Восьтӧм 9:15 - Коми Библия 2023

¹⁵ Сэки нёльнан анделсӧ вӧлі лэдзӧма. Найӧ вӧліны дасьӧсь тайӧ часыс, луныс, тӧлысьыс да воыс кежлӧ, медым вины йӧзыслысь коймӧд юкӧнсӧ.

Восьтӧм 9:15 Iomraidhean Croise

Восьтӧм 20:7

Сюрс во помасьӧм бӧрын сӧтанаӧс лоӧ лэдзӧма аслас пыдӧстӧминысь. Сійӧ мунас нёльнан му пельӧсас ылӧдлыны войтыръясӧс. Сійӧ ылӧдлас Гогӧс да Магогӧс и чукӧртас найӧс тыш вылӧ. Тышкайӧзыслӧн лыдыс лоӧ саридздор лыа мында.

Восьтӧм 8:10

Кор коймӧд анделыс тутсіс трубаӧ, енэжсьыс усис ыджыд кодзув, коді ыпъяліс яръюгыд биӧн. Сійӧ усис юяслӧн коймӧд юкӧныс вылӧ да ва петанінъясӧ.

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.

Восьтӧм 8:8

Кор мӧд анделыс тутсіс трубаӧ, быттьӧ ыджыд сотчысь керӧс усис саридзас, да саридзлӧн коймӧд юкӧныс пӧри вирӧ.

Восьтӧм 8:9

Сэки саридзын олысьяслӧн коймӧд юкӧныс куліс, да корабльяслӧн коймӧд юкӧныс вӧйис.

Восьтӧм 9:10

Налӧн бӧжъясыс да чушканъясыс вӧліны скорпионлӧн кодьӧсь. Найӧ вермисны вӧчны йӧзыслы лёксӧ вит тӧлысь чӧж.

Восьтӧм 9:18

Биысь, тшынысь да тэгйысь, кодъяс петісны вӧвъяслӧн вомысь, куліс йӧзлӧн коймӧд юкӧныс.

Восьтӧм 9:5

Саранчаыслы вӧлі шуӧма, медым найӧ эз виавны йӧзӧс, сӧмын мучитісны найӧс вит тӧлысь чӧж. Тайӧ мучитчан дойсӧ позьӧ ӧткодявны скорпионлӧн чушкӧмкӧд.