Яков 4:2 - Коми Библия 2023

² Ті ыштанныд мый вылӧ кӧ, но тіян нинӧм оз ло. Ті виаланныд да вежаланныд, но тіянлы нинӧм оз вичмы. Ті вензянныд да лёксянныд, но тіян нинӧм абу, ӧд ті онӧ корӧй.

Яков 4:2 Iomraidhean Croise

Ӧксыяслӧн 3 небӧг 21:6

Ахав вочавидзис: «Ме сёрниті изреельса Навоткӧд. Кори сылысь, мед сійӧ вузалас меным виноград йӧрсӧ, а кӧсъяс кӧ, виноград йӧрыс пыдди ме сета сылы мӧд виноград йӧр. Но сійӧ шуис, мый оз сет меным [батьяссянь сылы вуджӧм] виноград йӧрсӧ».

Шусьӧгъяс 1:19

Татшӧм туйыс сылӧн, коді горшасьӧ йӧз эмбур вылӧ, сэті мунысь воштӧ ловсӧ.

Еклесиаст 4:8

ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Исай 7:12

Но Ахаз вочавидзис: «Ме ог кут корны, ог кут дӧзмӧдны Господьӧс».

Аввакум 2:5

Вылӧ кыпӧдчысь пӧрйӧдлысь вина кодь, сійӧ оз лӧнь, пыдӧстӧминыс моз паськӧдӧ вомсӧ, кулӧмыс моз оз пӧтлы, босьтӧ аслас кипод улӧ войтыръясӧс, пуксьӧ ыджыдавны на вылын.

Иоан 16:24

Ӧнӧдз ті нинӧм энӧ корлӧй Менам нимӧн. Корӧй, и лоӧ сетӧма тіянлы. Сэки тіян нимкодьлунныд лоӧ помтӧм-дортӧм.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Яков 5:6

Ті мыждінныд да виинныд веськыда олысьӧс, сійӧ оз нин водзсась тіянлы.

1 Иоан 3:15

Воксӧ мустӧмтысь эм морт виысь. Ті тӧданныд, мый морт виысь пытшкын помтӧм олӧмыс абу.