Восьтӧм 9:11 - Коми Библия 2023

¹¹ Налӧн ӧксынас вӧлі пыдӧстӧминысь андел. Сылӧн нимыс еврей ногӧн лоӧ Авадон, а грек ногӧн – Аполион.

Восьтӧм 9:11 Iomraidhean Croise

Иов 26:6

Кулӧмаяслӧн оланіныс Ен водзын восьса, пыдӧстӧминлӧн абу вевттьӧдыс.

Иов 28:22

Пыдӧстӧминыс да кулӧмыс шуӧны: «Ми сӧмын пель йылӧн кывлім сы йылысь».

Иов 31:12

Татшӧм мыжыс эськӧ кушӧдз нетшкис менсьым быдмӧм няньӧс, би моз эськӧ ньылыштіс да бырӧдіс ставсӧ.

Псалтыр 88:11

Тэ кувтӧдз пасьвартін Рахавӧс, саридзын олысь зверӧс, вына кинад вӧтлін вӧрӧгтӧ.

Шусьӧгъяс 15:11

Пыдӧстӧминсӧ да кулӧмаяслысь оланінсӧ Господь аддзӧ, дерт нин, Сійӧ аддзӧ мортлысь сьӧлӧмсӧ.

Лука 8:31

Пеж ловъяс корисны Исусӧс, мед эз ысты найӧс пыдӧстӧминӧ.

Иоан 12:31

Ӧні тайӧ муюгыдсӧ лоӧ мыждӧма, муюгыдас ыджыдалысьсӧ лоӧ вӧтлӧма.

Иоан 14:30

Ог нин уна сёрнит тіянкӧд, ӧд тайӧ муюгыдас ыджыдалысьыс локтӧ нин. Ме вылын сійӧ ыджыдавны оз вермы.

Иоан 16:11

Мыждӧмыс сыын, мый тайӧ муюгыдас ыджыдалысьсӧ мыждӧма нин.

Иоан 5:2

Ерусалимын, Ыж дзиръя дорын, вӧлі вайӧртӧд. Еврей ногӧн сійӧ шусис Бетзата. Вайӧртӧд дінас вӧлі вит пыранін, найӧ вӧліны вевт улынӧсь.

Иоан 8:44

Омӧльыс – тіян батьныд. Ті ставсӧ кӧсъянныд вӧчны сы моз. Сійӧ водзысяньыс вӧлі морт виысь. Збыльсьыс сійӧ ылын, збыльыс сы пытшкын абу. Кор сійӧ ылӧдлӧ, висьталӧ ассяньыс, ӧд сійӧ ылӧдчысь, ылӧгыслӧн бать.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

Ефесӧ 2:2

Ӧд водзынсӧ ті олінныд тайӧ муюгыдсаыс моз, енэж улас ыджыдалысь антуслысь кывзысьӧмӧн. Тайӧ пеж лолыс ӧнӧдз на веськӧдлӧ кывзысьтӧмъясӧн.

1 Иоан 4:4

Челядь, ті Енсянь. Ті верминныд ылӧгпророкъясӧс, ӧд тіян пытшкын Олысьыс ёна ыджыдджык муюгыдсасьыс.

1 Иоан 5:19

Тӧдам, мый ми Енсянь, а став муюгыдыс омӧльыслӧн кипод улын.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 16:16

Пеж ловъяс чукӧртісны мувывса ӧксыясӧс ӧти местаӧ. Тайӧ местаыс еврей ногӧн шусьӧ Армагеддон.