Восьтӧм 6:16 - Коми Библия 2023

¹⁶ Керӧсъяслы да изкырталы найӧ шуалісны: «Усьӧй миян вылӧ да дзебӧй миянӧс юралан пуклӧсын Пукалысьлӧн синмысь да Балялӧн скӧрлунысь!

Восьтӧм 6:16 Iomraidhean Croise

Псалтыр 14:5

Сьӧмсӧ водзӧсӧн сетӧмысь сійӧ бӧрсӧ унджык оз босьт, козинъяс оз босьт, медым мыждыны мыжтӧм мортӧс. Тадзи вӧчысь некор оз усь.

Исай 2:10

Пышйӧй изкыртаӧ, дзебсьӧй му пытшкас ӧд тіянӧс полӧм топӧдас Господьлӧн вынысь, Сылӧн дзирдлунысь тіянӧс полӧм босьтас.

Еремей 8:3

А тайӧ лёк йӧз пӧвстсьыс ловйӧн кольӧмаяслы кулӧмыс лоӧ мусаджык олӧм дорсьыс. Тадзи лоӧ быдлаын, кытчӧ Ме вӧтла найӧс, – висьталӧ Господь Саваоф».

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Матвей 26:64

Исус вочавидзис: «Тэ шуин. Висьтала тіянлы: ӧнісянь аддзанныд Морт Пиӧс, Ставсӧвермысьлӧн веськыдладорас пукалысьӧс да кымӧръяс вылын локтысьӧс».

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Лука 23:30

Сэки шуасны керӧсъяслы: ”Усьӧй миян вылӧ!” Мылькъяслы шуасны: ”Вевттьӧй миянӧс!”

Восьтӧм 10:6

да кыв сетіс помтӧг Олысь водзын, коді вӧчис енэжсӧ да сэні олысьясӧс, мусӧ да сы вылын олысьясӧс, саридзсӧ да сы пытшкын олысьясӧс. Сійӧ кыв сетӧмӧн шуис: «Кадыс оз нин ло.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 20:11

Сэсся ме аддзи ыджыд да еджыд юралан пуклӧс да сы вылын Пукалысьӧс. Енэжыс да муыс пышйисны Сылӧн син водзысь, но налы некытчӧ вӧлі дзебсьынысӧ.

Восьтӧм 4:2

Дзик пыр ме тыри Лолӧн да аддзи енэжсьыс пуклӧс да сы вылын Пукалысьӧс.

Восьтӧм 4:5

Пуклӧссянь петісны чардби да гым шы. Пуклӧс водзас ӧзйис сизим би, Енлӧн сизим лолыс.

Восьтӧм 4:9

Кор ловъя олысьяс ошкӧны-нимӧдӧны да аттьӧалӧны юралан пуклӧсын Пукалысьӧс, помтӧг Олысьӧс,

Восьтӧм 5:1

Юралан пуклӧсын Пукалысьлӧн веськыд киысь ме аддзи гартӧм гижӧд. Сэтчӧ вӧлі гижӧма кыкнанладорсяньыс, и сійӧс вӧлі тупкӧма сизим печатьӧн.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»

Восьтӧм 9:6

Сійӧ лунъясӧ йӧзыс кутасны корсьны кулӧмсӧ, но оз аддзыны, кӧсъясны кувны, но кулӧмыс пышъяс на дінысь.