Яков 2:2 - Коми Библия 2023

² Шуам, тіян чукӧртчанінӧ пырас озыр паськӧма, зарни чунькытша морт, пырас тшӧтш омӧлик паськӧма гӧль морт.

Яков 2:2 Iomraidhean Croise

Олӧм 27:15

Сэсся Ревекка босьтіс аслас видзанінысь ыджыдджык Исав пиыслысь медбур паськӧмсӧ да пасьтӧдіс ичӧтджык Яков писӧ.

Эсфир 3:10

Сэки ӧксы пӧрччис ассьыс чунькытшсӧ да сетіс сійӧс Агагсянь чужысь Аммедатлӧн Аман пилы, медым вынсьӧдны иудейясӧс бырӧдӧм йылысь тшӧктӧмсӧ.

Эсфир 8:2

Ӧксы пӧрччис чунькытшсӧ, мый бӧр босьтіс Аманлысь, да сетіс сійӧс Мардокейлы. А Эсфир пуктіс Мардокейӧс веськӧдлыны Аман овмӧсӧн.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Лука 15:22

Батьыс тшӧктас кесйӧгъясыслы: ”Вайӧй медбур паськӧмсӧ да пасьтӧдӧй менсьым пиӧс, чунькытшӧдӧй да кӧмӧдӧй сійӧс.

Лука 23:11

Ирӧд аслас шыпуртаяскӧд сераліс-лёкӧдіс Исусӧс, пасьтӧдіс Сійӧс озыр паськӧмӧ да бӧр мӧдӧдіс Пилат дінӧ.

Яков 2:3

Озыр паськӧма вылӧ видзӧдӧмӧн ті шуанныд сылы: «Пуксьы татчӧ, тані бурджык местаыс», а гӧль мортлы шуанныд: «Тэ сэтчӧ сувт» либӧ «Татчӧ пуксьы, менам кок дорӧ».