны кӧ кианыс змейӧс да юасны кӧ мыйкӧ кулантор, таысь налы лёкыс оз ло. Найӧ пуктасны кинысӧ висьысьяс вылӧ, и найӧ бурдасны».

Марк 6:13

Найӧ вӧтлісны уна пеж лолӧс да выйӧн мавтыштӧмӧн бурдӧдісны уна висьысьӧс.

Ап. уджъяс 11:30

Тадзи и вӧчисны: Варнавакӧд да Савлкӧд найӧ мӧдӧдісны вичкоса юрнуӧдысьяслы сьӧм.

Ап. уджъяс 14:23

Быд вичкоын ки пуктылӧм пыр найӧ индісны юрнуӧдысьясӧс. Сэсся кевмысьӧм да видзалӧм бӧрын сетісны эскысьясӧс Господь киӧ, кодлы найӧ и эскисны.

Ап. уджъяс 15:4

Ерусалимын апостолъяс да юрнуӧдысьяс став вичконас сибӧдісны воӧмаясӧс. Локтысьяс висьталісны ставсӧ, мый вӧчис на пыр Енмыс.

Ап. уджъяс 28:8

Сійӧ кадас Публийлӧн батьыс куйліс биа висьӧмӧн да кынӧм висьӧмӧн. Павел пырис сы дінӧ, кевмысис да сы вылӧ кисӧ пуктылӧмӧн бурдӧдіс сійӧс.

Ап. уджъяс 9:40

Петыр тшӧктіс петны ставныслы, ачыс пидзӧс вылас сувтӧмӧн кутіс кевмысьны. Сэсся шойланьыс бергӧдчӧмӧн шуис: «Тавита, чеччы!» Тавита восьтіс синсӧ, видзӧдліс Петыр вылӧ да пуксис.

Титлы 1:5

Ме коли тэнӧ Критӧ, мед тэ эштӧдін сэні помавтӧмторсӧ да быд карын индін вичкоса юрнуӧдысьясӧс, кыдзи тай ме тэныд тшӧктылі.