Восьтӧм 7:1 - Коми Библия 2023

¹ Та бӧрти ме аддзи нёль анделӧс. Найӧ сулалісны нёльнан му пельӧсас да кутісны мулысь нёльнан тӧвнырсӧ, медым тӧлыс эз пӧльт му вылӧ, саридз вылӧ да некутшӧм пу вылӧ.

Восьтӧм 7:1 Iomraidhean Croise

Исай 11:12

Сійӧ лэптас дӧрапас войтыръяслы, чукӧртас нёльнан му пельӧссьыс Израильысь вӧтлӧмаясӧс, Иудаысь разалӧм войтырӧс.

Исай 27:3

Ме, Господь, видза сійӧс, пыр киськала сійӧс. Ме лун и вой видза сійӧс, медым некод эз вӧч сылы лёксӧ.

Исай 27:8

Кор Тэ ӧтдортлін Израиль войтырӧс, Тэ чирыштлін найӧс этш тӧдӧмӧн. Асыв тӧв моз Тэ вӧтлін найӧс Аслад вына пӧльыштӧмнад.

Еремей 49:36

Енэжлӧн нёльнан пельӧссянь Ме мӧдӧда Элам вылӧ нёль тӧвныр да разӧда эламсаясӧс. Оз сюр сэтшӧм войтыр, код пӧвстӧ оз локны Эламысь вӧтлӧмаяс.

Езекиль 37:9

Господь шуис меным: «Пророкав ловлы, морт пиӧй! Пророкалӧмӧн шу ловлы, мый Господь Ыджыдыс тадзи висьталӧ: лов, лок нёльнан пельӧссянь да пӧльышт олӧмсӧ тайӧ виӧмаяс пытшкӧ, медым найӧ ловзясны».

Езекиль 7:2

– Морт пиӧй, [висьтав, мый] Господь Ыджыдыс тадзи висьталӧ: Израиль мулы воис пом. Мусӧ помсянь помӧдз лоӧ бырӧдӧма.

Даниил 11:4

Но сылӧн юралӧмыс ӧдйӧ киссяс да разалас нёльнан му пельӧсӧ. Сылӧн юралӧмыс оз вудж сысянь чужысьяслы, и оз нин ло сэтшӧм вына, кутшӧм вӧлі сылӧн юралігӧн. Сылысь юралӧмсӧ лоӧ вужнас нетшыштӧма да сетӧма мукӧдыслы.

Даниил 7:2

Войся аддзылӧмын меным, Данииллы, вӧлі петкӧдлӧма, кыдзи енэжыслӧн нёль тӧв гызьӧдісны ыджыд саридз.

Даниил 8:8

Ай кӧза пондіс ёна ышнясьны. Но кор сійӧ лои вынйӧра, сэки чегис да усис сылӧн ыджыд сюрыс, а сы пыдди петіс нёль сюр, найӧ чурвидзисны нёльнан му пельӧслань.

Иона 1:4

Но Господь ыстіс саридз вылӧ ыджыд тӧвныр. Кыптіс бушков, саридз гызис, и корабль вӧлі жугласянвыйын.

Закар 6:1

Ме бара лэпті синмӧс да аддзи: кык ыргӧн керӧс костысь петісны нёль тарантас.

Закар 6:5

Андел вочавидзис: «Тайӧ – енэжыслӧн нёль тӧв. Найӧ петӧны Господьсянь, коді ыджыдалӧ став му вылас».

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

Марк 13:27

Сійӧ мӧдӧдас анделъяссӧ нёльнан му вежтасас да чукӧртас Ассьыс бӧрйӧмаяссӧ став му пельӧссьыс.

Восьтӧм 20:8

Найӧ паськӧдчасны став му пасьтала да кытшаласны вежа войтырлысь оланінсӧ да Енлысь муса карсӧ.

Восьтӧм 6:6

Сэсся нёль ловъя олысь шӧрысь ме кылі кодлыськӧ гӧлӧс шысӧ. Сійӧ шуис: «Ӧти хиникс шобдіысь – ӧти динар. Куим хиникс идйысь – тшӧтш сы мында. Но выйсӧ да винасӧ эн тшыкӧд!»

Восьтӧм 7:3

«Энӧ вӧчӧй лёксӧ мулы, саридзлы да пуяслы, кытчӧдз огӧ пуктӧй плешканыс пас миян Енлӧн кесйӧгъяслы».

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.

Восьтӧм 9:14

Гӧлӧс шыыс шуис квайтӧд анделлы, кодлӧн вӧлі трубаыс: «Мезды нёльнан анделсӧ, кодъясӧс кӧрталӧма ыджыд Ефрат ю дорӧ».

Восьтӧм 9:4

Налы вӧлі шуӧма, медым эз вӧчны некутшӧм лёктор турунлы, быдмӧглы либӧ пулы, а сӧмын йӧзыслы, кодъяслӧн плешкас абу Енлӧн пасыс.